ਦਫਤਰ ਦੀ ਟੈਨਸ਼ਨ 'ਚ ਬਿਲ ਕਲਿੰਟਨ ਨੇ ਮੋਨਿਕਾ ਨਾਲ ਬਣਾਏ ਸਨ ਸਰੀਰਕ ਸਬੰਧ
03/06/2020 8:51:27 PM
ਵਾਸ਼ਿੰਗਟਨ- ਅਮਰੀਕਾ ਦੇ ਸਾਬਕਾ ਰਾਸ਼ਟਰਪਤੀ ਬਿੱਲ ਕਲਿੰਟਨ ਨੇ ਆਖਿਰ ਇਹ ਮੰਨ ਹੀ ਲਿਆ ਕਿ ਉਹਨਾਂ ਨੇ ਮੋਨਿਕਾ ਲੇਵਿੰਸਕੀ ਨਾਲ ਸਰੀਰਕ ਸਬੰਧ ਬਣਾਏ ਸਨ। ਇਸ ਦੇ ਪਿੱਛੇ ਉਹਨਾਂ ਨੇ ਇਸ ਦਾ ਕਾਰਨ ਵੀ ਦੱਸਿਆ। ਇਹ ਗੱਲ ਉਹਨਾਂ ਨੇ ਆਪਣੀ ਪਤਨੀ ਹਿਲੇਰੀ ਕਲਿੰਟਨ 'ਤੇ ਹੁਲੂ ਨਾਂ ਦੀ ਇਕ ਮੀਡੀਆ ਸੰਸਥਾਨ ਦੀ ਡਾਕਿਊਮੈਂਟਰੀ 'ਹਿਲੇਰੀ' ਵਿਚ ਮੰਨੀ। ਇਸ ਡਾਕਿਊਮੈਂਟਰੀ ਵਿਚ ਹਿਲੇਰੀ ਕਲਿੰਟਨ ਦੇ ਪੂਰੇ ਜੀਵਨ ਦੀ ਕਹਾਣੀ ਨੂੰ ਦਿਖਾਇਆ ਗਿਆ ਹੈ।
ਸਾਬਕਾ ਅਮਰੀਕੀ ਰਾਸ਼ਟਰਪਤੀ ਬਿਲ ਕਲਿੰਟਨ ਨੇ ਕਿਹਾ ਕਿ ਜਿਸ ਸਮੇਂ ਮੋਨਿਕਾ ਲੇਵਿੰਸਕੀ ਨਾਲ ਮਿਲੇ, ਉਸ ਵੇਲੇ ਕੰਮ ਦੇ ਤਣਾਅ ਵਿਚ ਚੱਲ ਰਿਹਾ ਸੀ। ਹਰ ਦਿਨ ਬਹੁਤ ਜ਼ਿਆਦਾ ਕੰਮ ਹੁੰਦਾ ਸੀ। ਕੰਮ ਦੇ ਤਣਾਅ ਨੂੰ ਘੱਟ ਕਰਨ ਦੇ ਲਈ ਬਿਲ ਕਲਿੰਟਨ ਨੇ ਮੋਨਿਕਾ ਲੇਵਿੰਸਕੀ ਦੇ ਨਾਲ ਸਰੀਰਕ ਸਬੰਧ ਬਣਾਏ ਸਨ। ਇਹ ਗੱਲ ਉਹਨਾਂ ਨੇ ਆਪਣੀ ਪਤਨੀ ਹਿਲੇਰੀ ਕਲਿੰਟਨ 'ਤੇ ਬਣੀ ਡਾਕਿਊਮੈਂਟਰੀ ਵਿਚ ਮੰਨੀ।
ਬਿਲ ਕਲਿੰਟਨ ਨੇ ਇਸ ਡਾਕਿਊਮੈਂਟਰੀ ਵਿਚ ਮੋਨਿਕਾ ਲੇਵਿੰਸਕੀ ਤੋਂ ਮੁਆਫੀ ਵੀ ਮੰਗੀ ਹੈ। ਨਾਲ ਹੀ ਇਹ ਵੀ ਮੰਨਿਆ ਹੈ ਕਿ ਮੋਨਿਕਾ ਦੇ ਨਾਲ ਉਹਨਾਂ ਦੇ ਅਫੇਅਰ ਦੇ ਕਾਰਨ ਉਹਨਾਂ ਦਾ ਜੀਵਨ ਨਰਕ ਬਣ ਗਿਆ ਸੀ।
