ਡੈਨਮਾਰਕ ''ਚ 120 ਸਾਲ ਪੁਰਾਣੇ ਲਾਈਟਹਾਊਸ ਨੂੰ ਕੀਤਾ ਗਿਆ ਸ਼ਿਫਟ, ਤਸਵੀਰਾਂ
10/24/2019 11:05:33 AM
ਕੋਪਨਹੇਗਨ (ਬਿਊਰੋ): ਡੈਨਮਾਰਕ ਦੇ ਸਮੁੰਦਰ ਕਿਨਾਰੇ ਸਥਿਤ 120 ਸਾਲ ਪੁਰਾਣੇ ਲਾਈਟਹਾਊਸ ਨੂੰ ਬਚਾਉਣ ਲਈ ਖਾਸ ਮੁਹਿੰਮ ਚਲਾਈ ਗਈ। ਅਸਲ ਵਿਚ ਸਮੁੰਦਰ ਤੋਂ ਸਿਰਫ 6 ਕਿਲੋਮੀਟਰ ਦੂਰ ਰੂਬਜਰਗ ਕਨੁਡੇ ਲਾਈਟਹਾਊਸ (Rubjerg Knude lighthouse) ਦੇ ਡੁੱਬਣ ਦਾ ਖਤਰਾ ਪੈਦਾ ਹੋ ਗਿਆ ਸੀ।
ਇਸ ਨੂੰ ਬਚਾਉਣ ਲਈ ਅਧਿਕਾਰੀਆਂ ਵੱਲੋਂ ਤਕਨੀਕ ਦੀ ਮਦਦ ਨਾਲ ਖਾਸ ਮੁਹਿੰਮ ਚਲਾਈ ਗਈ।
ਅਧਿਕਾਰੀਆਂ ਨੇ ਮਸ਼ੀਨਾਂ ਦੀ ਮਦਦ ਨਾਲ ਲਾਈਟਹਾਊਸ ਨੂੰ ਸਮੁੰਦਰ ਕਿਨਾਰੇ ਤੋਂ ਥੋੜ੍ਹੀ ਦੂਰ ਸੁਰੱੱਖਿਅਤ ਸਥਾਨ 'ਤੇ ਸ਼ਿਫਟ ਕਰ ਦਿੱਤਾ।
ਇਸ ਲਈ ਪਹਿਲਾਂ ਰੇਲ ਦੀ ਪਟਰੀ ਬਣਾਈ ਗਈ ਤਾਂ ਜੋ ਸ਼ਿਫਟ ਕਰਨ ਦੌਰਾਨ ਲਾਈਟਹਾਊਸ ਵਿਚ ਕਿਸੇ ਤਰ੍ਹਾਂ ਦੀ ਟੁੱਟ-ਭੱਜ ਨਾ ਹੋਵੇ। ਫਿਰ ਉਸ ਨੂੰ ਨੀਂਹ ਤੋਂ ਚੁੱਕ ਕੇ ਰੇਲ ਪਟਰੀ ਜ਼ਰੀਏ ਸੁਰੱਖਿਅਤ ਜਗ੍ਹਾ 'ਤੇ ਸ਼ਿਫਟ ਕਰ ਦਿੱਤਾ ਗਿਆ।
ਸ਼ਹਿਰ ਵਿਚ ਰਹਿਣ ਵਾਲੇ ਲੋਕਾਂ ਲਈ ਇਹ ਪਹਿਲਾ ਮੌਕਾ ਸੀ ਜਦੋਂ ਲਾਈਟਹਾਊਸ ਨੂੰ ਇੰਝ ਸ਼ਿਫਟ ਕੀਤਾ ਗਿਆ ਸੀ। ਇਸ ਮੌਕੇ ਬਹੁਤ ਸਾਰੇ ਸਥਾਨਕ ਲੋਕ ਉੱਥੇ ਮੌਜੂਦ ਸਨ।
ਟੀਮ ਨੇ ਲਾਈਟਹਾਊਸ ਨੂੰ ਸ਼ਿਫਟ ਕਰਨ ਲਈ ਬਹੁਤ ਕੁਸ਼ਲਤਾ ਨਾਲ ਕੰਮ ਕੀਤਾ।
ਉਨ੍ਹਾਂ ਨਾਲ ਇੰਜੀਨੀਅਰ ਅਤੇ ਭਵਨ ਵਿਗਿਆਨ ਮਾਹਰਾਂ ਦੀ ਟੀਮ ਵੀ ਸ਼ਾਮਲ ਸੀ।