ਆਬੂ ਧਾਬੀ : ਕੰਪਨੀ ''ਚ ਕੰਮ ਕਰਦੇ ਪੰਜਾਬੀ ਨੇ ਗਵਾਏ ਹੱਥ-ਪੈਰ, ਇੰਝ ਮਿਲਿਆ ਮੁਆਵਜ਼ਾ

ਆਬੂ ਧਾਬੀ (ਏਜੰਸੀ)- ਭਾਰਤੀ ਦੂਤਘਰ ਦੇ ਦਖ਼ਲ ਤੋਂ ਬਾਅਦ ਆਬੂ ਧਾਬੀ ਆਧਾਰਤ ਇਕ ਕੰਪਨੀ ਕੋਲੋਂ ਭਾਰਤੀ ਵਿਅਕਤੀ ਨੂੰ 202,000 ਦਿਰਹਾਮ (ਲਗਭਗ 37,24,996 ਰੁਪਏ) ਦਾ ਭੁਗਤਾਨ ਕਰਵਾਇਆ ਗਿਆ। ਇਸ ਭਾਰਤੀ ਵਿਅਕਤੀ ਦੇ ਕੰਮ ਦੌਰਾਨ ਸੱਟ ਲੱਗ ਗਈ ਸੀ, ਇਸ ਹਾਦਸੇ ਵਿਚ ਉਸ ਨੇ ਆਪਣੇ ਹੱਥ-ਪੈਰ ਗੁਆ ਲਏ ਸਨ।
ਆਬੂ ਧਾਬੀ ਵਿਚ ਇਕ ਪ੍ਰਾਈਵੇਟ ਕੰਪਨੀ ਵਿਚ ਕ੍ਰੇਨ ਆਪ੍ਰੇਟਰ ਸੀ ਗੁਰਬਿੰਦਰ
ਆਬੂ ਧਾਬੀ ਵਿਚ ਇਕ ਪ੍ਰਾਈਵੇਟ ਕੰਪਨੀ ਲਈ ਇਕ ਕ੍ਰੇਨ ਅਪਰੇਟਰ ਵਜੋਂ ਕੰਮ ਕਰਨ ਵਾਲੇ ਪੰਜਾਬੀ ਮੂਲ ਦੇ ਗੁਰਬਿੰਦਰ ਸਿੰਘ ਦੇ 24 ਫਰਵਰੀ ਨੂੰ ਜ਼ਰਕੁ ਟਾਪੂ ਦੀ ਕੰਪਨੀ ਵਿਚ ਗੋਡੇ 'ਤੇ ਜ਼ਖਮ ਹੋਇਆ ਸੀ। ਇੱਕ ਮੈਡੀਕਲ ਰਿਪੋਰਟ ਅਨੁਸਾਰ ਸਿੰਘ ਨੂੰ ਸੇਪਟਿਕ ਸਦਮੇ ਅਤੇ ਖੱਬੇ ਗੋਡੇ ਨਿਕ੍ਰੋਟਾਈਜੰਗ ਸੈਲੂਲਾਈਟਿਸ (ਬੈਕਟੀਰੀਆ ਇਨਫੈਕਸ਼ਨ) ਦਾ ਸ਼ਿਕਾਰ ਦੱਸਿਆ ਗਿਆ ਸੀ, ਜਿਸ ਨਾਲ ਸਰੀਰ ਦੇ ਟਿਸ਼ੂ ਨੂੰ ਸੱਟ ਲੱਗਣ ਤੋਂ ਰੋਕਣ ਦੀ ਲੋੜ ਸੀ। ਅਪ੍ਰੈਲ ਦੇ ਦੂਜੇ ਹਫਤੇ ਤੱਕ, ਡਾਕਟਰਾਂ ਨੇ ਉਨ੍ਹਾਂ ਨੂੰ ਆਪਣੀ ਜਾਨ ਬਚਾਉਣ ਲਈ ਅੰਗ ਕੱਟਣ ਦੀ ਸਲਾਹ ਦਿੱਤੀ। ਉਸ ਨੂੰ 14 ਮਈ ਨੂੰ ਹਸਪਤਾਲ ਤੋਂ ਡਿਸਚਾਰਜ ਕੀਤਾ ਗਿਆ ਸੀ।
