ਪਾਕਿਸਤਾਨ 'ਚ ਖੈਬਰ ਪਖਤੂਨਖਵਾ ਵਿਧਾਨ ਸਭਾ ਦੇ ਬਾਹਰ ਧਮਾਕਾ, 11 ਜ਼ਖਮੀ
12/16/2019 10:23:18 PM
ਪੇਸ਼ਾਵਰ - ਸੋਮਵਾਰ ਨੂੰ ਖੈਬਰ ਪਖਤੂਨਖਵਾ ਵਿਧਾਨ ਸਭਾ ਅਤੇ ਪੇਸ਼ਾਵਰ ਹਾਈ ਕੋਰਟ ਦੇ ਬਾਹਰ ਧਮਾਕਿਆਂ ਨਾਲ ਭਰੇ ਆਟੋਰਿਕਸ਼ਾ ਦੇ ਪਲਟ ਜਾਣ ਨਾਲ ਹੋਏ ਧਮਾਕੇ 'ਚ ਘਟੋਂ-ਘੱਟ 11 ਲੋਕ ਜ਼ਖਮੀ ਹੋ ਗਏ। ਪੁਲਸ ਅਧਿਕਾਰੀ ਮੁਹੰਮਦ ਅਲੀ ਨੇ 'ਦਿ ਡਾਨ' ਅਖਬਾਰ ਦੇ ਹਵਾਲੇ ਤੋਂ ਦੱਸਿਆ ਕਿ ਲਗਭਗ 5 ਕਿਲੋ ਵਿਸਫੋਟਕ ਇਕ ਆਟੋਰਿਕਸ਼ਾ 'ਚ ਕਿਸੇ ਉਪਕਰਣ 'ਚ ਫਿੱਟ ਕੀਤਾ ਗਿਆ ਸੀ। ਬੰਬ ਖੈਬਰ ਪਖਤੂਨਖਵਾ ਵਿਧਾਨ ਸਭਾ ਅਤੇ ਪੇਸ਼ਾਵਰ ਹਾਈ ਕੋਰਟ ਦੇ ਬਾਹਰ ਫੱਟ ਗਿਆ।
ਮੀਡੀਆ ਰਿਪੋਰਟਾਂ ਮੁਤਾਬਕ ਇਕ ਪੁਲਸ ਅਧਿਕਾਰੀ ਸਮੇਤ ਸਾਰੇ 11 ਜ਼ਖਮੀ ਵਿਅਕਤੀਆਂ ਨੂੰ ਲੇਡੀ ਰੀਡਿੰਗ ਹਸਪਤਾਲ 'ਚ ਰੈਫਰ ਕਰ ਦਿੱਤਾ ਗਿਆ ਹੈ। ਜ਼ਖਮੀਆਂ ਨੂੰ ਇਕ ਦੀ ਹਾਲਤ ਗੰਭੀਰ ਹੈ। 'ਦਿ ਐਕਰਪ੍ਰੈਸ ਟ੍ਰਿਬਿਊਨ' ਮੁਤਾਬਕ ਪਹਿਲਾਂ ਪੁਲਸ ਨੂੰ ਸ਼ੱਕ ਸੀ ਕਿ ਧਮਾਕਾ ਸਲੈਂਡਰ 'ਚ ਧਮਾਕੇ ਕਾਰਨ ਹੋਇਆ ਸੀ। ਅਧਿਕਾਰੀਆਂ ਨੇ ਬਾਅਦ 'ਚ ਘਟਨਾ ਵਾਲੀ ਥਾਂ ਤੋਂ ਬਾਲ ਬੇਅਰਿੰਗ, ਚੁੰਬਕ ਦੇ ਟੁਕੜੇ ਅਤੇ ਉਪਕਰਣ ਇਕੱਠੇ ਕੀਤੇ। ਇਸ ਤਰ੍ਹਾਂ ਦੇ ਇਕ ਧਮਾਕੇ ਨੇ ਨਵੰਬਰ 'ਚ ਲਾਹੌਰ ਦੇ ਚੌਬੁਰਜੀ ਇਲਾਕੇ ਨੂੰ ਹਿਲਾ ਕੇ ਰੱਖ ਦਿੱਤਾ ਸੀ। ਉਸ ਘਟਨਾ 'ਚ ਵੀ ਵਿਸਫੋਟਕ ਇਕ ਰਿਕਸ਼ੇ 'ਚ ਫਿੱਟ ਕੀਤਾ ਗਿਆ ਸੀ ਅਤੇ ਧਮਾਕੇ 'ਚ 10 ਲੋਕ ਜ਼ਖਮੀ ਹੋ ਗਏ।