ਬ੍ਰਿਟੇਨ : 6,500 ਲੋਕਾਂ ਨੂੰ ਸ਼ਹਿਰ ਖਾਲੀ ਕਰਨ ਦਾ ਆਦੇਸ਼, ਪੁਲ ਟੁੱਟਣ ਦਾ ਖਦਸ਼ਾ (ਵੀਡੀਓ)
08/02/2019 5:32:11 PM
ਲੰਡਨ (ਬਿਊਰੋ)— ਬ੍ਰਿਟਿਸ਼ ਅਧਿਕਾਰੀਆਂ ਨੇ ਉੱਤਰ-ਪੱਛਮੀ ਇੰਗਲੈਂਡ ਦੇ ਸ਼ਹਿਰ ਡਰਬੀਸ਼ਾਇਰ ਵਿਚ ਰਹਿੰਦੇ 6,500 ਲੋਕਾਂ ਨੂੰ ਸ਼ਹਿਰ ਖਾਲੀ ਕਰਨ ਦੇ ਆਦੇਸ਼ ਜਾਰੀ ਕੀਤੇ ਹਨ। ਅਸਲ ਵਿਚ ਭਾਰੀ ਮੀਂਹ ਦੇ ਬਾਅਦ ਟੋਡਬਰੂਕ ਸਰੋਵਰ ਵਿਚ ਹੜ੍ਹ ਜਿਹੇ ਹਾਲਾਤ ਹਨ। ਇਹ ਪੁਲ ਸਰੋਵਰ ਦੇ ਪਾਣੀ ਦਾ ਵਹਾਅ ਸੰਭਾਲਣ ਵਿਚ ਸਮਰੱਥ ਨਹੀਂ ਹੈ। ਇਸੇ ਕਾਰਨ ਇਹ ਕਦੇ ਹੀ ਢਹਿ-ਢੇਰੀ ਹੋ ਸਕਦਾ ਹੈ।
Heavy rainfall caused part of the dam wall at the Toddbrook Reservoir in central England to collapse, prompting police to tell nearby residents to leave their homes. pic.twitter.com/ryc8hWWngt
— NBC News World (@NBCNewsWorld) August 2, 2019
ਡਰਬੀਸ਼ਾਇਰ ਪੁਲਸ ਦਾ ਕਹਿਣਾ ਹੈ ਕਿ ਬ੍ਰਿਟੇਨ ਦੀ ਵਾਤਾਵਰਣ ਏਜੰਸੀ ਨੇ ਵ੍ਹੇਲ ਬ੍ਰਿਜ ਦੇ ਵਸਨੀਕਾਂ ਨੂੰ ਸ਼ਹਿਰ ਛੱਡਣ ਦਾ ਆਦੇਸ਼ ਜਾਰੀ ਕੀਤਾ ਹੈ। ਵਾਤਾਵਰਣ ਏਜੰਸੀ ਨੇ ਇਸ ਖੇਤਰ ਲਈ ਗੰਭੀਰ ਹੜ੍ਹ ਦੀ ਚਿਤਾਵਨੀ ਜਾਰੀ ਕੀਤੀ ਹੈ। ਪੁਲਸ ਨੇ ਨਾਗਰਿਕਾਂ ਨੂੰ ਇਕ ਨੇੜਲੇ ਸਕੂਲ ਵਿਚ ਇਕੱਠੇ ਹੋਣ ਲਈ ਕਿਹਾ ਹੈ।