ਕਲਿੰਟਨ-ਲੇਵਿੰਸਕੀ ਸਕੈਂਡਲ ਦਾ ਖੁਲਾਸਾ ਕਰਨ ਵਾਲੀ ਲਿੰਡਾ ਟ੍ਰਿਪ ਦਾ ਦਿਹਾਂਤ
04/09/2020 8:00:28 PM
ਵਾਸ਼ਿੰਗਟਨ- ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਿੱਲ ਕਲਿੰਟਨ ਦੇ ਬਾਰੇ ਵਿਚ ਮੋਨਿਕਾ ਲੇਵਿੰਸਕੀ ਦੀਆਂ ਰੋਮਾਂਟਿਕ ਗੱਲਾਂ ਨੂੰ ਗੁਪਤ ਤਰੀਕੇ ਨਾਲ ਰਿਕਾਰਡ ਕਰਕੇ ਇਸ ਸਕੈਂਡਲ ਨੂੰ ਦੁਨੀਆ ਦੇ ਸਾਹਮਣੇ ਲਿਆਉਣ ਵਾਲੀ ਲਿੰਡਾ ਟ੍ਰਿਪ ਦਾ 70 ਸਾਲ ਦੀ ਉਮਰ ਵਿਚ ਦਿਹਾਂਤ ਹੋ ਗਿਆ। ਟ੍ਰਿਪ ਦੇ ਸਾਬਕਾ ਵਕੀਲ ਜੋਸੇਫ ਮੁਰਥਾ ਨੇ ਉਹਨਾਂ ਦੇ ਦਿਹਾਂਤ ਦੀ ਪੁਸ਼ਟੀ ਕੀਤੀ ਹੈ।
ਪਰਿਵਾਰ ਦੇ ਲੋਕਾਂ ਨੇ ਕਿਹਾ ਕਿ ਬੁੱਧਵਾਰ ਨੂੰ ਉਹਨਾਂ ਦਾ ਦਿਹਾਂਤ ਹੋ ਗਿਆ। ਉਹ ਕੈਂਸਰ ਨਾਲ ਪੀੜਤ ਸੀ। ਟ੍ਰਿਪ ਉਸ ਵੇਲੇ ਅਮਰੀਕਾ ਦੇ ਰੱਖਿਆ ਵਿਭਾਗ ਦੇ ਅਧਿਕਾਰੀ ਦੇ ਤੌਰ 'ਤੇ ਕੰਮ ਕਰਦੀ ਸੀ। ਉਸ ਵੇਲੇ ਉਹਨਾਂ ਦੇ ਨਾਲ ਕੰਮ ਕਰਨ ਵਾਲੀ ਲੇਵਿੰਸਕੀ ਨੇ ਓਵਲ ਦਫਤਰ ਵਿਚ ਕਲਿੰਟਨ ਦੇ ਨਾਲ ਚੱਲ ਰਹੇ ਆਪਣੇ ਅਫੇਅਰ ਦੇ ਬਾਰੇ ਵਿਚ ਉਹਨਾਂ ਨੂੰ ਦੱਸਿਆ ਸੀ। ਗੱਲਬਾਤ ਨੂੰ ਟ੍ਰਿਪ ਨੇ ਗੁਪਤ ਤਰੀਕੇ ਨਾਲ ਰਿਕਾਰਡ ਕਰ ਲਿਆ ਸੀ।
ਲੇਵਿੰਸਕੀ ਨੇ ਇਸ ਵਿਚ ਕਲਿੰਟਨ ਦੇ ਨਾਲ ਆਪਣੇ ਸਬੰਧਾਂ ਦੀ ਗੱਲ ਕਹੀ ਸੀ। ਟ੍ਰਿਪ ਇਹ ਰਿਕਾਰਡਿੰਗ ਪ੍ਰੋਸੀਕਿਊਟਰ ਕੇਨ ਸਟਾਰ ਦੇ ਕੋਲ ਲੈ ਕੇ ਗਈ ਸੀ, ਜਿਸ ਤੋਂ ਬਾਅਦ ਇਸ ਦੀ ਜਾਂਚ ਸ਼ੁਰੂ ਹੋਈ ਸੀ।