ਇਸ ਗੋਰੀ ਮੇਮ ਨੂੰ ਲੱਗਾ ਭਾਰਤ ਦੀ ਚਾਹ ਦਾ ਚਸਕਾ, ਬਣੀ ਕਰੋੜਾਂ ਦੀ ਮਾਲਕਣ

03/29/2018 5:28:50 PM

ਵਾਸ਼ਿੰਗਟਨ(ਬਿਊਰੋ)— ਸਾਡੇ ਇੱਥੇ ਲੋਕਾਂ ਨੂੰ ਚਾਹ ਪੀਣਾ ਬਹੁਤ ਪਸੰਦ ਹੈ, ਕੁੱਝ ਲੋਕਾਂ ਦੀ ਆਦਤ ਅਜਿਹੀ ਹੁੰਦੀ ਹੈ ਕਿ ਬਿਨਾਂ ਚਾਹ ਦੇ ਉਹ ਇਕ ਕਦਮ ਵਲ ਚੱਲ ਨਹੀਂ ਸਕਦੇ। ਤੁਸੀਂ ਚਾਹੇ ਹੀ ਸੱਮਝਦੇ ਹੋਵੋਗੇ ਕਿ ਕੋਈ ਪੰਜ-ਦਸ ਰੁਪਏ ਦੀ ਚਾਹ ਨਾਲ ਪੇਟ ਪਾਲ ਸਕਦਾ ਹੈ ਪਰ ਲੱਖਪਤੀ-ਕਰੋੜਪਤੀ ਨਹੀਂ ਬਣ ਸਕਦਾ। ਪਰ ਸਾਡੇ ਦੇਸ਼ ਵਿਚ ਅੱਜ ਵੀ ਅਜਿਹੇ ਕਈ ਲੋਕ ਹਨ ਜੋ ਸਿਰਫ ਚਾਹ ਵੇਚ ਕੇ ਹੀ ਲੱਖਪਤੀ ਨਹੀਂ ਹੋਏ, ਸਗੋਂ ਸੁੱਖ-ਸਹੂਲਤ ਦੀ ਜਿੰਦਗੀ ਜੀਅ ਰਹੇ ਹਨ। ਦੇਸੀ ਵਿਅਕਤੀ ਕੋਈ ਚਾਹ ਵੇਚ ਕੇ ਲੱਖਪਤੀ ਬਣ ਜਾਵੇ ਤਾਂ ਉਸ ਵਿਚ ਹੈਰਾਨੀ ਨਹੀਂ ਹੁੰਦੀ, ਪਰ ਹੈਰਾਨੀ ਤਾਂ ਤੁਹਾਨੂੰ ਉਦੋਂ ਹੋਵੇਗੀ ਜਦੋਂ ਤੁਹਾਨੂੰ ਪਤਾ ਲੱਗੇਗਾ ਕਿ ਕੋਈ ਵਿਦੇਸ਼ੀ ਸਿਰਫ ਚਾਹ ਵੇਚ ਕੇ ਹੀ ਕਰੋੜਪਤੀ ਬਣ ਗਿਆ। ਦਰਅਸਲ ਅਮਰੀਕਾ ਦੀ ਇਕ ਔਰਤ ਚਾਹ ਵੇਚ ਕੇ ਹੀ ਕਰੋੜਪਤੀ ਬਣ ਗਈ ਹੈ।

