ਯੂਕੇ ਦੀ ਹੈਰਾਨੀਜਨਕ ਘਟਨਾ, ਹਵਾਈ ਜਹਾਜ਼ 'ਚੋਂ ਸ਼ਖ਼ਸ ਅਤੇ ਉਸਦੇ ਬਾਗ 'ਤੇ ਡਿੱਗਿਆ ਮਲ-ਮੂਤਰ
10/22/2021 12:21:32 PM
ਇੰਟਰਨੈਸ਼ਨਲ ਡੈਸਕ (ਬਿਊਰੋ): ਬ੍ਰਿਟੇਨ ਤੋਂ ਇਕ ਹੈਰਾਨ ਕਰ ਦੇਣ ਵਾਲੀ ਖ਼ਬਰ ਸਾਹਮਣੇ ਆਈ ਹੈ। ਇੱਥੇ ਇਕ ਜਹਾਜ਼ ਤੋਂ ਸੁੱਟੇ ਗਏ ਮਨੁੱਖੀ ਮਲ-ਮੂਤਰ ਨੂੰ ਇਕ ਵਿਅਕਤੀ 'ਤੇ ਅਤੇ ਉਸ ਦੇ ਬਾਗ ਵਿਚ ਸੁੱਟ ਦਿੱਤਾ ਗਿਆ ਸੀ। ਇਹ ਘਟਨਾ ਜੁਲਾਈ ਦੇ ਮੱਧ ਵਿਚ ਵਿੰਡਸਰ ਸ਼ਹਿਰ ਵਿਚ ਵਾਪਰੀ ਸੀ ਪਰ ਹਾਲ ਹੀ ਵਿਚ ਸਥਾਨਕ ਕੌਂਸਲਰ ਕਰੇਨ ਡੇਵਿਸ ਵੱਲੋਂ ਇਸ ਨੂੰ ਵਿੰਡਸਰ ਅਤੇ ਮੇਡੇਨਹੇਡ ਦੇ ਰੋਇਲ ਬੋਰੋ ਦੇ ਹਵਾਬਾਜ਼ੀ ਵਿਭਾਗ ਦੇ ਧਿਆਨ ਵਿਚ ਲਿਆਉਣ ਦੇ ਬਾਅਦ ਇਹ ਸੁਰਖੀਆਂ ਵਿਚ ਹੈ।
ਉਹਨਾਂ ਨੇ ਕਿਹਾ ਕਿ ਵਿਅਕਤੀ ਦਾ ਪੂਰਾ ਬਾਗ ਅਤੇ ਬਾਗ ਦੀਆਂ ਛਤਰੀਆਂ ਅਤੇ ਉਹ ਖੁਦ ਮਨੁੱਖੀ ਮਲ-ਮੂਤਰ ਨਾਲ ਭਰੇ ਹੋਏ ਸਨ ਜੋ ਇਕ ਜਹਾਜ਼ ਤੋਂ ਉੱਡਦੇ ਹੋਏ ਸੁੱਟਿਆ ਗਿਆ ਸੀ। ਬੀ.ਬੀ.ਸੀ. ਮੁਤਾਬਕ ਪਾਰਸ਼ਦ ਨੇ ਕਿਹਾ,''ਮੈਨੂੰ ਪਤਾ ਹੈ ਕਿ ਹਰੇਕ ਸਾਲ ਕਈ ਘਟਨਾਵਾਂ ਵਾਪਰਦੀਆਂ ਹਨ ਜਿਹਨਾਂ ਵਿਚ ਜਹਾਜ਼ਾਂ ਤੋਂ ਜੰਮਿਆ ਹੋਇਆ ਸੀਵਰੇਜ ਹੁੰਦਾ ਹੈ ਪਰ ਇਹ ਜੰਮਿਆ ਹੋਇਆ ਨਹੀਂ ਸੀ ਅਤੇ ਵਿਅਕਤੀ ਦਾ ਪੂਰਾ ਬਾਗ ਬਹੁਤ ਹੀ ਬਦਸੂਰਤ ਢੰਗ ਨਾਲ ਖਿੱਲਰਿਆ ਹੋਇਆ ਸੀ।'' ਜ਼ਿਕਰਯੋਗ ਹੈ ਕਿ ਹਵਾਈ ਜਹਾਜ਼ਾਂ ਵਿਚ ਸੀਵਰੇਜ ਅਤੇ ਟਾਇਲਟ ਦਾ ਕਚਰਾ ਆਮਤੌਰ 'ਤੇ ਵਿਸ਼ੇਸ਼ ਟੈਂਕਾਂ ਵਿਚ ਇਕੱਠਾ ਕੀਤਾ ਜਾਂਦਾ ਹੈ ਅਤੇ ਜਹਾਜ਼ ਦੇ ਉਤਰਨ ਦੇ ਬਾਅਦ ਹਮੇਸ਼ਾ ਇਸ ਦਾ ਨਿਪਟਾਰਾ ਕੀਤਾ ਜਾਂਦਾ ਹੈ।
