ਅੱਧ ਵਿਚਾਲੇ ਲਟਕਿਆ ਅਮਰੀਕਾ 'ਚ ਭਾਰਤੀ ਡਾਕਟਰਾਂ ਦਾ ਭਵਿੱਖ

ਵਾਸ਼ਿੰਗਟਨ (ਏਜੰਸੀ)- ਅਮਰੀਕਾ ਵਿਚ ਰੈਜ਼ੀਡੈਂਸੀ ਤੋਂ ਬਾਅਦ ਪੇਂਡੂ ਖੇਤਰਾਂ ਵਿਚ ਜੇ-1 ਅਸਥਾਈ ਵੀਜ਼ਾ 'ਤੇ ਸਾਲਾਂ ਤੋਂ ਕੰਮ ਕਰਦੇ ਹਜ਼ਾਰਾਂ ਭਾਰਤੀ ਡਾਕਟਰਾਂ ਦਾ ਭਵਿੱਖ ਅੱਧ ਵਿਚਾਲੇ ਲਟਕ ਗਿਆ ਹੈ। ਇਹ ਵੀਜ਼ਾ ਇਸ ਸਾਲ ਦੇ ਅਖੀਰ ਤੱਕ ਮੰਨਣਯੋਗ ਹੋਵੇਗਾ। ਅਮਰੀਕਾ ਕਾਂਗਰਸ ਕਨਕਾਰਡ-30 ਵੇਵਰ ਪ੍ਰੋਗਰਾਮ ਅਧੀਨ ਇਸ ਵੀਜ਼ਾ ਦੀ ਮਿਆਦ ਅਗਲੇ ਦੋ ਸਾਲ ਲਈ ਨਹੀਂ ਵੱਧਦੀ ਤਾਂ ਭਾਰਤ ਦੇ ਤਕਰੀਬਨ 10 ਹਜ਼ਾਰ ਡਾਕਟਰ ਅਤੇ ਉਨ੍ਹਾਂ ਦੇ ਪਰਿਵਾਰਕ ਮੈਂਬਰਾਂ ਨੂੰ ਮਜਬੂਰਨ ਵਾਪਸ ਮੁਲਕ ਪਰਤਨਾ ਪੈ ਸਕਦਾ ਹੈ। ਸੈਨੇਟਰ ਏ.ਮੀ. ਕਲੋਬੂਚਰ ਸੁਸਾਨ ਕੋਲਿਨ ਅਤੇ ਜੈਕੀ ਰੋਜਿਨ ਅਤੇ ਚਾਰਲਸ ਗ੍ਰੈਸਲੀ ਨੇ ਬੀਤੀ 29 ਮਾਰਚ 2019 ਵਿਚ ਕਨਕਾਰਡ ਸਟੇਟ 30 ਪ੍ਰੋਗਰਾਮ ਤਹਿਤ ਇਸ ਵੀਜ਼ਾ ਦੀ ਮਿਆਦ ਦੋ ਸਾਲ ਵਧਾਏ ਜਾਣ ਦਾ ਪ੍ਰਸਤਾਵ ਸੈਨੇਟ ਵਿਚ ਪੇਸ਼ ਕੀਤਾ। ਇਸ 'ਤੇ ਦੋਹਾਂ ਹੀ ਪਾਰਟੀਆਂ ਦੇ ਮੈਂਬਰ ਇਹ ਪ੍ਰਸਤਾਵ ਪਾਸ ਕਰਵਾਏ ਜਾਣ ਲਈ ਯਤਨਸ਼ੀਲ ਹਨ।

