ਪਤਨੀ ਨੂੰ ਸਰਪ੍ਰਾਈਜ਼ ਦੇਣ ਲਈ ਪਤੀ ਨੇ ਬੰਦ ਕਰਵਾਈਆਂ ਅੱਖਾਂ, ਫਿਰ ਕੱਟੀ ਗਰਦਨ

09/04/2019 5:53:14 PM

ਲੰਡਨ (ਬਿਊਰੋ)— ਬ੍ਰਿਟੇਨ ਦਾ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਇੱਥੇ ਕੈਂਟ ਵਿਚ ਇਕ ਪਤੀ ਨੇ ਪਤਨੀ ਨੂੰ ਸਰਪ੍ਰਾਈਜ਼ ਦੇਣ ਲਈ ਅੱਖਾਂ ਬੰਦ ਕਰਨ ਲਈ ਕਿਹਾ। ਇਸ ਮਗਰੋਂ  ਕਾਊਂਟ ਡਾਊਨ ਕਰਨ ਦੇ ਬਾਅਦ ਉਸ ਦੀ ਗਰਦਨ ਹੀ ਕੱਟ ਦਿੱਤੀ। ਇਸ ਹਮਲੇ ਵਿਚ ਮਹਿਲਾ ਬੁਰੀ ਤਰ੍ਹਾਂ ਜ਼ਖਮੀ ਹੋ ਗਈ ਪਰ ਚੰਗੀ ਕਿਸਮਤ ਨਾਲ ਉਸ ਦੀ ਜਾਨ ਬਚ ਗਈ।

PunjabKesari

ਇਕ ਸਮਾਚਾਰ ਏਜੰਸੀ ਦੀ ਰਿਪੋਰਟ ਮੁਤਾਬਕ ਘਟਨਾ ਤੋਂ ਠੀਕ ਪਹਿਲਾਂ ਜੋੜੇ ਨੇ ਸੰਬੰਧ ਬਣਾਏ ਸਨ। 34 ਸਾਲਾ ਸ਼ੌਨ ਮੇਅ (Shaun May) ਨੇ ਆਪਣੀ ਪਤਨੀ ਲੌਰਾ ਮੇਅ (Laura May) 'ਤੇ ਹਮਲਾ ਕਰਨ ਦੇ ਬਾਅਦ ਕਿਹਾ ਕਿ ਉਹ ਖੁਦਕੁਸ਼ੀ ਕਰ ਲਵੇਗਾ। ਮੈਡਸਟੋਨ ਕੋਰਟ ਵਿਚ ਹੋਈ ਸੁਣਵਾਈ ਮੁਤਾਬਕ,''ਬਾਅਦ ਵਿਚ ਸ਼ੌਨ ਨੇ ਆਪਣੀ ਪਤਨੀ ਨੂੰ ਦੱਸਿਆ ਸੀ ਕਿ ਵਿੱਤੀ ਬੇਨਿਯਮੀਆਂ ਕਾਰਨ ਉਸ ਨੂੰ ਨੌਕਰੀ ਤੋਂ ਕੱਢ ਦਿੱਤਾ ਗਿਆ ਸੀ।'' ਦੋਸ਼ੀ ਨੇ ਕੋਰਟ ਵਿਚ ਇਹ ਵੀ ਕਿਹਾ ਕਿ ਉਸ ਨੂੰ ਸਮਝ ਨਹੀਂ ਸੀ ਆ ਰਿਹਾ ਕਿ ਉਹ ਆਪਣਾ ਕਰਜ਼ ਕਿਵੇਂ ਚੁਕਾਏਗਾ।

PunjabKesari

ਕੋਰਟ ਵਿਚ ਸ਼ੌਨ ਨੇ ਪਤਨੀ ਲੌਰਾ 'ਤੇ ਹਮਲਾ ਕਰਨ ਦੀ ਗੱਲ ਸਵੀਕਾਰ ਕੀਤੀ ਹੈ। ਉਸ 'ਤੇ ਹੱਤਿਆ ਦੀ ਕੋਸ਼ਿਸ਼ ਕਰਨ ਦਾ ਮੁਕੱਦਮਾ ਚੱਲ ਰਿਹਾ ਹੈ। ਵਕੀਲਾਂ ਨੇ ਦੱਸਿਆ ਕਿ ਇਹ ਸਿਰਫ ਕਿਸਮਤ ਦੀ ਗੱਲ ਸੀ ਕਿ ਲੌਰਾ ਦੀ ਮੌਤ ਨਹੀਂ ਹੋਈ। ਵਕੀਲਾਂ ਮੁਤਾਬਕ ਜਿੱਥੇ ਤੱਕ ਲੌਰਾ ਦੀ ਗੱਲ ਹੈ ਉਸ ਲਈ ਇਹ ਚੰਗਾ ਰਿਸ਼ਤਾ ਸੀ। ਉਸ ਨੂੰ ਯਾਦ ਨਹੀਂ ਕਿ ਕਦੇ ਸ਼ੌਨ ਨਾਲ ਉਸ ਦੀ ਲੜਾਈ ਵੀ ਹੋਈ ਸੀ। ਇਸ ਮਾਮਲੇ ਵਿਚ ਫਿਲਹਾਲ ਕੋਰਟ ਵਿਚ ਸੁਣਵਾਈ ਜਾਰੀ ਰਹੇਗੀ।


Vandana

Content Editor

Related News