ਪੜ੍ਹੋ ਇਹ ਅਹਿਮ ਖਬਰ- 'ਇਸਲਾਮੋਫੋਬੀਆ' ਨਾਲ ਨਜਿੱਠਣ ਲਈ ਅਮਰੀਕੀ ਸੰਸਦ ਮੈਂਬਰਾਂ ਨੇ ਪੇਸ਼ ਕੀਤਾ ਬਿੱਲ
ਈਟਨ ਅਤੇ ਕੈਸਲ ਦੇ ਕੌਂਸਲਰ ਜੌਨ ਬੋਡੇਨ ਨੇ ਸੁਝਾਅ ਦਿੱਤਾ ਕਿ ਇਸ ਘਟਨਾ ਵਿਚ ਗਰਮ ਮੌਸਮ ਦਾ ਯੋਗਦਾਨ ਹੋ ਸਕਦਾ ਹੈ, ਜਿਸ ਕਾਰਨ ਨਿਕਾਸੀ ਇੱਕ ਜੰਮੇ ਹੋਏ ਬਲਾਕ ਦੀ ਬਜਾਏ "ਵਧੇਰੇ 'ਤਰਲ' ਵਸਤੂ ਦੇ ਰੂਪ ਵਿੱਚ ਬਾਹਰ ਆਈ"।ਇਸ ਦੌਰਾਨ, ਵ੍ਹਾਈਟਫੀਲਡ ਪੈਰਿਸ਼ ਦੇ ਕੌਂਸਲਰ ਜਿਓਫ ਪੈਕਸਟਨ, ਜਿਨ੍ਹਾਂ ਕੋਲ ਹਵਾਈ ਅੱਡਿਆਂ 'ਤੇ ਕੰਮ ਕਰਨ ਦਾ 40 ਸਾਲਾਂ ਦਾ ਤਜਰਬਾ ਹੈ, ਨੇ ਇਸ ਘਟਨਾ ਨੂੰ "ਬਹੁਤ ਦੁਰਲੱਭ" ਕਿਹਾ। ਉਨ੍ਹਾਂ ਕਿਹਾ,“ਸਾਨੂੰ ਨੀਲੀ ਬਰਫ਼ [ਜੰਮੇ ਹੋਏ ਮਨੁੱਖੀ ਕੂੜੇ ਅਤੇ ਕੀਟਾਣੂਨਾਸ਼ਕ] ਨਾਲ ਸਮੱਸਿਆ ਹੁੰਦੀ ਸੀ ਪਰ ਇਹ ਇਸ ਲਈ ਸੀ ਕਿਉਂਕਿ ਉਹਨਾਂ ਟਾਇਲਟਾਂ ਵਿਚ ਲੀਕੇਜ ਹੁੰਦੀ ਸੀ।'' ਉਹਨਾਂ ਨੇ ਕਿਹਾ,''ਆਧੁਨਿਕ ਜਹਾਜ਼ਾਂ ਵਿਚ ਟਾਇਲਟ ਜ਼ਿਆਦਾ ਸੁਰੱਖਿਅਤ ਹਨ।''
ਨਿਊਜ਼ਵੀਕ ਮੁਤਾਬਕ ਘਟਨਾ ਲਈ ਜ਼ਿੰਮੇਵਾਰ ਏਅਰਲਾਈਨ ਦੇ ਨਾਂ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ। ਇਸ ਦੌਰਾਨ, ਪੀੜਤ ਵਿਅਕਤੀ ਨੇ ਏਅਰਲਾਈਨ ਵਿਰੁੱਧ ਬੀਮਾ ਦਾਅਵਾ ਨਾ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਡੇਵਿਸ ਨੇ ਕਿਹਾ ਕਿ ਉਸ ਵਿਅਕਤੀ ਨੇ ਏਅਰਲਾਈਨ ਨਾਲ ਸੰਪਰਕ ਕੀਤਾ, ਜਿਸ ਨੇ ਸ਼ੁਰੂ ਵਿੱਚ ਇਸ ਗੱਲ ਤੋਂ ਇਨਕਾਰ ਕਰ ਦਿੱਤਾ ਕਿ ਉਸ ਦਾ ਜਹਾਜ਼ ਖੇਤਰ ਵਿੱਚ ਸੀ। ਏਅਰਲਾਈਨ ਨੇ ਆਖਰਕਾਰ ਘਟਨਾ ਨੂੰ ਸਵੀਕਾਰ ਕਰ ਲਿਆ ਜਦੋਂ ਵਿਅਕਤੀ ਨੇ ਜਹਾਜ਼ ਦੀ ਪਛਾਣ ਰੂਟ ਟਰੈਕਿੰਗ ਐਪ ਰਾਹੀਂ ਕੀਤੀ।