ਭਾਰਤੀ ਸਫਾਰਤਖਾਨੇ ਦੇ ਦਖਲ ਤੋਂ ਬਾਅਦ ਕੰਪਨੀ ਨੇ ਵਧਾਈ ਰਾਸ਼ੀ
ਖਲੀਜ ਟਾਈਮਜ਼ ਨੇ ਦੱਸਿਆ ਕਿ ਪੰਜਾਬੀ ਮੂਲ ਦੇ ਸਿੰਘ ਨੂੰ ਪਹਿਲਾਂ ਕੰਪਨੀ ਨੇ ਸਿਰਫ 5,750 ਦਿਰਹਾਮ ਦੀ ਪੇਸ਼ਕਸ਼ ਕੀਤੀ ਸੀ ਅਤੇ ਉਸ ਨੂੰ ਨੌਕਰੀ ਤੋਂ ਬਰਖਾਸਤ ਕਰ ਦਿੱਤਾ ਗਿਆ ਸੀ। ਹਾਲਾਂਕਿ, ਭਾਰਤੀ ਦੂਤਘਰ ਨੇ ਸਿੰਘ ਦੇ ਮਾਲਕ ਨਾਲ ਗੱਲਬਾਤ ਕਰਕੇ ਅਤੇ ਦੂਤਾਵਾਸ ਅਧਿਕਾਰੀਆਂ ਦੁਆਰਾ ਦਖਲ ਦੇਣ ਤੋਂ ਬਾਅਦ, ਕੰਪਨੀ ਨੇ ਸੈਟਲਮੈਂਟ ਰਕਮ 202,000 ਦਿਰਹਾਮ ਦੇਣ ਦੀ ਗੱਲ ਕਬੂਲ ਲਈ। 20 ਜੂਨ ਨੂੰ ਕੰਪਨੀ ਦੇ ਨੁਮਾਇੰਦਿਆਂ ਨੇ ਸਟਾਫ ਤੋਂ ਰਾਸ਼ੀ ਅਤੇ ਵਿੱਤੀ ਯੋਗਦਾਨ ਸਿੰਘ ਦੀ ਪਤਨੀ ਰਾਜਵਿੰਦਰ ਕੌਰ ਨੂੰ ਦੇਣ ਨੂੰ ਆਖਿਆ।
ਗੁਰਬਿੰਦਰ ਇਹ ਰਾਸ਼ੀ ਆਪਣੇ ਬੱਚਿਆਂ ਦੀ ਸਿੱਖਿਆ 'ਤੇ ਕਰਨਾ ਚਾਹੁੰਦੈ ਖਰਚ
202,000 ਦਿਰਹਾਮ ਪ੍ਰਾਪਤ ਕਰਨ ਤੋਂ ਬਾਅਦ, ਸਿੰਘ ਨੇ ਕਿਹਾ ਕਿ ਇਹ ਰਾਸ਼ੀ ਉਹ ਆਪਣੇ ਦੋ ਬੱਚਿਆਂ ਦੀ ਸਿੱਖਿਆ ਲਈ ਖਰਚ ਕਰਨਗੇ। ਉਸ ਦੀ ਪਤਨੀ ਨੇ ਕਿਹਾ ਕਿ ਦੂਤਘਰ ਨੂੰ ਮਦਦ ਦੀ ਪੇਸ਼ਕਸ਼ ਕੀਤੀ ਗਈ ਹੈ ਅਤੇ ਕੰਪਨੀ ਬਣਦੀ ਰਕਮ ਦਿਵਾਉਣ ਲਈ ਉਹ ਅਧਿਕਾਰੀਆਂ ਦੀ ਧੰਨਵਾਦੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਰਾਜਵਿੰਦਰ ਨੇ ਕਮਿਊਨਿਟੀ ਸੰਸਥਾਵਾਂ ਅਤੇ ਲੋਕਾਂ ਤੋਂ ਸਹਾਇਤਾ ਪ੍ਰਾਪਤ ਕੀਤੀ ਸੀ।