ਰਾਵਤ ਦੇ ਬਿਆਨ ''ਤੇ ਭੜਕਿਆ ਪਾਕਿਸਤਾਨ, ਕਿਹਾ-ਵਿਰੋਧੀ ਏਜੰਡਾ ਚਲਾ ਕੇ ਕਰੀਅਰ ਬਣਾਉਣ ਦੀ ਕੋਸ਼ਿਸ਼ ਨਾ ਕਰੇ
11/07/2020 1:32:37 PM
ਇੰਟਰਨੈਸ਼ਨਲ ਡੈਸਕ: ਭਾਰਤ ਦੇ ਚੀਫ਼ ਆਫ ਡਿਫੈਂਸ ਸਟਾਫ਼ (ਸੀ.ਡੀ.ਐੱਸ.) ਜਨਰਲ ਬਿਪਿਨ ਰਾਵਤ ਨੇ ਸ਼ੁੱਕਰਵਾਰ ਨੂੰ ਇਕ ਡਿਜੀਟਲ ਸੰਮੇਲਨ ਨੂੰ ਸੰਬੋਧਿਤ ਕਰਦੇ ਹੋਏ ਚੀਨ ਅਤੇ ਪਾਕਿਸਤਾਨ 'ਤੇ ਨਿਸ਼ਾਨਾ ਸਾਧਿਆ ਸੀ। ਹੁਣ ਪਾਕਿਸਤਾਨ ਨੇ ਸੀ.ਡੀ.ਐੱਸ. ਬਿਪਿਨ ਰਾਵਤ ਦੇ ਦਿੱਤੇ ਬਿਆਨ ਨੂੰ ਗੈਰ-ਜ਼ਿੰਮੇਦਾਰਾਨਾ ਦੱਸਦੇ ਹੋਏ ਤਿੱਖੀ ਆਲੋਚਨਾ ਕੀਤੀ ਹੈ।
ਪਾਕਿਸਤਾਨ ਨੇ ਕਿਹਾ ਕਿ ਰਾਵਤ ਦਾ ਪਾਕਿਸਤਾਨ ਵਿਰੋਧੀ ਏਜੰਡਾ ਪਾਕਿਸਤਾਨ ਦੇ ਬਾਰੇ 'ਚ ਉਨ੍ਹਾਂ ਦੀ ਗਲਤ ਸਮਝ ਦੇ ਨਾਲ-ਨਾਲ ਉਨ੍ਹਾਂ ਦੀ ਰਾਜਨੀਤੀਕਰਨ ਕਰਨ ਦੀ ਆਦਤ ਨੂੰ ਵੀ ਦਿਖਾਉਂਦਾ ਹੈ। ਬਿਪਿਨ ਰਾਵਤ ਨੂੰ ਪਾਕਿਸਤਾਨ ਵਿਰੋਧੀ ਰਾਜਨੀਤੀ ਕਰਨ ਦੀ ਬਜਾਏ ਆਪਣੇ ਪ੍ਰੋਫੈਸ਼ਨਲ ਡੋਮੇਨ 'ਤੇ ਫੋਕਸ ਰੱਖਣਾ ਚਾਹੀਦਾ ਹੈ। ਪਾਕਿਸਤਾਨ ਨੇ ਕਿਹਾ ਕਿ ਜਨਰਲ ਰਾਵਤ ਦਾ ਬਿਆਨ ਆਰ.ਐੱਸ.ਐੱਸ. ਬੀ.ਜੇ.