ਆਰਗੈਨਿਕ ਫੂਡ ਸਟੋਰ ਤੋਂ ਖਰੀਦਿਆ ਸਲਾਦ, ਨਿਕਲਿਆ ''ਜੀਉਂਦਾ ਡੱਡੂ'' (ਵੀਡੀਓ)
08/19/2019 2:49:39 PM
ਵਿਸਕਾਨਸਿਨ (ਅਮਰੀਕਾ)— ਅਕਸਰ ਤੁਸੀਂ ਲੋਕਾਂ ਨੂੰ ਇਹ ਕਹਿੰਦਿਆਂ ਸੁਣਿਆ ਹੋਵੇਗਾ ਕਿ ਤਾਜ਼ਾ ਤੇ ਆਰਗੈਨਿਕ ਫੂਡ ਹੀ ਖਾਣਾ ਚਾਹੀਦਾ ਹੈ। ਪਰ ਜੇਕਰ ਤੁਹਾਡੇ ਕਿਸੇ ਬ੍ਰਾਂਡਡ ਕੰਪਨੀ ਦੇ ਸਟੋਰ ਤੋਂ ਲਿਆਂਦੇ ਤਾਜ਼ਾ ਆਰਗੈਨਿਕ ਖਾਣੇ 'ਚੋਂ ਕੋਈ ਜੀਉਂਦਾ ਜੀਵ ਮਿਲ ਜਾਵੇ ਤਾਂ ਤੁਹਾਨੂੰ ਕਿਹੋ ਜਿਹਾ ਮਹੂਸਸ ਹੋਵੇਗਾ। ਅਜਿਹਾ ਹੀ ਕੁਝ ਹੋਇਆ ਇਕ ਅਮਰੀਕੀ ਪਰਿਵਾਰ ਨਾਲ, ਜਿਨ੍ਹਾਂ ਦੇ ਤਾਜ਼ਾ ਆਰਗੈਨਿਕ ਸਲਾਦ 'ਚੋਂ 'ਜ਼ਿੰਦਾ ਡੱਡੂ' ਨਿਕਲ ਆਇਆ ਤੇ ਸਾਰੇ ਪਰਿਵਾਰ ਦੀਆਂ ਚੀਕਾਂ ਨਿਕਲ ਗਈਆਂ।
bon appetit! nothin like salad with a side of live frog 🐸 @SimpleTruth4U pic.twitter.com/KG9bPjotZ9
— Karlie Allen (@kkarliea) August 14, 2019
ਇਹ ਸਾਰੀ ਘਟਨਾ ਅਮਰੀਕਾ ਦੇ ਵਿਸਕਾਨਸਿਨ 'ਚ 14 ਅਗਸਤ ਦੀ ਹੈ। ਇਸ ਤੋਂ ਬਾਅਦ ਸਟੋਰ ਤੋਂ ਸਲਾਦ ਖਰੀਦਣ ਵਾਲੀ ਕਾਰਲੀ ਐਲਨ ਨੇ ਇਸ ਸਾਰੀ ਘਟਨਾ ਬਾਰੇ ਟਵੀਟ ਕੀਤਾ ਤੇ ਇਸ ਦੀ ਵੀਡੀਓ ਵੀ ਸ਼ੇਅਰ ਕੀਤੀ। ਐਲਨ ਪਰਿਵਾਰ ਨੇ ਇਹ ਸਲਾਦ ਦਾ ਡੱਬਾ 'ਸਿੰਪਲ ਟਰੁੱਥ' ਨਾਂ ਦੇ ਇਕ ਵੱਡੇ ਬ੍ਰਾਂਡ ਦੇ ਸਟੋਰ ਤੋਂ ਖਰੀਦਿਆ ਸੀ। ਐਲਨ ਨੇ ਇਕ ਨਿਊਜ਼ ਏਜੰਸੀ ਨਾਲ ਗੱਲ ਕਰਦਿਆ ਕਿਹਾ ਕਿ ਉਹ ਇਹ ਸੋਚ ਰਹੀ ਸੀ ਕਿ ਇਸ ਡੱਬੇ 'ਚ ਇਕ ਡੱਡੂ ਕਿਵੇਂ ਆ ਗਿਆ ਤਾਂ ਉਸ ਡੱਬੇ 'ਚੋਂ ਇਕ ਹੋਰ ਜ਼ਿੰਦਾ ਡੱਡੂ ਨਿਕਲ ਆਇਆ। ਇਸ ਸਭ ਤੋਂ ਬਾਅਦ ਐਲਨ ਨੇ ਵੀਡੀਓ ਸਣੇ ਇਸ ਘਟਨਾ ਨੂੰ ਟਵਿਟਰ 'ਤੇ ਸ਼ੇਅਰ ਕੀਤਾ।
Hey Karlie, Yikes! We are so sorry that you discovered a live frog in the Simple Truth product. So that we can direct message you and resolve this, please follow us on Twitter. Let us know when you are following us. Thanks!
— SimpleTruth (@SimpleTruth4U) August 15, 2019
ਇਸ ਘਟਨਾ ਦੀ ਵੀਡੀਓ ਸ਼ੇਅਰ ਹੋਣ ਤੋਂ ਬਾਅਦ ਲੋਕਾਂ ਨੇ ਆਰਗੈਨਿਕ ਫੂਡ ਵੇਚਣ ਵਾਲੀ ਕੰਪਨੀ ਨੂੰ ਲੰਬੇ ਹੱਥੀਂ ਲਿਆ। ਵੀਡੀਓ ਵਾਇਰਲ ਹੋਣ ਤੋਂ ਬਾਅਦ ਸਿੰਪਲ ਟਰੁੱਥ ਕੰਪਨੀ ਨੇ ਸਿੱਧਾ ਐਲਨ ਨੂੰ ਟਵਿਟਰ 'ਤੇ ਜਵਾਬ ਦਿੱਤਾ ਤੇ ਉਨ੍ਹਾਂ ਤੋਂ ਮੁਆਫੀ ਵੀ ਮੰਗੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਐਲਨ ਤੋਂ ਇਸ ਸਾਰੀ ਘਟਨਾ ਬਾਰੇ ਹੋਰ ਜਾਣਕਾਰੀ ਮੰਗੀ।