ਪਿਘਲਦੇ ਗਲੇਸ਼ੀਅਰ 2100 ਤੱਕ ਸਮੁੰਦਰ ਤਲ ਨੂੰ 10 ਇੰਚ ਤੱਕ ਵਧਾ ਸਕਦੇ ਹਨ : ਅਧਿਐਨ

ਵਾਸ਼ਿੰਗਟਨ (ਭਾਸ਼ਾ)- ਵਿਸ਼ਵ ਭਰ ਵਿਚ ਪਿਘਲ ਰਹੇ ਗਲੇਸ਼ੀਅਰ ਇਸ ਸਦੀ ਦੇ ਅਖੀਰ ਤੱਕ ਸਮੁੰਦਰੀ ਤਲ ਵਿਚ 10 ਇੰਚ ਤੱਕ ਵਾਧਾ ਕਰ ਸਕਦੇ ਹਨ। ਇਕ ਅਧਿਐਨ ਵਿਚ ਇਸ ਨੂੰ ਲੈ ਕੇ ਸੁਚੇਤ ਕੀਤਾ ਗਿਆ ਹੈ। ਇਸ ਖੋਜ ਵਿਚ ਸੰਕੇਤ ਦਿੱਤਾ ਗਿਆ ਹੈ ਕਿ ਛੋਟੇ ਗਲੇਸ਼ੀਅਰ ਸਮੁੰਦਰੀ ਤਲ ਵਧਾਉਣ 'ਤੇ ਪੂਰਬ ਦੇ ਅਨੁਮਾਨਾਂ ਦੇ ਮੁਕਾਬਲੇ ਜ਼ਿਆਦਾ ਵੱਡੀ ਭੂਮਿਕਾ ਨਿਭਾਅ ਸਕਦੇ ਹਨ। ਖੋਜਕਰਤਾਵਾਂ ਨੇ ਕਿਹਾ ਕਿ ਇਹ ਗਲੇਸ਼ੀਅਰ ਸਿਮੁਲੇਸ਼ਨ ਦੀ ਹੁਣ ਤੱਕ ਦੀ ਸਭ ਤੋਂ ਵਿਆਪਕ ਸੰਸਾਰਕ ਤੁਲਨਾ ਹੈ। ਇਸ ਅਧਿਐਨ ਵਿਚ ਅੰਦਾਜ਼ਾ ਜਤਾਇਆ ਗਿਆ ਹੈ ਕਿ ਦੁਨੀਆ ਭਰ ਦੇ ਗਲੇਸ਼ੀਅਰ ਦਾ 2100 ਤੱਕ 18 ਤੋਂ 36 ਫੀਸਦੀ ਮਾਸ ਘੱਟ ਸਕਦਾ ਹੈ। ਇਹ ਖੋਜ ਜਨਰਲ ਆਫ ਗਲੇਸਿਓਲਾਜੀ ਵਿਚ ਪ੍ਰਕਾਸ਼ਿਤ ਹੋਇਆ ਹੈ। ਅਮਰੀਕਾ ਦੀ ਯੂਨੀਵਰਸਿਟੀ ਅਲਾਸਕਾ ਫੇਅਰਬੈਂਕਸ ਦੇ ਰੇਜੀਨ ਹੋਕ ਨੇ ਕਿਹਾ ਕਿ ਸਪੱਸ਼ਟ ਸੰਦੇਸ਼ ਇਹ ਹੈ ਕਿ ਪੂਰੇ ਵਿਸ਼ਵ ਵਿਚ ਮਾਸ ਘਟੇਗਾ ਕਾਫੀ ਘਟੇਗਾ। ਖੇਤਰ ਦਰ ਖੇਤਰ ਬਰਫ ਪਿਘਲਣ ਦੇ ਅੰਦਾਜ਼ੇ ਵਿਚ ਫਰਕ ਹੈ ਪਰ ਪੈਟਰਨ ਸਪੱਸ਼ਟ ਹੈ।