ਸਾਬਕਾ ਰਾਸ਼ਟਰਪਤੀ ਨੇ ਇਹ ਵੀ ਕਿਹਾ ਕਿ ਜਦੋਂ ਤੁਸੀਂ ਆਮ ਜ਼ਿੰਦਗੀ ਚਾਹੁੰਦੇ ਹੋ ਤੇ ਕੰਮ ਦੇ ਦਬਾਅ ਵਿਚ ਹੁੰਦੇ ਹੋ ਤਾਂ ਅਜਿਹੀਆਂ ਗਲਤੀਆਂ ਹੋ ਜਾਂਦੀਆਂ ਹਨ। ਬਿਲ ਕਲਿੰਟਨ ਨੇ ਕਿਹਾ ਕਿ 1998 ਵਿਚ ਮੋਨਿਕਾ ਲੇਵਿੰਸਕੀ ਘਟਨਾ ਤੋਂ ਬਾਅਦ ਉਹਨਾਂ ਦੀ ਜ਼ਿਦਗੀ ਵਿਚ ਭਾਰੀ ਉਤਾਰ-ਚੜਾਅ ਆ ਗਿਆ ਸੀ। ਬਿਲ ਤੇ ਹਿਲੇਰੀ ਦੋਵੇਂ ਜਨਤਕ ਸਥਾਨਾਂ 'ਤੇ ਘੱਟ ਦਿਖਾਈ ਦਿੰਦੇ ਹਨ।
ਬਿਲ ਕਲਿੰਟਨ ਨੇ ਆਪਣੀ ਪਤਨੀ ਹਿਲੇਰੀ ਕਲਿੰਟਨ ਦੀ ਸ਼ਲਾਘਾ ਕਰਦੇ ਹੋਏ ਕਿਹਾ ਕਿ ਬੁਰੇ ਸਮੇਂ ਵਿਚ ਵੀ ਹਿਲੇਰੀ ਨੇ ਉਹਨਾਂ ਦਾ ਸਾਥ ਨਹੀਂ ਛੱਡਿਆ। ਜਦਕਿ ਉਹ ਸਾਰਾ ਸੱਚ ਜਾਣਦੀ ਸੀ। ਇਸ ਕਾਰਨ ਮੇਰੀ ਜ਼ਿੰਦਗੀ ਅਸੰਤੁਲਿਤ ਹੋ ਗਈ ਸੀ।
ਹਿਲੇਰੀ ਕਲਿੰਟਨ ਨੇ ਇਸ ਡਾਕਿਊਮੈਂਟਰੀ ਵਿਚ ਦੱਸਿਆ ਹੈ ਕਿ ਜਦੋਂ ਉਹਨਾਂ ਦੇ ਪਤੀ ਨੇ ਉਹਨਾਂ ਨੂੰ ਸੱਚਾਈ ਦੱਸੀ ਸੀ ਤਾਂ ਉਹ ਪੂਰੀ ਤਰ੍ਹਾਂ ਹਿੱਲ ਗਈ ਸੀ। ਉਹਨਾਂ ਨੂੰ ਇਸ ਗੱਲ ਦਾ ਭਰੋਸਾ ਨਹੀਂ ਸੀ ਕਿ ਬਿਲ ਸੱਚ ਬੋਲ ਰਹੇ ਹਨ।
ਹਿਲੇਰੀ ਨੇ ਮੰਨਿਆ ਕਿ ਜਦੋਂ ਉਹਨਾਂ ਦੇ ਪਤੀ ਦੀ ਸੱਚਾਈ ਸਾਹਮਣੇ ਆਈ ਤੇ ਬਿਲ ਨੇ ਇਹ ਖੁਦ ਉਹਨਾਂ ਨੂੰ ਦੱਸਿਆ ਤਾਂ ਉਹਨਾਂ ਨੇ ਬਿਲ ਦਾ ਸਾਥ ਦੇਣ ਦਾ ਫੈਸਲਾ ਲਿਆ। ਸਭ ਤੋਂ ਬੁਰੀ ਸਥਿਤੀ ਉਸ ਵੇਲੇ ਸਾਹਮਣੇ ਆਈ ਜਦੋਂ ਹਿਲੇਰੀ ਦੇ ਸਾਹਮਣੇ ਬਿਲ ਨੇ ਮੋਨਿਕਾ ਦੇ ਨਾਲ ਆਪਣੇ ਅਫੇਅਰ ਦੀ ਗੱਲ ਆਪਣੀ ਬੇਟੀ ਨੂੰ ਦੱਸੀ। ਬੇਟੀ ਨੇ ਉਹਨਾਂ ਸਾਹਮਣੇ ਸਵਾਲਾਂ ਦੀ ਝੜੀ ਲਾ ਦਿੱਤੀ। ਬਿਲ ਦੀ ਬੇਟੀ ਉਹਨਾਂ ਤੋਂ ਕਈ ਮਹੀਨੇ ਨਾਰਾਜ਼ ਰਹੀ ਸੀ।
ਇਹ ਵੀ ਪੜ੍ਹੋ-
ਅਨੋਖਾ ਦੇਸ਼, ਰੈੱਡ ਲਿਪਸਟਿਕ ਲਾਉਣ ’ਤੇ ਹੋ ਸਕਦੀ ਹੈ ਮੌਤ ਦੀ ਸਜ਼ਾ!
ਸਮੁੰਦਰ ਕਿਨਾਰੇ ਨੌਜਵਾਨਾਂ ਨੂੰ ਮਿਲਿਆ ਖਜ਼ਾਨਾ, ਤਸਵੀਰਾਂ ਵਾਇਰਲ