ਮਲਾਲਾ ਯੂਸਫਜ਼ਈ ਨੇ ਆਕਸਫੋਰਡ ''ਚ ਅਟੈਂਡ ਕੀਤੀ ਆਪਣੀ ਪਹਿਲੀ ਕਲਾਸ, ਤਸਵੀਰ ਵਾਇਰਲ
10/10/2017 2:26:51 PM
ਇਸਲਾਮਾਬਾਦ(ਬਿਊਰੋ)— ਦੁਨੀਆ ਦੀ ਮਸ਼ਹੂਰ ਸਾਮਾਜਕ ਵਰਕਰ ਅਤੇ ਸ਼ਾਂਤੀ ਦਾ ਨੋਬਲ ਜਿੱਤਣ ਵਾਲੀ ਮਲਾਲਾ ਯੂਸਫਜ਼ਈ ਦੀ ਇਕ ਤਸਵੀਰ ਟਵਿਟਰ ਉੱਤੇ ਖੂਬ ਵਾਇਰਲ ਹੋ ਰਹੀ ਹੈ। ਪਾਕਿਸਤਾਨ ਦੀ ਸਵਾਤ ਘਾਟੀ ਵਿਚ ਕੁੜੀਆਂ ਨੂੰ ਸਿੱਖਿਆ ਦਾ ਅਧਿਕਾਰ ਦਿਵਾਉਣ ਲਈ ਆਪਣੀ ਜਾਨ ਉੱਤੇ ਖੇਡਣ ਵਾਲੀ ਮਲਾਲਾ ਨੇ ਸੋਮਵਾਰ ਨੂੰ ਇਹ ਤਸਵੀਰ ਟਵਿਟਰ ਉੱਤੇ ਪੋਸਟ ਕੀਤੀ ਸੀ। ਇਸ ਤਸਵੀਰ ਵਿਚ ਉਨ੍ਹਾਂ ਨੇ ਆਕਸਫੋਰਡ ਯੂਨੀਵਰਸਿਟੀ ਵਿਚ ਆਪਣਾ ਪਹਿਲਾ ਲੈਕਚਰ ਅਟੈਂਡ ਕਰਨ ਦੇ ਬਾਰੇ ਵਿਚ ਦੱਸਿਆ ਹੈ। ਮਲਾਲਾ ਨੇ ਟਵੀਟ ਵਿਚ ਲਿਖਿਆ ਹੈ, ਅੱਜ ਤੋਂ 5 ਸਾਲ ਪਹਿਲਾਂ ਮੈਨੂੰ ਕੁੜੀਆਂ ਦੀ ਪੜ੍ਹਾਈ ਉੱਤੇ ਬੋਲਣ ਦੀ ਵਜ੍ਹਾ ਨਾਲ ਗੋਲੀ ਮਾਰ ਦਿੱਤੀ ਗਈ ਸੀ। ਅੱਜ ਮੈਂ ਆਕਸਫੋਰਡ ਵਿਚ ਆਪਣਾ ਪਹਿਲਾ ਲੈਕਚਰ ਅਟੈਂਡ ਕਰ ਰਹੀ ਹਾਂ।
5 years ago, I was shot in an attempt to stop me from speaking out for girls' education. Today, I attend my first lectures at Oxford. pic.twitter.com/sXGnpU1KWQ
— Malala (@Malala) October 9, 2017
12 ਘੰਟੇ ਅੰਦਰ ਲੋਕ ਇਸ ਟਵੀਟ ਨੂੰ 6.5 ਲੱਖ ਤੋਂ ਜ਼ਿਆਦਾ ਵਾਰ ਲਾਈਕ ਅਤੇ ਦੋ ਲੱਖ ਤੋਂ ਜ਼ਿਆਦਾ ਵਾਰ ਰੀਟਵੀਟ ਕਰ ਚੁੱਕੇ ਹਨ। ਤੁਹਾਨੂੰ ਦੱਸ ਦਈਏ ਕਿ ਮਲਾਲਾ ਵਿਸ਼ਵ ਪ੍ਰਸਿੱਧ ਆਕਸਫੋਰਡ ਯੂਨੀਵਰਸਿਟੀ ਤੋਂ ਫਿਲਾਸਿਫੀ, ਪਾਲੀਟਿਕਸ ਅਤੇ ਇਕਨਾਮਿਕਸ ਦੀ ਪੜ੍ਹਾਈ ਕਰ ਰਹੀ ਹੈ। ਉਨ੍ਹਾਂ ਇਸ ਸਾਲ ਅਗਸਤ ਵਿਚ ਆਕਸਫੋਰਡ ਵਿਚ ਦਾਖਲਾ ਲਿਆ ਸੀ। ਦੁਨੀਆ ਭਰ ਦੇ ਲੋਕਾਂ ਨੇ ਟਵਿਟਰ ਉੱਤੇ ਮਲਾਲਾ ਨੂੰ ਸ਼ੁੱਭਕਾਮਨਾਵਾਂ ਦਿੱਤੀਆਂ ਹਨ।
