ਦੀਵਾਲੀ ਦੇ ਜਸ਼ਨ ਮੌਕੇ ਦੁਬਈ ਪੁਲਸ ਬੈਂਡ ਨੇ ਵਜਾਇਆ ਰਾਸ਼ਟਰੀ ਗੀਤ, ਵੀਡੀਓ
10/25/2019 2:44:55 PM
ਦੁਬਈ (ਬਿਊਰੋ) : ਦੀਵਾਲੀ ਦਾ ਤਿਉਹਾਰ ਭਾਰਤ ਵਿਚ ਹੀ ਨਹੀਂ ਸਗੋਂ ਵਿਦੇਸ਼ਾਂ ਵਿਚ ਵੀ ਧੂਮਧਾਮ ਨਾਲ ਮਨਾਇਆ ਜਾਂਦਾ ਹੈ। ਵਿਦੇਸ਼ਾਂ ਵਿਚ ਵੱਸਦੇ ਵੱਡੀ ਗਿਣਤੀ ਵਿਚ ਭਾਰਤੀ ਇਸ ਤਿਉਹਾਰ ਨੂੰ ਉਤਸ਼ਾਹ ਨਾਲ ਮਨਾਉਂਦੇ ਹਨ। ਇਨ੍ਹਾਂ ਦੇਸ਼ਾਂ ਵਿਚ ਦੁਬਈ ਇਕ ਅਜਿਹਾ ਦੇਸ਼ ਹੈ ਜਿੱਥੇ ਭਾਰਤੀਆਂ ਦੀ ਗਿਣਤੀ ਕਾਫੀ ਹੈ। ਦੀਵਾਲੀ ਦੇ ਸੀਜ਼ਨ ਵਿਚ ਦੁਬਈ ਸਰਕਾਰ ਭਾਰਤੀਆਂ ਲਈ ਲੇਜ਼ਰ ਸ਼ੋਅ ਅਤੇ ਆਤਿਸ਼ਬਾਜ਼ੀ ਦਾ ਆਯੋਜਨ ਕਰਦੀ ਹੈ। ਇਸ ਦੌਰਾਨ ਸਿਰਫ ਭਾਰਤ ਦੇ ਹੀ ਨਹੀਂ ਸਗੋਂ ਹੋਰ ਦੇਸ਼ਾਂ ਦੇ ਵੀ ਲੋਕ ਦੀਵਾਲੀ ਮਨਾਉਣ ਲਈ ਪਹੁੰਚਦੇ ਹਨ।
Dazzling fireworks at Dubai Festival Mall City filled Dubai sky with colours...thanks @DFCMall @dubaitourism pic.twitter.com/FAvokR1Bun
— India in Dubai (@cgidubai) October 24, 2019
ਇਸ ਵਾਰ ਵੀ ਦੁਬਈ ਸਰਕਾਰ ਨੇ ਬੁਰਜ ਖਲੀਫਾ ਦੇ ਕਰੀਬ ਇਕ ਲੇਜ਼ਰ ਸ਼ੋਅ ਦਾ ਆਯੋਜਨ ਕੀਤਾ, ਜਿੱਥੇ ਵੱਡੀ ਗਿਣਤੀ ਵਿਚ ਲੋਕ ਦੀਵਾਲੀ ਦਾ ਜਸ਼ਨ ਮਨਾਉਣ ਲਈ ਪਹੁੰਚੇ। ਇਸ ਦੌਰਾਨ ਉੱਥੇ ਦੁਬਈ ਪੁਲਸ ਦਾ ਬੈਂਡ ਵੀ ਮੌਜੂਦ ਸੀ, ਜੋ ਵੱਖ-ਵੱਖ ਧੁਨਾਂ ਵਜਾ ਕੇ ਲੋਕਾਂ ਦਾ ਮਨੋਰੰਜਨ ਕਰ ਰਿਹਾ ਸੀ। ਇਸ ਦੌਰਾਨ ਵਜਾਈ ਇਕ ਧੁਨ ਨੇ ਭਾਰਤੀਆਂ ਦਾ ਸਿਰ ਮਾਣ ਨਾਲ ਉੱਚਾ ਕਰ ਦਿੱਤਾ। ਅਸਲ ਵਿਚ ਦੁਬਈ ਪੁਲਸ ਦੇ ਬੈਂਡ ਨੇ ਪ੍ਰੋਗਰਾਮ ਦੀ ਸ਼ੁਰੂਆਤ ਭਾਰਤ ਦੇ ਰਾਸ਼ਟਰੀ ਗੀਤ ਦੀ ਧੁਨ ਵਜਾ ਕੇ ਕੀਤੀ। ਰਾਸ਼ਟਰੀ ਗੀਤ ਸੁਣ ਕੇ ਉਸ ਦੇ ਸਨਮਾਨ ਵਿਚ ਸਾਰੇ ਭਾਰਤੀ ਸਾਵਧਾਨ ਦੀ ਮੁਦਰਾ ਵਿਚ ਖੜ੍ਹੇ ਹੋ ਗਏ। ਇਸ ਦੌਰਾਨ ਉੱਥੇ ਮੌਜੂਦ ਕਈ ਲੋਕਾਂ ਨੇ ਇਸ ਪਲ ਨੂੰ ਆਪਣੇ ਕੈਮਰੇ ਵਿਚ ਕੈਦ ਕਰ ਲਿਆ।
Dubai Police band plays India’s national anthem during the mega Diwali celebrations at Dubai Festival City #Diwali #DiwaliUAE pic.twitter.com/lJAaTbdoMA
