ਇੰਡੋਨੇਸ਼ੀਆ ''ਚ ਹੜ੍ਹ ਤੇ ਜ਼ਮੀਨ ਖਿਸਕਣ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 279 ਹੋਈ

Saturday, Nov 29, 2025 - 05:00 PM (IST)

ਇੰਡੋਨੇਸ਼ੀਆ ''ਚ ਹੜ੍ਹ ਤੇ ਜ਼ਮੀਨ ਖਿਸਕਣ ਨਾਲ ਮਰਨ ਵਾਲਿਆਂ ਦੀ ਗਿਣਤੀ 279 ਹੋਈ

ਇੰਟਰਨੈਸ਼ਨਲ ਡੈਸਕ- ਇੰਡੋਨੇਸ਼ੀਆ 'ਚ ਹੜ੍ਹ ਅਤੇ ਜ਼ਮੀਨ ਖਿਸਕਣ ਕਾਰਨ ਜਾਨ ਗੁਆਉਣ ਵਾਲੇ ਲੋਕਾਂ ਦੀ ਗਿਣਤੀ ਵੱਧ ਕੇ 279 ਹੋ ਗਈ ਹੈ ਅਤੇ ਅਧਿਕਾਰੀਆਂ ਨੇ ਮ੍ਰਿਤਕਾਂ ਦੀ ਗਿਣਤੀ ਹੋਰ ਵਧਣ ਦਾ ਖ਼ਦਸ਼ਾ ਜਤਾਇਆ ਹੈ। ਉੱਤਰੀ ਸੁਮਾਤਰਾ ਸੂਬੇ 'ਚ ਸੜਕਾਂ ਖ਼ਰਾਬ ਹੋਣ ਅਤੇ ਸੰਚਾਰ ਪ੍ਰਭਾਵਿਤ ਹੋਣ ਕਾਰਨ ਇਨ੍ਹਾਂ ਇਲਾਕਿਆਂ ਨਾਲ ਸੰਪਰਕ ਕੱਟ ਗਿਆ ਹੈ ਅਤੇ ਰਾਹਤ ਸਮੱਗਰੀ ਪਹੁੰਚਾਉਣ ਲਈ ਜਹਾਜ਼ਾਂ 'ਤੇ ਨਿਰਭਰ ਰਹਿਣਾ ਪਿਆ। ਭਾਰੀ ਉਪਕਰਣਾਂ ਦੀ ਕਮੀ ਕਾਰਨ ਬਚਾਅ ਕੰਮ ਵੀ ਪ੍ਰਭਾਵਿਤ ਹੋਏ। 

ਸੂਬਾਈ ਪੁਲਸ ਬੁਲਾਰੇ ਫੇਰੀ ਵਾਲਿੰਟੁਕਨ ਨੇ ਦੱਸਿਆ ਕਿ ਉੱਤਰੀ ਸੁਮਾਤਰਾ 'ਚ ਬਚਾਅ ਕਰਮੀਆਂ ਨੇ ਸ਼ਨੀਵਾਰ ਨੂੰ 31 ਲਾਸ਼ਾਂ ਬਰਾਮਦ ਕੀਤੀਆਂ, ਜਿਸ ਨਾਲ ਮ੍ਰਿਤਕਾਂ ਦੀ ਗਿਣਤੀ ਵੱਧ ਕੇ 279 ਹੋ ਗਈ। ਉਨ੍ਹਾਂ ਦੱਸਿਆ ਕਿ 174 ਲਾਪਤਾ ਲੋਕਾਂ ਦੀ ਭਾਲ ਲਈ 3500 ਤੋਂ ਵੱਧ ਪੁਲਸ ਮੁਲਾਜ਼ਮਾਂ ਨੂੰ ਤਾਇਨਾਤ ਕੀਤਾ ਗਿਆ ਹੈ ਅਤੇ ਸੂਬੇ ਭਰ 'ਚ ਅਸਥਾਈ ਸਰਕਾਰੀ ਸ਼ੈਲਟਰਾਂ 'ਚ ਸ਼ਰਨ ਲਏ 28,400 ਤੋਂ ਵੱਧ ਲੋਕਾਂ ਨੂੰ ਮਦਦ ਅਲਾਟ ਕਰਨ 'ਚ ਮਦਦ ਕੀਤੀ ਜਾ ਰਹੀ ਹੈ। 


author

DIsha

Content Editor

Related News