ਬ੍ਰਿਟੇਨ 'ਚ ਹੋਇਆ ਹੈਲੀਕਾਪਟਰ-ਏਅਰ ਕ੍ਰਾਫਟ ਹਾਦਸਾ, 4 ਲੋਕਾਂ ਦੀ ਮੌਤ

ਲੰਡਨ — ਦੱਖਣੀ-ਪੂਰਬੀ ਇੰਗਲੈਂਡ ਦੇ ਅਸਮਾਨ 'ਤੇ ਇਕ ਏਅਰ-ਕ੍ਰਾਫਟ ਅਤੇ ਹੈਲੀਕਾਪਟਰ ਆਪਸ 'ਚ ਟਕਰਾ ਗਏ ਅਤੇ ਅੱਗ ਨਾਲ ਲੱਗ ਗਈ। ਹਾਦੇਸ 'ਚ  4 ਲੋਕਾਂ ਦੇ ਮਾਰੇ ਜਾਣ ਦੀ ਜਾਣਕਾਰੀ ਮਿਲੀ ਹੈ। ਥਾਮੇਸ ਵੈਲੀ ਪੁਲਸ ਸਟੇਸ਼ਨ ਦੇ ਅਫਸਰਾਂ ਦਾ ਕਹਿਣਾ ਹੈ ਕਿ ਬਰਮਿੰਘਮ ਸ਼ਹਿਰ ਦੇ ਆਇਲਸਬਰੀ ਦੇ ਨੇੜੇ ਸਥਿਤ ਵਾਡੇਸਡਾਨ ਕੋਲ ਇਹ ਹਾਦਸਾ ਹੋਇਆ। 
 

ਪੁਲਸ ਨੇ ਇਸ ਹਾਦਸੇ 'ਚ ਮਾਰੇ ਗਏ ਲੋਕਾਂ ਦੀ ਪਛਾਣ ਹਲੇਂ ਜਨਤਕ ਨਹੀਂ ਕੀਤੀ। ਅਫਸਰਾਂ ਦਾ ਕਹਿਣਾ ਹੈ ਕਿ ਬਚਾਅ ਕਾਰਜਾਂ ਤੇਜ਼ੀ ਨਾਲ ਕੀਤੇ ਜਾ ਰਹੇ ਹਨ। ਫਾਇਰ ਬ੍ਰਿਗੇਡ ਦੀ ਮੁਲਾਜ਼ਮਾਂ ਨੇ ਅੱਗ 'ਤੇ ਕਾਬੂ ਪਾ ਲਿਆ ਹੈ। ਜਿੱਥੇ ਹਾਦਸਾ ਹੋਇਆ ਉਹ ਥਾਂ ਹਾਲਟਨ ਦੇ ਰਾਇਲ ਏਅਰ ਫੋਰਸ ਸਟੇਸ਼ਨ ਨੇੜੇ ਸੀ। ਬ੍ਰਿਟੇਨ ਦੀ ਹਵਾਈ ਹਾਦਸਿਆਂ ਦੀ ਜਾਂਚ ਕਰਨ ਵਾਲੀ ਏਜੰਸੀ ਨੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।