ਬ੍ਰਿਟਿਸ਼ ਸਿੱਖ ਟ੍ਰੈਕਰ ਹਰਪ੍ਰੀਤ ਨੇ ਕੀਤੀ ਧਰੁਵੀ ਖੇਤਰ ਦੀ ਯਾਤਰਾ, ਬਣਾਇਆ ਵਿਸ਼ਵ ਰਿਕਾਰਡ
01/22/2023 10:49:11 AM
ਇੰਟਰਨੈਸ਼ਨਲ ਡੈਸਕ (ਬਿਊਰੋ): ਬ੍ਰਿਟੇਨ ਵਿੱਚ ਭਾਰਤੀ ਮੂਲ ਦੀ ਮਹਿਲਾ ਸਿੱਖ ਫ਼ੌਜੀ ਅਫਸਰ ਕੈਪਟਨ ਹਰਪ੍ਰੀਤ ਚਾਂਡੀ ਨੇ ਲੰਬੇ ਸਮੇਂ ਤੱਕ ਬਿਨਾਂ ਕਿਸੇ ਮਦਦ ਦੇ ਧਰੁਵੀ ਖੇਤਰਾਂ ਵਿੱਚ ਆਪਣੀ ਮੁਹਿੰਮ ਨੂੰ ਪੂਰਾ ਕਰਕੇ ਵਿਸ਼ਵ ਰਿਕਾਰਡ ਬਣਾਇਆ।ਚਾਂਡੀ ਇੱਕ ਫਿਜ਼ੀਓਥੈਰੇਪਿਸਟ ਵੀ ਹੈ। ਹਰਪ੍ਰੀਤ ਨੂੰ ਪੋਲਰ ਪ੍ਰੀਤ ਦੇ ਨਾਂ ਨਾਲ ਵੀ ਜਾਣਿਆ ਜਾਂਦਾ ਹੈ। ਇਸ ਤੋਂ ਪਹਿਲਾਂ ਉਨ੍ਹਾਂ ਨੇ ਦੱਖਣੀ ਧਰੁਵ ਤੱਕ ਇਕੱਲੇ ਘੁੰਮਣ ਦਾ ਰਿਕਾਰਡ ਬਣਾਇਆ ਸੀ।ਉਸ ਨੇ ਇੰਸਟਾਗ੍ਰਾਮ 'ਤੇ ਲਿਖਿਆ: "ਪੋਲਰ ਪ੍ਰੀਤ ਨੇ ਇਤਿਹਾਸ ਵਿੱਚ ਕਿਸੇ ਵੀ ਔਰਤ ਦੁਆਰਾ ਸਭ ਤੋਂ ਲੰਬੇ, ਇਕੱਲੇ, ਅਸਮਰਥਿਤ ਅਤੇ ਅਸਮਰਥਿਤ ਧਰੁਵੀ ਮੁਹਿੰਮ ਦਾ ਵਿਸ਼ਵ ਰਿਕਾਰਡ ਤੋੜ ਦਿੱਤਾ ਹੈ!"
View this post on InstagramA post shared by Preet Chandi (@polarpreet)
ਪੜ੍ਹੋ ਇਹ ਅਹਿਮ ਖ਼ਬਰ- FBI ਵੱਲੋਂ ਬਾਈਡੇਨ ਦੀ ਰਿਹਾਇਸ਼ ਦੀ ਤਲਾਸ਼ੀ, ਗੁਪਤ ਦਸਤਾਵੇਜ਼ ਬਰਾਮਦ
ਭਾਰਤੀ ਮੂਲ ਦੇ ਚਾਂਡੀ ਨੇ ਅੰਟਾਰਕਟਿਕਾ ਵਿੱਚ 1397 ਕਿਲੋਮੀਟਰ ਦਾ ਸਫ਼ਰ ਇਕੱਲੇ ਹੀ ਪੂਰਾ ਕੀਤਾ। ਉਸਨੇ -50 ਡਿਗਰੀ ਸੈਲਸੀਅਸ ਤਾਪਮਾਨ ਵਿੱਚ ਇਕੱਲੇ ਹੀ ਚੁਣੌਤੀਆਂ ਦਾ ਸਾਹਮਣਾ ਕੀਤਾ। ਸਫ਼ਲਤਾ ਤੋਂ ਬਾਅਦ ਚਾਂਡੀ ਨੇ ਆਪਣੇ ਇੱਕ ਬਲਾਗ ਵਿੱਚ ਕਿਹਾ ਕਿ ਇਹ ਸਫ਼ਰ ਬਹੁਤ ਠੰਢਾ, ਖ਼ਤਰਨਾਕ ਅਤੇ ਬਰਫੀਲੀਆਂ ਹਵਾਵਾਂ ਨਾਲ ਭਰਪੂਰ ਸੀ। ਮੈਂ ਅੱਗੇ ਵਧਦੀ ਰਹੀ, ਤਾਂ ਜੋ ਮੇਰਾ ਸਰੀਰ ਗਰਮ ਰਹੇ। ਕਿਉਂਕਿ ਰੁਕਣ 'ਤੇ ਸਰੀਰ ਦੁਬਾਰਾ ਠੰਡਾ ਹੋ ਜਾਂਦਾ ਸੀ।ਇੱਥੇ ਦੱਸ ਦਈਏ ਕਿ ਪਿਛਲਾ ਰਿਕਾਰਡ 1,381 ਕਿਲੋਮੀਟਰ ਦਾ ਸੀ, ਜੋ ਅੰਜਾ ਬਲਾਚਾ ਨੇ 2020 ਵਿੱਚ ਬਣਾਇਆ ਸੀ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।