ਸਫਰ ਦੌਰਾਨ ਵਿਅਕਤੀਆਂ ਨੂੰ ਵੀਡੀਓ ਬਣਾਉਣੀ ਪਈ ਮਹਿੰਗੀ, ਵਾਪਰਿਆ ਹਾਦਸਾ (ਵੀਡੀਓ)

ਰਿਯਾਧ,(ਬਿਊਰੋ)— ਅਜੋਕੇ ਦੌਰ 'ਚ ਸੋਸ਼ਲ ਮੀਡੀਆ ਲੋਕਾਂ ਲਈ ਮਸ਼ਹੂਰ ਹੋਣ ਦਾ ਆਸਾਨ ਤਰੀਕਾ ਬਣ ਗਿਆ ਹੈ ਪਰ ਸੋਸ਼ਲ ਮੀਡੀਆ ਉੱਤੇ ਲੋਕਾਂ 'ਚ ਮਸ਼ਹੂਰ ਹੋਣ ਦਾ ਚਾਅ ਕਦੇ-ਕਦੇ ਲੋਕਾਂ ਨੂੰ ਵੱਡੀ ਮੁਸੀਬਤ 'ਚ ਵੀ ਪਾ ਦਿੰਦਾ ਹੈ। ਅਜਿਹੀ ਹੀ ਇਕ ਘਟਨਾ ਵਿਚ ਕਾਰ 'ਚ ਸਫਰ ਕਰ ਰਹੇ ਦੋ ਲੋਕਾਂ ਨੂੰ ਵੀਡੀਓ ਬਣਾਉਣ ਦੀ ਭਾਰੀ ਕੀਮਤ ਚੁਕਾਉਣੀ ਪਈ। ਸੋਸ਼ਲ ਮੀਡੀਆ 'ਤੇ ਇਨ੍ਹਾਂ ਦਿਨਾਂ ਵਾਇਰਲ ਹੋ ਰਹੇ ਇਕ ਵੀਡੀਓ 'ਚ 2 ਲੋਕ ਕਾਰ 'ਚ ਜਾਂਦੇ ਦੇਖੇ ਜਾ ਸਕਦੇ ਹਨ। ਇਨ੍ਹਾਂ 'ਚੋਂ ਇਕ ਕਾਰ ਚਲਾ ਰਿਹਾ ਹੈ ਅਤੇ ਦੂਜਾ ਮੋਬਾਇਲ ਨਾਲ ਸਨੈਪਚੈਟ 'ਤੇ ਵੀਡੀਓ ਬਣਾ ਰਿਹਾ ਹੈ। ਦੋਵੇਂ ਸ਼ਖਸ ਵੀਡੀਓ ਬਣਾਉਣ ਦੌਰਾਨ ਮਸਤੀ ਕਰਦੇ ਹੋਏ ਇਹ ਭੁੱਲ ਜਾਂਦੇ ਹਨ ਕਿ ਉਹ ਹਾਈਵੇ ਉੱਤੇ ਜਾ ਰਹੇ ਹਨ। ਵੀਡੀਓ ਸ਼ੁਰੂ ਹੋਣ ਤੋਂ ਕੁਝ ਦੇਰ ਬਾਅਦ ਹੀ ਅਚਾਨਕ ਉਨ੍ਹਾਂ ਦੀ ਕਾਰ ਸਾਹਮਣੇ ਆ ਰਹੀ ਦੂਜੀ ਕਾਰ ਨਾਲ ਟਕਰਾ ਜਾਂਦੀ ਹੈ। ਇਹ ਦੁਰਘਟਨਾ ਸਾਉਦੀ ਅਰਬ 'ਚ ਅਲ-ਰਾਇਨ ਅਤੇ ਅਲ-ਬਿਸ਼ਾਹ ਦੇ 'ਚ ਮੁੱਖ ਹਾਈਵੇ ਉੱਤੇ ਹੋਈ। ਘਟਨਾ ਦੌਰਾਨ ਵੀਡੀਓ 'ਚ ਦਿਖਾਈ ਦੇ ਰਹੇ ਦੋਵਾਂ ਚੋਂ ਇਕ ਸ਼ਖਸ ਦੀ ਮੌਤ ਹੋ ਗਈ। ਉੱਥੇ ਹੀ ਗੰਭੀਰ  ਰੂਪ ਨਾਲ ਜਖ਼ਮੀ ਦੂੱਜੇ ਸ਼ਖਸ ਨੂੰ ਆਈ. ਸੀ. ਯੂ. 'ਚ ਭਰਤੀ ਕਰਾਇਆ ਗਿਆ। ਫਿਲਹਾਲ ਉਸ ਦੀ ਹਾਲਤ ਬਾਰੇ 'ਚ ਕੋਈ ਜਾਣਕਾਰੀ ਨਹੀਂ ਹੈ। ਉਥੇ ਹੀ ਸਥਾਨਕ ਪੁਲਸ ਇਸ ਮਾਮਲੇ ਦੀ ਜਾਂਚ ਕਰ ਰਹੀ ਹੈ ਜਾਂ ਨਹੀਂ ਇਸ ਨੂੰ ਲੈ ਕੇ ਕੋਈ ਠੋਸ ਜਾਣਕਾਰੀ ਨਹੀਂ ਹੈ।