ਇਸ ਤੋਂ ਪਹਿਲਾਂ ਛੋਟੇ ਭਰਾ ਖੁਸ਼ਹਾਲ ਨੇ ਮਲਾਲਾ ਨੂੰ ਯੂਨੀਵਰਸਿਟੀ ਲਈ ਸ਼ੁੱਭਕਾਮਨਾਵਾਂ ਦਿੰਦੇ ਹੋਏ ਇਹ ਤਸਵੀਰ ਸਾਂਝੀ ਕੀਤੀ ਸੀ।
It's been a journey with ups and downs but you stayed strong. I am proud of you and I will miss you a lot. Good Luck with oxford💪🏽. pic.twitter.com/RPxXLaBaok
— Khushal Yousafzai (@Khushal_KY) October 7, 2017
ਉਥੇ ਹੀ ਮਲਾਲਾ ਦੇ ਪਿਤਾ ਜਿਆਉੱਦੀਨ ਯੂਸਫਜ਼ਈ ਨੇ ਪੜ੍ਹਾਈ ਨੂੰ ਅਧਿਕਾਰ ਦੱਸਦੇ ਹੋਏ ਟਵੀਟ ਕੀਤਾ ਹੈ।
Yes, we saw extreme hatred of extremists and limitless love of God and support of millions of people around the world. Education is a right. https://t.co/4OewCBfPe9
— Ziauddin Yousafzai (@ZiauddinY) October 9, 2017
ਜ਼ਿਕਰਯੋਗ ਹੈ ਕਿ 5 ਸਾਲ ਪਹਿਲਾਂ ਅੱਤਵਾਦੀਆਂ ਨੇ 'ਦ ਤਾਲੀਬਾਨ ਰੂਲ' ਡਾਇਰੀ ਲਿਖਣ ਦੀ ਵਜ੍ਹਾ ਨਾਲ ਸਾਲ 2012 ਵਿਚ ਮਲਾਲਾ ਦੇ ਸਿਰ ਵਿਚ ਗੋਲੀ ਮਾਰ ਦਿੱਤੀ ਸੀ, ਜਿਸ ਤੋਂ ਬਾਅਦ ਮਲਾਲਾ ਨੂੰ ਇਲਾਜ ਲਈ ਬ੍ਰਿਟੇਨ ਲਿਆਇਆ ਗਿਆ ਸੀ। ਸਾਲ 2014 ਵਿਚ ਮਲਾਲਾ ਨੂੰ ਸ਼ਾਂਤੀ ਦਾ ਨੋਬਲ ਦਿੱਤਾ ਗਿਆ। ਉਸ ਸਮੇਂ ਮਲਾਲਾ ਦੀ ਉਮਰ 17 ਸਾਲ ਸੀ ਅਤੇ ਇਸ ਤਰ੍ਹਾਂ ਉਹ ਸਭ ਤੋਂ ਘੱਟ ਉਮਰ ਵਿਚ ਨੋਬਲ ਪਾਉਣ ਵਾਲੀ ਪਹਿਲੀ ਸ਼ਖਸ ਹੈ। ਇਹੀ ਨਹੀਂ ਉਹ ਸਭ ਤੋਂ ਘੱਟ ਉਮਰ ਦੀ ਯੂ. ਐਨ ਦੀ ਸ਼ਾਂਤੀ ਦੂਤ ਵੀ ਹੈ।