ਡੂੰਘੇ ਪਾਣੀ ਦੀ ਖੱਡ 'ਚ ਡਿੱਗਾ ਲੜਕਾ, ਬਚਾਅ ਮੁਹਿੰਮ ਜਾਰੀ

ਸਿਡਨੀ (ਬਿਊਰੋ)— ਸੋਮਵਾਰ ਸਵੇਰੇ ਨਿਊ ਸਾਊਥ ਵੇਲਜ਼ ਸੈਂਟਰਲ ਕੋਸਟ ਦੇ ਫਰੇਜ਼ਰ ਪਾਰਕ ਦੇ ਡੂੰਘੇ ਪਾਣੀ ਦੀ ਖੱਡ 'ਚ ਵਿਚ ਇਕ ਲੜਕਾ ਫਸ ਗਿਆ। ਇਕ ਬਚਾਅ ਹੈਲੀਕਾਪਟਰ ਉਸ ਲੜਕੇ ਦੀ ਮਦਦ ਲਈ ਉੱਥੇ ਪਹੁੰਚ ਚੁੱਕਾ ਹੈ। ਪੈਰਾ ਮੈਡੀਕਲ ਅਧਿਕਾਰੀਆਂ ਨੂੰ ਸਵੇਰੇ 10:50 'ਤੇ ਸਨੈਪਰ ਪੁਆਇੰਟ ਰੋਡ 'ਤੇ ਬੁਲਾਇਆ ਗਿਆ। ਸੂਚਨਾ ਮਿਲਦੇ ਹੀ ਅਧਿਕਾਰੀ ਜਲਦੀ ਨਾਲ ਮੌਕੇ 'ਤੇ ਪਹੁੰਚ ਗਏ।

ਉੱਧਰ ਲੜਕਾ ਲੱਗਭਗ ਅੱਧੇ ਘੰਟੇ ਤੋਂ ਡੂੰਘੇ ਪਾਣੀ ਵਿਚ ਫਸਿਆ ਹੋਇਆ ਸੀ। ਪੈਰਾ ਮੈਡੀਕਲ ਅਧਿਕਾਰੀ ਲੜਕੇ ਨੂੰ ਬਾਹਰ ਕੱਢਣ ਲਈ ਉਚਿਤ ਕਾਰਵਾਈ ਕਰ ਰਹੇ ਹਨ। ਲੜਕੇ ਦੇ ਦੋ ਦੋਸਤ ਪਹਿਲਾਂ ਹੀ ਸੁਰੱਖਿਅਤ ਬਾਹਰ ਨਿਕਲ ਆਏ ਸਨ।