ਚੀਨ ''ਚ ਦਿਸੀ ਇਨਸਾਨੀ ਚਿਹਰੇ ਵਾਲੀ ਮੱਛੀ, ਵੀਡੀਓ ਵਾਇਰਲ
11/10/2019 5:51:58 PM
ਬੀਜਿੰਗ (ਬਿਊਰੋ): ਇਹ ਸੱਚ ਹੈ ਕਿ ਕੁਦਰਤ ਰਹੱਸਾਂ ਨਾਲ ਭਰਪੂਰ ਹੈ। ਕੁਦਰਤ ਦੇ ਇਹ ਰਹੱਸ ਅਕਸਰ ਮਨੁੱਖੀ ਸੋਚ ਨੂੰ ਚੁਣੌਤੀ ਦਿੰਦੇ ਰਹਿੰਦੇ ਹਨ। ਸੋਸ਼ਲ ਮੀਡੀਆ 'ਤੇ ਇਕ ਮੱਛੀ ਦਾ ਵੀਡੀਓ ਵਾਇਰਲ ਹੋ ਰਿਹਾ ਹੈ। ਹੈਰਾਨ ਕਰ ਦੇਣ ਵਾਲੀ ਗੱਲ ਇਹ ਹੈ ਕਿ ਇਸ ਮੱਛੀ ਦਾ ਚਿਹਰਾ ਇਨਸਾਨ ਵਰਗਾ ਹੈ। ਇਸ ਮੱਛੀ ਨੂੰ ਚੀਨ ਵਿਚ ਇਕ ਪਿੰਡ ਦੇ ਤਲਾਬ ਵਿਚ ਤੈਰਦੇ ਦੇਖਿਆ ਗਿਆ। ਲੋਕਾਂ ਨੇ ਇਸ ਮੱਛੀ ਦਾ ਵੀਡੀਓ ਬਣਾ ਕੇ ਸੋਸ਼ਲ ਮੀਡੀਆ 'ਤੇ ਵਾਇਰਲ ਪਾ ਦਿੱਤਾ, ਜੋ ਜਲਦੀ ਹੀ ਵਾਇਰਲ ਹੋ ਗਿਆ। ਮੀਡੀਆ ਰਿਪੋਰਟਾਂ ਮੁਤਾਬਕ ਇਸ ਮੱਛੀ ਨੂੰ ਲੈ ਕੇ ਲੋਕਾਂ ਵਿਚ ਇੰਨੀ ਉਤਸੁਕਤਾ ਵੱਧ ਗਈ ਕਿ ਕੁਝ ਹੀ ਘੰਟਿਆਂ ਵਿਚ ਇਸ ਨੂੰ ਲੱਖਾਂ ਲੋਕਾਂ ਨੇ ਦੇਖਿਆ ਅਤੇ ਹਜ਼ਾਰਾਂ ਲੋਕਾਂ ਨੇ ਸ਼ੇਅਰ ਕੀਤਾ।
This carp has a human face 😳 pic.twitter.com/okT67Zyo4v
— The Unexplained (@Unexplained) November 8, 2019
ਡੇਲੀ ਮੇਲ ਦੀ ਰਿਪੋਰਟ ਮੁਤਾਬਕ ਚੀਨ ਦੇ ਮਿਲਾਓ ਪਿੰਡ ਵਿਚ ਇਕ ਮਹਿਲਾ ਤਲਾਬ ਵਿਚ ਗਈ ਤਾਂ ਉੱਥੇ ਉਸ ਨੇ ਇਸ ਮੱਛੀ ਨੂੰ ਤੈਰਦੇ ਦੇਖਿਆ। ਮਹਿਲਾ ਨੇ ਮੱਛੀ ਦਾ ਵੀਡੀਓ ਬਣਾ ਲਿਆ। ਸ਼ੁਰੂ ਵਿਚ ਮਹਿਲਾ ਨੇ ਇਸ ਵੀਡੀਓ ਨੂੰ ਚਾਈਨੀਜ਼ ਮਾਈਕ੍ਰੋ ਬਲਾਗਿੰਗ ਸਾਈਟ ਵੀਬੋ (Weibo) 'ਤੇ ਸ਼ੇਅਰ ਕੀਤਾ, ਜੋ ਜਲਦੀ ਹੀ ਵਾਇਰਲ ਹੋ ਗਿਆ।
ਸੋਸ਼ਲ ਮੀਡੀਆ 'ਤੇ ਵਾਇਰਲ ਇਸ 14 ਸੈਕੰਡ ਦੇ ਵੀਡੀਓ ਵਿਚ ਤੁਸੀਂ ਦੇਖ ਸਕਦੇ ਹੋ ਕਿ ਮੱਛੀ ਦੇ ਸਰੀਰ ਵਿਚ ਇਨਸਾਨ ਦਾ ਚਿਹਰਾ ਹੈ। ਚਿਹਰੇ 'ਤੇ ਨੱਕ, ਦੋ ਅੱਖਾਂ, ਦੋ ਕੰਨ ਅਤੇ ਮੂੰਹ ਹੈ।
