ਪਾਕਿਸਤਾਨ ਦੇ ਖਾਰਨ ''ਚ ਖੁਫੀਆ ਏਜੰਸੀ ਦੇ ਦਫਤਰ ''ਤੇ ਗ੍ਰੇਨੇਡ ਹਮਲਾ

ਕਵੇਟਾ— ਪਾਕਿਸਤਾਨ ਦੇ ਖਾਰਨ ਸ਼ਹਿਰ 'ਚ ਸੋਮਵਾਰ ਦੇਰ ਰਾਤ ਹਥਿਆਰਬੰਦ ਲੋਕਾਂ ਨੇ ਇਕ ਖੁਫੀਆ ਏਜੰਸੀ ਦੇ ਦਫਤਰ ਨੇੜੇ ਗ੍ਰੇਨੇਡ ਸੁੱਟਿਆ। ਪੁਲਸ ਮੁਤਾਬਕ ਮੋਟਰਸਾਈਕਲ ਸਵਾਰ ਹਮਲਾਵਰਾਂ ਨੇ ਖਾਰਨ ਸ਼ੇਖ ਜਾਇਦ ਗ੍ਰੇਟ ਮਸਜਿਦ ਦੇ ਨੇੜੇ ਇਮਾਰਤ 'ਤੇ ਗ੍ਰੇਨੇਡ ਸੁੱਟਿਆ। ਇਹ ਦਫਤਰ ਨੇੜੇ ਹੀ ਫੱਟ ਗਿਆ।
ਇੱਕ ਸੀਨੀਅਰ ਪੁਲਸ ਅਧਿਕਾਰੀ ਨੇ ਦੱਸਿਆ ਕਿ ਖੁਫ਼ੀਆ ਏਜੰਸੀ ਦਾ ਦਫ਼ਤਰ ਨਿਸ਼ਾਨਾ ਸੀ ਪਰ ਹਮਲੇ ਵਿੱਚ ਕੋਈ ਜਾਨੀ ਨੁਕਸਾਨ ਨਹੀਂ ਹੋਇਆ। ਬਾਅਦ 'ਚ ਸੁਰੱਖਿਆ ਬਲਾਂ ਨੇ ਮੌਕੇ 'ਤੇ ਪਹੁੰਚ ਕੇ ਹਮਲੇ ਦੇ ਪਿੱਛੇ ਵਾਲਿਆਂ ਨੂੰ ਫੜਨ ਲਈ ਤਲਾਸ਼ੀ ਮੁਹਿੰਮ ਚਲਾਈ।