ਮਰਿਅਮ ਨੇ ਜੱਜ ''ਤੇ ਮੁੜ ਲਗਾਏ ਦੋਸ਼, ਜਾਰੀ ਕੀਤੇ ਦੋ ਨਵੇਂ ਵੀਡੀਓ
07/11/2019 3:22:26 PM
ਇਸਲਾਮਾਬਾਦ (ਬਿਊਰੋ)— ਪਾਕਿਸਤਾਨ ਦੇ ਸਾਬਕਾ ਪ੍ਰਧਾਨ ਮੰਤਰੀ ਨਵਾਜ਼ ਸ਼ਰੀਫ ਦੀ ਬੇਟੀ ਮਰਿਅਮ ਨਵਾਜ਼ ਉਨ੍ਹਾਂ ਦੀ ਰਿਹਾਈ ਲਈ ਹਰ ਸੰਭਵ ਕੋਸ਼ਿਸ਼ ਕਰ ਰਹੀ ਹੈ। ਬੀਤੇ ਦਿਨੀਂ ਮਰਿਅਮ ਨੇ ਇਸ ਮਾਮਲੇ ਵਿਚ ਫੈਸਲਾ ਸੁਣਾਉਣ ਵਾਲੇ ਜੱਜ ਅਰਸ਼ਦ ਮਲਿਕ 'ਤੇ ਦੋਸ਼ ਲਗਾਇਆ ਸੀ ਕਿ ਉਨ੍ਹਾਂ ਨੇ ਫੈਸਲਾ ਦਬਾਅ ਵਿਚ ਸੁਣਾਇਆ ਸੀ। ਇਸ ਲਈ ਉਨ੍ਹਾਂ ਨੇ ਇਕ ਵੀਡੀਓ ਵੀ ਸਾਂਝਾ ਕੀਤਾ। ਹੁਣ ਮਰਿਅਮ ਨੇ ਇਨ੍ਹਾਂ ਦਾਅਵਿਆਂ ਨੂੰ ਸਹੀ ਸਾਬਤ ਕਰਨ ਲਈ ਦੋ ਹੋਰ ਵੀਡੀਓ ਸਾਂਝੇ ਕੀਤੇ ਹਨ।
ਮਰਿਅਮ ਵੱਲੋਂ ਸਾਂਝੇ ਕੀਤੇ ਗਏ ਵੀਡੀਓ ਵਿਚ ਫੈਸਲਾ ਸੁਣਾਉਣ ਵਾਲੇ ਜੱਜ ਅਰਸ਼ਦ ਮਲਿਕ ਦੀ ਕਥਿਤ ਤੌਰ 'ਤੇ ਪੀ.ਐੱਮ.ਐੱਲ.-ਐੱਨ. ਦੇ ਇਕ ਸਮਰਥਕ ਨਾਲ ਮੁਲਾਕਾਤ ਦੌਰਾਨ ਗਤੀਵਿਧੀ ਰਿਕਾਰਡ ਹੈ। ਮਰਿਅਮ ਦਾ ਦਾਅਵਾ ਹੈ ਕਿ ਉਸ ਦੇ ਪਿਤਾ ਨਵਾਜ਼ ਸ਼ਰੀਫ ਨੂੰ ਦੋਸ਼ੀ ਠਹਿਰਾਉਣ ਲਈ ਜੱਜ 'ਤੇ ਦਬਾਅ ਪਾਇਆ ਗਿਆ ਅਤੇ ਧਮਕੀ ਦਿੱਤੀ ਗਈ। ਵੀਰਵਾਰ ਨੂੰ ਇਕ ਅੰਗਰੇਜ਼ੀ ਅਖਬਾਰ ਦੀ ਰਿਪੋਰਟ ਮੁਤਾਬਕ ਮਰਿਅਮ ਨੇ ਬੁੱਧਵਾਰ ਨੂੰ ਟਵਿੱਟਰ 'ਤੇ ਦੋ ਵੀਡੀਓ ਸਾਂਝੇ ਕੀਤੇ।
Judge Arshad Malik’s official car with a green number plate comes to escort Nasir Butt sb who then follows the car to Judge Sb’s residence. Belies all claims of Judge Arshad Malik sb that he mentioned in his press release. pic.twitter.com/TOhFVb57B8
— Maryam Nawaz Sharif (@MaryamNSharif) July 10, 2019
ਇਨ੍ਹਾਂ ਵਿਚੋਂ ਇਕ ਵਿਚ ਜੱਜ ਮਲਿਕ ਦੀ ਹਰੇ ਰੰਗ ਦੀ ਨੰਬਰ ਪਲੇਟ ਵਾਲੀ ਅਧਿਕਾਰਕ ਕਾਰ ਨੂੰ ਬੱਟ ਨਾਲ ਆਉਂਦੇ ਹੋਏ ਦੇਖਿਆ ਜਾ ਸਕਦਾ ਹੈ। ਇਹ ਸ਼ਖਸ ਬਾਅਦ ਵਿਚ ਜੱਜ ਦੀ ਰਿਹਾਇਸ਼ ਤੱਕ ਕਾਰ ਦੇ ਪਿੱਛੇ ਜਾਂਦੇ ਹੋਏ ਦਿੱਸਦਾ ਹੈ। ਭਾਵੇਂਕਿ ਅਖਬਾਰ ਨੇ ਕਿਹਾ ਹੈ ਕਿ ਦੋਹਾਂ ਵੀਡੀਓ ਦੀ ਪ੍ਰਮਾਣਿਕਤਾ ਹਾਲੇ ਤੱਕ ਸਾਬਤ ਨਹੀਂ ਹੋ ਸਕੀ ਹੈ।
Nasir Butt sb entering Judge Sb’s residence. Judge Arshad Malik sb comes in, greets Nasir sb & switches the lights on. pic.twitter.com/HHC4P8bCCr
— Maryam Nawaz Sharif (@MaryamNSharif) July 10, 2019
ਦੂਜੇ ਵੀਡੀਓ ਵਿਚ ਬੱਟ ਨੂੰ ਜੱਜ ਦੀ ਰਿਹਾਇਸ਼ ਵਿਚ ਦਾਖਲ ਹੁੰਦੇ ਦੇਖਿਆ ਜਾ ਸਕਦਾ ਹੈ। ਮਰਿਅਮ ਨੇ ਦਾਅਵਾ ਕੀਤਾ,''ਵੀਡੀਓ ਜੱਜ ਅਰਸ਼ਦ ਮਲਿਕ ਦੇ ਉਨ੍ਹਾਂ ਸਾਰੇ ਦਾਅਵਿਆਂ ਨੂੰ ਝੂਠਾ ਸਾਬਤ ਕਰਦਾ ਹੈ ਜੋ ਉਨ੍ਹਾਂ ਨੇ ਪ੍ਰੈੱਸ ਬਿਆਨ ਵਿਚ ਦਿੱਤੇ ਸਨ।''