ਅਮਰੀਕਾ ਵਿਚ ਮਨੋਵਿਗਿਆਨੀਆਂ, ਮਨੋਰੋਗ, ਫੈਮਿਲੀ ਮੈਡੀਸਿਨ, ਪ੍ਰਸੂਤੀ ਰੋਗ ਆਦਿ ਸਬੰਧਿਤ ਡਾਕਟਰਾਂ ਦੀ ਕਮੀ ਹੈ, ਪਰ ਅਸਥਾਈ ਵੀਜ਼ਾ ਦੇ ਮਾਮਲੇ ਵਿਚ ਅਮਰੀਕੀ ਵਿਧਾਨ ਸਖ਼ਤ ਹਨ। ਇਸ ਕੰਮ ਵਿਚ ਡੈਮੋਕ੍ਰੇਟ ਵੱਧਗਿਣਤੀ ਪ੍ਰਤੀਨਿਧੀ ਸਭਾ ਵਿਚ ਗਠਜੋੜ ਦੇ ਨੇਤਾ ਸਟੇਨੀ ਹੋਏਰ ਵੀ ਦਿਲਜਾਨ ਨਾਲ ਲੱਗੇ ਹਨ ਕਿ ਇਹ ਬਿੱਲ ਪਾਸ ਹੋਵੇ। ਭਾਰਤੀ ਡਾਕਟਰ ਵਾਸ਼ਿੰਗਟਨ ਡੀ.ਸੀ. ਵਿਚ ਕਾਂਗਰਸ ਵਿਚ ਸੱਤਾਧਾਰੀ ਰੀਪਬਲੀਕਨ ਅਤੇ ਡੈਮੋਕ੍ਰੇਟਿਕ ਪਾਰਟੀ ਦੋਵੇਂ ਹੀ ਪਾਰਟੀਆਂ ਦੇ ਮੈਂਬਰਾਂ ਨਾਲ ਮੁਲਾਕਾਤ ਕਰਨ ਵਿਚ ਜੁਟੇ ਹਨ। ਪਿਛਲੇ ਹਫਤੇ ਵਾਸ਼ਿੰਗਟਨ ਵਿਚ ਭਾਰਤੀ ਅਮਰੀਕੀ ਡਾਕਟਰ ਐਸੋਸੀਏਸ਼ਨ ਆਪੀ ਦੇ ਸੰਮੇਲਨ ਦੌਰਾਨ ਕਾਂਗਰਸ ਦੇ ਪ੍ਰਤੀਨਿਧੀਆਂ ਨੇ ਵੀ ਭਰੋਸਾ ਦਿਵਾਇਆ ਹੈ।

ਡਾਕਟਰ ਰਣਜੀਤ ਅਗਰਵਾਲ ਕਹਿੰਦੇ ਹਨ, ਇਕ ਸਮਾਂ ਸੀ ਜਦੋਂ ਪੱਧਰ ਦੇ ਦਹਾਕਿਆਂ ਵਿਚ ਭਾਰਤੀ ਡਾਕਟਰਾਂ ਨੂੰ ਤੁਰੰਤ ਗ੍ਰੀਨ ਕਾਰਡ ਮਿਲ ਜਾਂਦਾ ਸੀ। ਹੁਣ ਗ੍ਰੀਨ ਕਾਰਡ ਦੀਆਂ ਸੰਭਾਵਨਾਵਾਂ ਘੱਟ ਗਈਆਂ ਹਨ। ਅੱਜ ਅਮਰੀਕਾ ਦੇ ਸਥਾਈ ਵਾਸੀ ਬਣਨ ਜਾਂ ਗ੍ਰੀਨ ਕਾਰਡ ਲਈ ਇੰਟਰਨੈਸ਼ਨਲ ਮੈਡੀਕਲ ਗ੍ਰੈਜੂਏਟ ਦੇ ਸਾਹਮਣੇ ਦੋ ਬਦਲ ਹਨ, ਇਕ, 7 ਸਾਲਾਂ ਦੀ ਮਿਆਦ ਖਤਮ ਹੋਣ ਤੋਂ ਬਾਅਦ ਵਤਨ ਪਰਤ ਜਾਣ ਅਤੇ ਉਥੇ ਦੋ ਸਾਲ ਰਹਿਣ ਤੋਂ ਬਾਅਦ ਫਿਰ ਐਚ-1 ਬੀ ਲਈ ਅਰਜ਼ੀ ਕਰਨ। ਦੂਜੇ ਬਦਲ ਵਿਚ ਡਾਕਟਰ ਵਤਨ ਪਰਤਣ ਦੀ ਬਜਾਏ ਕਨਕਾਰਡ ਸਟੇਟ 30 ਵੇਵਰਸ ਲੈ ਸਕਦੇ ਹਨ। ਇਸ ਪ੍ਰੋਗਰਾਮ ਤਹਿਤ ਡਾਕਟਰ ਦੀ ਸਪਾਊਸ ਨੂੰ ਵੀ ਕੰਮ ਕਰਨ ਦਾ ਅਧਿਕਾਰ ਮਿਲਿਆ ਹੈ।