NSW ''ਚ ਨਵੇਂ ਮਾਮਲੇ, ਪੀ.ਐੱਮ. ਮੌਰੀਸਨ ਨੇ ਰਿਕਾਰਡ ਟੈਸਟ ਕਰਾਉਣ ''ਤੇ ਕੀਤਾ ਧੰਨਵਾਦ

ਮੈਲਬੌਰਨ (ਬਿਊਰੋ): ਨਿਊ ਸਾਊਥ ਵੇਲਜ਼ ਵਿਚ ਰਾਤੋ ਰਾਤ ਨੌਂ ਨਵੇਂ ਕੋਵਿਡ-19 ਕੇਸ ਦਰਜ ਕੀਤੇ ਗਏ, ਜਿਹਨਾਂ ਵਿਚੋਂ ਸੱਤ ਨੌਰਥਨ ਬੀਚਸ ਪ੍ਰਕੋਪ ਨਾਲ ਜੁੜੇ ਹੋਏ ਹਨ। ਪ੍ਰੀਮੀਅਰ ਗਲੇਡਿਸ ਬੇਰੇਜਿਕਲਿਅਨ ਨੇ ਕਿਹਾ ਕਿ ਕੱਲ੍ਹ 60,000 ਲੋਕਾਂ ਨੇ ਟੈਸਟ ਕਰਵਾਇਆ। ਜਦਕਿ ਆਸਟ੍ਰੇਲੀਆ ਵਿਚ ਬੀਤੇ 24 ਘੰਟਿਆਂ ਵਿਚ ਰਿਕਾਰਡ 96,000 ਟੈਸਟ ਕੀਤੇ ਗਏ। ਪ੍ਰਧਾਨ ਮੰਤਰੀ ਸਕੌਟ ਮੌਰੀਸਨ ਨੇ ਟਵੀਟ ਕਰ ਕੇ ਰਿਕਾਰਡ ਗਿਣਤੀ ਵਿਚ ਟੈਸਟ ਕਰਾਉਣ 'ਤੇ ਲੋਕਾਂ ਦਾ ਧੰਨਵਾਦ ਕੀਤਾ। ਮੌਰੀਸਨ ਨੇ ਉਹਨਾਂ ਸਿਹਤ ਕਰਮੀਆਂ ਦਾ ਵੀ ਧੰਨਵਾਦ ਕੀਤਾ ਜੋ ਕ੍ਰਿਸਮਿਸ ਮੌਕੇ ਆਪਣੀਆਂ ਸੇਵਾਵਾਂ ਦੇ ਰਹੇ ਹਨ।

Well done Australia! Latest numbers show more than 96,000 COVID tests in the last 24 hours, a new record. A big thanks to all the health workers who will be working through Christmas to keep us safe. Let’s all keep doing our bit to stay COVIDSafe.

— Scott Morrison (@ScottMorrisonMP) December 24, 2020

ਬੇਰੇਜਿਕਲਿਅਨ ਨੇ ਕ੍ਰਿਸਮਸ ਦੀ ਮਿਆਦ ਦੌਰਾਨ ਖੁਦ ਨੂੰ ਬਿਮਾਰ ਮਹਿਸੂਸ ਕਰਨ ਵਾਲੇ ਵਿਅਕਤੀ ਨੂੰ ਟੈਸਟ ਕਰਵਾਉਣ ਦੀ ਅਪੀਲ ਕੀਤੀ।ਉਨ੍ਹਾਂ ਨੇ ਕਿਹਾ,''ਸਾਡੇ ਕੋਲ ਰਾਜ ਭਰ ਵਿਚ ਨਿੱਜੀ, ਸਰਕਾਰੀ, ਪੈਥੋਲੋਜੀ ਟੈਸਟਿੰਗ ਯੂਨਿਟਸ ਵਿਚ 300 ਕਲੀਨਿਕ, ਹਨ ਜੋ ਦਿਨ- ਰਾਤ ਭਰ ਕੰਮ ਕਰ ਰਹੇ ਹਨ।ਬੇਰੇਜਿਕਲੀਅਨ ਦਾ ਕਹਿਣਾ ਹੈ ਕਿ ਟੈਸਟ ਦੇ ਨਤੀਜੇ ਆਮ ਤੌਰ 'ਤੇ ਕੁਝ ਘੰਟਿਆਂ ਤੋਂ 12 ਘੰਟਿਆਂ ਦੇ ਅੰਦਰ ਆ ਜਾਂਦੇ ਹਨ। ਉਹਨਾਂ ਨੇ ਕ੍ਰਿਸਮਸ ਮੌਕੇ ਆਪਣੇ ਸੰਦੇਸ਼ 'ਤੇ ਜ਼ੋਰ ਦੇ ਕੇ ਕਿਹਾ,"ਕਿਰਪਾ ਕਰਕੇ ਲੋਕ ਆਪਣੀ ਗਤੀਸ਼ੀਲਤਾ ਸੀਮਤ ਕਰਨ।"

NSW recorded nine locally acquired cases of COVID-19 in the 24 hours to 8pm last night, with an additional nine cases in returned travellers in hotel quarantine. pic.twitter.com/GpIF3OBT1p

— NSW Health (@NSWHealth) December 24, 2020

ਪੜ੍ਹੋ ਇਹ ਅਹਿਮ ਖਬਰ- ਸਿਡਨੀ 'ਚ ਮਨਾਇਆ ਜਾਵੇਗਾ ਨਵੇਂ ਸਾਲ ਦਾ ਜਸ਼ਨ : ਪ੍ਰੀਮੀਅਰ

ਪ੍ਰੀਮੀਅਰ ਮੁਤਾਬਕ,ਅਸੀਂ ਲੋਕਾਂ ਵੱਲੋਂ ਦਿੱਤੇ ਸਹਿਯੋਗ ਦੀ ਸ਼ਲਾਘਾ ਕਰਦੇ ਹਾਂ। ਇੱਥੇ ਦੱਸ ਦਈਏ ਕਿ ਹੁਣ ਤੱਕ ਆਸਟ੍ਰੇਲੀਆ ਭਰ ਵਿਚ ਕੋਵਿਡ-19 ਦੇ ਕੁੱਲ 28,258 ਕੇਸ ਸਾਹਮਣੇ ਆਏ ਹਨ ਜਦਕਿ 908 ਲੋਕਾਂ ਦੀ ਮੌਤ ਹੋ ਚੁੱਕੀ ਹੈ।