— Gulf News (@gulf_news) October 24, 2019
ਹੁਣ ਇਹ ਵੀਡੀਓ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਿਹਾ ਹੈ। ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਦੀਵਾਲੀ ਦੇ ਜਸ਼ਨ ਮੌਕੇ ਹਜ਼ਾਰਾਂ ਦੀ ਗਿਣਤੀ ਵਿਚ ਲੋਕ ਉੱਥੇ ਮੌਜੂਦ ਹਨ। ਇਸ ਦੌਰਾਨ ਲੱਗੇ ਇਕ ਮੰਚ 'ਤੇ ਦੁਬਈ ਪੁਲਸ ਦਾ ਬੈਂਡ ਭਾਰਤ ਦੇ ਰਾਸ਼ਟਰੀ ਗੀਤ ਦੀ ਧੁਨ ਵਜਾਉਂਦਾ ਹੈ। ਵੀਡੀਓ ਨੂੰ ਦੁਬਈ ਦੀ ਸਥਾਨਕ ਨਿਊਜ਼ ਏਜੰਸੀ ਨੇ ਟਵਿੱਟਰ 'ਤੇ ਸੇਅਰ ਕੀਤਾ ਹੈ। ਹੁਣ ਤੱਕ ਇਸ ਨੂੰ 8,000 ਤੋਂ ਵੱਧ ਲੋਕ ਦੇਖ ਚੁੱਕੇ ਹਨ।
#Dubai dazzled thousands who gathered to witness the Diwali celebrations with special fireworks and the lovable Hathi’s laser show displayed on dancing fountains. The diplomatic community also joined the celebrations organized by Dubai tourism and the Indian Consulate @cgidubai. pic.twitter.com/Qu19xqDe7U
— DD India - English News (@DDIndiaLive) October 25, 2019
ਲੋਕਾਂ ਨੇ ਦੁਬਈ ਪੁਲਸ ਬੈਂਡ ਅਤੇ ਉੱਥੋਂ ਦੀ ਸਰਕਾਰ ਦੀ ਵੀ ਤਾਰੀਫ ਕੀਤੀ ਹੈ। ਇਸ ਪ੍ਰੋਗਰਾਮ ਦੇ ਹੋਰ ਵੀਡੀਓ ਵੀ ਵਾਇਰਲ ਹੋ ਰਹੇ ਹਨ, ਜਿਨ੍ਹਾਂ ਵਿਚ ਲੇਜ਼ਰ ਲਾਈਟ ਸ਼ੋਅ ਅਤੇ ਆਸਮਾਨ ਵਿਚ ਆਤਿਸ਼ਬਾਜ਼ੀ ਦੇਖੀ ਜਾ ਸਕਦੀ ਹੈ।
Crowd erupts in cheers as Diwali celebrations at Dubai Festival City culminates with a spectacular fireworks display accompanied by an Indian dance performance #Diwali #DiwaliUAE pic.twitter.com/7vMgWsVFXf
— Gulf News (@gulf_news) October 24, 2019
ਪ੍ਰੋਗਰਾਮ ਵਿਚ ਲੋਕ ਬਾਲੀਵੁੱਡ ਸੰਗੀਤ 'ਤੇ ਨੱਚਦੇ ਦੇਖੇ ਜਾ ਸਕਦੇ ਹਨ।