PunjabKesari
ਅਮਰੀਕਾ ਦੀ ਬਰੂਕ ਐਡੀ ਅੱਜ ਚਾਹ ਵੇਚ ਕੇ 200 ਕਰੋੜ ਦੀ ਮਾਲਕਣ ਬਣ ਗਈ ਹੈ। ਹੈਰਾਨ ਕਰਨ ਵਾਲੀ ਗੱਲ ਇਹ ਹੈ ਕਿ ਉਨ੍ਹਾਂ ਨੂੰ ਚਾਹ ਵੇਚਣ ਦਾ ਇਹ ਆਈਡੀਆ ਭਾਰਤ ਤੋਂ ਹੀ ਮਿਲਿਆ। ਤੁਹਾਨੂੰ ਦੱਸ ਦਈਏ 2002 ਵਿਚ ਐਡੀ ਭਾਰਤ ਆਈ ਸੀ। 2006 ਵਿਚ ਭਾਰਤ ਦੀ ਯਾਤਰਾ ਤੋਂ ਵਾਪਸ ਪਰਤਣ ਤੋਂ ਬਾਅਦ ਬਰੂਕ ਐਡੀ ਕਈ ਕੈਫੇ ਵਿਚ ਗਈ ਅਤੇ ਚਾਹ ਪੀਤੀ ਪਰ ਉਨ੍ਹਾਂ ਨੂੰ ਉਹੋ ਜਿਹਾ ਸਵਾਦ ਨਹੀਂ ਮਿਲਿਆ, ਜਿਹੜਾ ਉਨ੍ਹਾਂ ਨੂੰ ਭਾਰਤ ਵਿਚ ਮਿਲਿਆ ਸੀ। ਉੱਥੇ ਉਹ ਭਾਰਤ ਦੇ ਚਾਹ ਦੇ ਸਵਾਦ ਲਈ ਤਰਸ ਗਈ। ਹਾਲਾਂਕਿ ਉਨ੍ਹਾਂ ਨੇ ਉਮੀਦ ਨਹੀਂ ਛੱਡੀ। ਉਨ੍ਹਾਂ ਅੰਦਰ ਚਾਹ ਦਾ ਜਨੂੰਨ ਅਜਿਹਾ ਸੀ ਕਿ ਉਨ੍ਹਾਂ ਨੇ ਖੁਦ ਚਾਹ ਦਾ ਬਿਜਨੈਸ ਸ਼ੁਰੂ ਕਰਨ ਦੀ ਠਾਨ ਲਈ ਅਤੇ ਇਸੇ ਤਰ੍ਹਾਂ 2007 ਵਿਚ ਐਡੀ ਨੇ ਆਪਣੇ ਚਾਹ ਦਾ ਬਿਜਨੈਸ ਸ਼ੁਰੂ ਕਰ ਦਿੱਤਾ। ਜਿਸ ਦਾ ਨਾਮ ਹੈ- 'ਭਗਤੀ ਚਾਹ'। ਉਨ੍ਹਾਂ ਨੇ ਆਪਣੀ ਕਾਰ ਵਿਚ ਆਪਣੀ ਦੁਕਾਨ ਨੂੰ ਸੈਟ ਕਰ ਲਿਆ ਅਤੇ ਲੋਕਾਂ ਨੂੰ ਚਾਹ ਵੇਚਣ ਲੱਗੀ ਅਤੇ ਅਮਰੀਕਾ ਵਿਚ ਇਕ ਵੱਖ ਸਵਾਦ ਦੀ ਚਾਹ ਵੇਚਣ ਲੱਗੀ। ਜਿਸ ਤੋਂ ਬਾਅਦ ਤੁਰੰਤ ਹੀ ਏਡੀ ਦੀ ਚਾਹ ਦੇ ਲੋਕ ਦੀਵਾਨੇ ਹੋ ਗਏ ਅਤੇ ਉਨ੍ਹਾਂ ਦੀ ਜਬਰਦਸਤ ਫੈਨ ਫਾਲੋਇੰਗ ਵੱਧ ਗਈ।
ਬਿਜਨੈਸ ਸ਼ੁਰੂ ਕਰਨ ਦੇ ਸਿਰਫ਼ ਇਕ ਸਾਲ ਬਾਅਦ ਹੀ ਭਗਤੀ ਚਾਹ ਨੇ ਆਪਣੀ ਪਹਿਲੀ ਵੈਬਸਾਈਟ ਵੀ ਲਾਂਚ ਕਰ ਦਿੱਤੀ ਅਤੇ ਐਡੀ ਦੀ ਘਰ-ਘਰ ਘੁੰਮ ਕੇ ਚਾਹ ਵੇਚਣ ਵਾਲੀ ਕੰਪਨੀ ਦੀ ਗਰੋਥ ਹੁਣ ਇਕ ਬਿਜਨੈਸ ਦੇ ਰੂਪ ਵਿਚ ਬਹੁਤ ਅੱਗੇ ਵੱਧ ਗਈ। ਏਡੀ ਕਹਿੰਦੀ ਹੈ ਕਿ 'ਮੈਂ ਅਮਰੀਕਾ ਦੇ ਕੋਲੋਰਾਡੋ ਵਿਚ ਪੈਦਾ ਹੋਈ ਹਾਂ। ਮੇਰੇ ਮਨ ਵਿਚ ਭਾਰਤ ਲਈ ਪਿਆਰ ਹੈ। ਮੈਂ ਜਦੋਂ ਵੀ ਉੱਥੇ ਜਾਂਦੀ ਹਾਂ ਮੈਨੂੰ ਕੁੱਝ ਨਾ ਕੁੱਝ ਨਵਾਂ ਦੇਖਣ ਨੂੰ ਮਿਲਦਾ ਹੈ। ਤੁਹਾਨੂੰ ਦੱਸ ਦਈਏ ਕਿ ਐਡੀ ਇਕ ਬੱਚੇ ਦੀ ਮਾਂ ਹੈ।


Related News