ਬੰਗਲਾਦੇਸ਼ ਦੇ ਢਾਕਾ ’ਚ ਜ਼ਬਰਦਸਤ ਧਮਾਕਾ, 14 ਲੋਕਾਂ ਦੀ ਗਈ ਜਾਨ, 100 ਤੋਂ ਵੱਧ ਜ਼ਖ਼ਮੀ
03/07/2023 7:46:32 PM
ਇੰਟਰਨੈਸ਼ਨਲ ਡੈਸਕ : ਬੰਗਲਾਦੇਸ਼ ਦੇ ਢਾਕਾ ਦੇ ਗੁਲਿਸਤਾਨ ਇਲਾਕੇ ’ਚ ਮੰਗਲਵਾਰ ਸ਼ਾਮ ਨੂੰ ਇਕ ਇਮਾਰਤ ’ਚ ਹੋਏ ਧਮਾਕੇ 'ਚ ਘੱਟੋ-ਘੱਟ 14 ਲੋਕਾਂ ਦੀ ਮੌਤ ਹੋ ਗਈ ਅਤੇ 100 ਤੋਂ ਵਧੇਰੇ ਜ਼ਖ਼ਮੀ ਹੋ ਗਏ। ਫਾਇਰ ਬ੍ਰਿਗੇਡ ਸਰਵਿਸ ਨਾਲ ਜੁੜੇ ਅਧਿਕਾਰੀ ਰਸ਼ੀਦ ਬਿਨ ਖਾਲਿਦ ਨੇ ਦੱਸਿਆ ਕਿ ਫਾਇਰ ਬ੍ਰਿਗੇਡ ਦੀਆਂ 11 ਯੂਨਿਟਾਂ ਬਚਾਅ ਕਾਰਜ ਨੂੰ ਅੰਜਾਮ ਦੇਣ ਲਈ ਮੌਕੇ 'ਤੇ ਕੰਮ ਕਰ ਰਹੀਆਂ ਹਨ।
ਇਹ ਖ਼ਬਰ ਵੀ ਪੜ੍ਹੋ : ਸਿੱਖਿਆ ਮੰਤਰੀ ਹਰਜੋਤ ਬੈਂਸ ਨੇ ਅਧਿਆਪਕਾਂ ਨੂੰ ਲਿਖਿਆ ਪੱਤਰ, ਕੀਤੀ ਖ਼ਾਸ ਅਪੀਲ
ਧਮਾਕੇ ਨਾਲ ਗੁਲਿਸਤਾਨ ਬੀ.ਆਰ.ਟੀ.ਸੀ. ਬੱਸ ਕਾਊਂਟਰ ਦੇ ਦੱਖਣ ਵਾਲੇ ਪਾਸੇ ਇਕ ਪੰਜ ਮੰਜ਼ਿਲਾ ਇਮਾਰਤ, ਜ਼ਮੀਨੀ ਮੰਜ਼ਿਲ ’ਤੇ ਇਕ ਸੈਨੇਟਰੀ ਦੀ ਦੁਕਾਨ, ਬੈਂਕ ਦਾ ਦਫ਼ਤਰ ਧਮਾਕੇ ਨਾਲ ਪ੍ਰਭਾਵਿਤ ਹੋਇਆ ਪਰ ਕੋਈ ਵੀ ਇਮਾਰਤ ਡਿਗੀ ਨਹੀਂ। ਅੱਗ-ਬੁਝਾਊ ਅਧਿਕਾਰੀਆਂ ਮੁਤਾਬਕ ਧਮਾਕਾ ਬੀ.ਆਰ.ਟੀ.ਸੀ. ਬੱਸ ਕਾਊਂਟਰ ਨੇੜੇ ਸ਼ਾਮ ਤਕਰੀਬਨ 4:45 ਵਜੇ ਹੋਇਆ। ਡੀ.ਐੱਮ. ਸੀ.ਐੱਚ. ਪੁਲਸ ਚੌਕੀ ਦੇ ਇੰਚਾਰਜ ਇੰਸਪੈਕਟਰ ਬੱਚੂ ਮੀਆ ਨੇ ਦੱਸਿਆ ਕਿ ਹੁਣ ਤੱਕ 14 ਲਾਸ਼ਾਂ ਅਤੇ 100 ਤੋਂ ਵੱਧ ਜ਼ਖ਼ਮੀਆਂ ਨੂੰ ਢਾਕਾ ਮੈਡੀਕਲ ਕਾਲਜ ਹਸਪਤਾਲ ਲਿਆਂਦਾ ਗਿਆ ਹੈ। ਧਮਾਕੇ ਦੇ ਕਾਰਨਾਂ ਦਾ ਤੁਰੰਤ ਪਤਾ ਨਹੀਂ ਲੱਗ ਸਕਿਆ। ਇਹ ਧਮਾਕਾ ਸਿੱਦੀਕੀ ਬਾਜ਼ਾਰ ’ਚ ਸਥਿਤ ਇਕ ਵਪਾਰਕ ਇਮਾਰਤ ’ਚ ਹੋਇਆ, ਜਿਸ ’ਚ ਕਈ ਦਫ਼ਤਰ ਅਤੇ ਸਟੋਰ ਸਨ।
ਇਹ ਖ਼ਬਰ ਵੀ ਪੜ੍ਹੋ : ਸ੍ਰੀ ਚੋਲਾ ਸਾਹਿਬ ਵਿਖੇ ਵਾਪਰੀ ਖ਼ੌਫ਼ਨਾਕ ਵਾਰਦਾਤ, ਮੇਲਾ ਦੇਖ ਪਰਤ ਰਹੇ ਨੌਜਵਾਨ ਨੂੰ ਉਤਾਰਿਆ ਮੌਤ ਦੇ ਘਾਟ