ਪੀ. ਦੀ ਸੋਚ ਨਾਲ ਮਿਲਦਾ-ਜੁਲਦਾ ਹੈ ਜੋ ਅੱਤਵਾਦੀ ਹਿੰਦੂਤਵ ਅਤੇ ਵਿਸਤਾਰਵਾਦੀ ਅਖੰਡ ਭਾਰਤ ਦੀ ਨੀਤੀ ਨੂੰ ਬੜਾਵਾ ਦਿੰਦੀ ਹੈ। ਇਹ ਦੁਖ਼ਦ ਹੈ ਕਿ ਇਹ ਵਿਚਾਰਧਾਰਾ ਭਾਰਤੀ ਫੌਜ ਸਮੇਤ ਉੱਥੇ ਦੀ ਸੰਸਥਾਵਾਂ 'ਚ ਵੀ ਪ੍ਰਵੇਸ਼ ਕਰ ਚੁੱਕੀ ਹੈ। ਪਾਕਿਸਤਾਨ ਦੇ ਖ਼ਿਲਾਫ ਭਾਰਤੀ ਸੀ.ਡੀ.ਐੱਸ. ਦੀ ਬਿਆਨਬਾਜ਼ੀ ਭਾਰਤ ਦੇ ਅੰਦਰੂਨੀ ਅਤੇ ਬਾਹਰੀ ਮੋਰਚੇ 'ਤੇ ਕੀਤੀ ਗਈ ਗਲਤੀਆਂ ਤੋਂ ਧਿਆਨ ਭਟਕਾਅ ਸਕੇਗੀ। ਪਾਕਿਸਤਾਨ ਨੇ ਜਨਰਲ ਰਾਵਤ ਨੂੰ ਸਲਾਹ ਦਿੱਤੀ ਹੈ ਕਿ ਉਹ ਫੌਜ ਖ਼ੇਤਰ 'ਚ ਹੀ ਸੀਮਿਤ ਰਹਿਣ ਅਤੇ ਪਾਕਿਸਤਾਨੀ ਵਿਰੋਧੀ ਏਜੰਡਾ ਚਲਾ ਕੇ ਕਰੀਅਰ ਬਣਾਉਣ ਦੀ ਕੋਸ਼ਿਸ਼ ਨਾ ਕਰਨ।
ਕੀ ਹੈ ਪੂਰਾ ਮਾਮਲਾ
ਜਾਣਕਾਰੀ ਮੁਤਾਬਕ ਪ੍ਰਮੁੱਖ ਰੱਖਿਆ ਪ੍ਰਧਾਨ ਜਨਰਲ ਬਿਪਿਨ ਰਾਵਤ ਨੇ ਸ਼ੁੱਕਰਵਾਰ ਨੂੰ ਪਾਕਿਸਤਾਨ ਤੋਂ ਸਰਹੱਦ ਪਾਰ ਅੱਤਵਾਦ ਦੇ ਮਾਮਲੇ 'ਤੇ ਵੀ ਗੱਲ ਕੀਤੀ ਅਤੇ ਦੱਸਿਆ ਕਿ ਭਾਰਤੀ ਸ਼ਸਤਰ ਫੋਰਸ ਇਸ ਨਾਲ ਕਿਸ ਤਰ੍ਹਾਂ ਨਿਪਟ ਰਹੇ ਹਨ। ਉਨ੍ਹਾਂ ਸੁਰੱਖਿਆ ਚੁਣੌਤੀਆਂ ਦਾ ਜ਼ਿਕਰ ਕਰਦੇ ਹੋਏ ਕਿਹਾ ਕਿ ਪ੍ਰਮਾਣੂੰ ਹਥਿਆਰਾਂ ਨਾਲ ਸੰਪੰਨ ਗੁਆਂਢੀ (ਪਾਕਿਸਤਾਨ ਅਤੇ ਚੀਨ) ਦੇ ਨਾਲ ਲਗਾਤਾਰ ਟਕਰਾਅ ਦੇ ਕਾਰਨ ਖੇਤਰੀ ਸ਼ਕਤੀਸ਼ਾਲੀ ਆਰਥਿਕਤਾ ਪੈਦਾ ਹੋਣ ਅਤੇ ਉਸ ਨੂੰ ਵਧਾਉਣ ਦਾ ਖ਼ਤਰਾ ਹੈ। ਜਨਰਲ ਰਾਵਤ ਨੇ ਕਿਹਾ ਸੀ ਕਿ ਭਾਰਤ ਨੇ ਜਿਨ੍ਹਾਂ 2 ਦੇਸ਼ਾਂ ਦੇ ਨਾਲ ਯੁੱਧ ਲੜਿਆ ਹੈ, ਉਹ ਮਿਲ ਕੇ ਕੰਮ ਕਰ ਰਹੇ ਹਨ। ਉਨ੍ਹਾਂ ਨੇ ਕਿਹਾ ਕਿ ਜੰਮੂ-ਕਸ਼ਮੀਰ 'ਚ ਪਾਕਿਸਤਾਨ ਦੇ ਲਗਾਤਾਰ ਯੁੱਧ ਅਤੇ ਭਾਰਤ ਦੇ ਖ਼ਿਲਾਫ਼ ਗਲਤ ਬਿਆਨਬਾਜ਼ੀ ਦੇ ਕਾਰਨ ਭਾਰਤ ਅਤੇ ਪਾਕਿਸਤਾਨ ਦੇ ਸੰਬੰਧ ਹੋਰ ਵੀ ਖ਼ਰਾਬ ਹੋ ਗਏ ਹਨ। ਜਨਰਲ ਰਾਵਤ ਨੇ ਰਾਸ਼ਟਰੀ ਰੱਖਿਆ ਮਹਾ ਵਿਦਿਆਲਿਆ ਵਲੋਂ ਆਯੋਜਤਿ ਸੰਮੇਲਨ 'ਚ ਕਿਹਾ ਸੀ ਕਿ ਉੜੀ ਹਮਲੇ ਅਤੇ ਬਾਲਾਕੋਟ 'ਚ ਹਵਾਈ ਹਮਲਿਆਂ ਦੇ ਬਾਅਦ ਸਰਜੀਕਲ ਹਮਲਿਆਂ ਨੇ ਸਖ਼ਤ ਸੰਦੇਸ਼ ਦਿੱਤਾ ਹੈ ਕਿ ਪਾਕਿਸਤਾਨ ਹੁਣ ਕੰਟਰੋਲ ਰੇਖਾ ਦੇ ਪਾਰ ਅੱਤਵਾਦੀਆਂ ਨੂੰ ਭੇਜਣ ਦੇ ਬਾਅਦ ਬੱਚ ਨਹੀਂ ਸਕਦਾ। ਉਨ੍ਹਾਂ ਨੇ ਕਿਹਾ ਕਿ ਅੱਤਵਾਦ ਨਾਲ ਨਿਪਟਣ ਦੇ ਭਾਰਤ ਦੇ ਅੱਤਵਾਦ ਦਾ ਸਖ਼ਤੀ ਨਾਲ ਸਾਹਮਣਾ ਕਰੇਗਾ। ਜਨਰਲ ਰਾਵਤ ਨੇ ਕਿਹਾ ਕਿ ਅੱਤਵਾਦੀ ਸਮੱਸਿਆਵਾਂ, ਅਰਥ-ਵਿਵਸਥਾ ਦੇ ਢਹਿਣ ਕੌਮਾਂਤਰੀ ਪੱਧਰ 'ਤੇ ਵੱਖ-ਵੱਖ ਹੋਣ ਅਤੇ ਆਮ ਨਾਗਰਿਕਾਂ ਅਤੇ ਫੌਜ ਦੇ 'ਚ ਖ਼ਰਾਬ ਸਬੰਧਾਂ ਦੇ ਬਾਵਜੂਦ ਪਾਕਿਸਤਾਨ ਲਗਾਤਾਰ ਇਹ ਦਿਖਾਉਂਦਾ ਰਹੇਗਾ ਕਿ ਕਸ਼ਮੀਰ ਉਸ ਦਾ ਅਧੂਰਾ ਏਜੰਡਾ ਹੈ।
