ਹਾਦਸੇ ''ਚ ਲਕਵਾਗ੍ਰਸਤ ਹੋਈ ਕੁੜੀ ਨੂੰ 14.8 ਕਰੋੜ ਡਾਲਰ ਮੁਆਵਜ਼ਾ ਰਾਸ਼ੀ ਦੇਣ ਦਾ ਕੀਤਾ ਗਿਆ ਫੈਸਲਾ

ਸ਼ਿਕਾਗੋ— ਅਮਰੀਕਾ ਦੇ ਸ਼ਿਕਾਗੋ ਵਿਚ ਓਹਾਰੇ ਕੌਮਾਂਤਰੀ ਹਵਾਈਅੱਡੇ ਦੇ ਬੱਸ ਸ਼ੈਲਟਰ ਦਾ ਹਿੱਸਾ ਡਿੱਗਣ ਤੋਂ ਬਾਅਦ ਅੰਸ਼ਿਕ ਰੂਪ ਨਾਲ ਲਕਵਾਗਰਸਤ ਹੋਈ ਟਿਅਰਰਨੇ ਡਾਰਡੇਨ ਨੇ ਕਾਨੂੰਨੀ ਲੜਾਈ ਜਿੱਤ ਲਈ ਹੈ । ਸ਼ਿਕਾਗੋ ਦੀ ਕੁੱਕ ਕਾਊਂਟੀ ਅਦਾਲਤ ਨੇ ਪੀੜਤਾ ਡਾਰਡੇਨ ਨੂੰ 14.8 ਕਰੋੜ ਡਾਲਰ ਦੀ ਮੁਆਵਜ਼ਾ ਰਾਸ਼ੀ ਦਿੱਤੇ ਜਾਣ ਦਾ ਫੈਸਲਾ ਕੀਤਾ ਹੈ । 
ਇਕ ਖਬਰ ਮੁਤਾਬਕ ਡਾਰਡੇਨ (24) ਨਾਲ ਦੋ ਸਾਲ ਪਹਿਲਾਂ 2 ਅਗਸਤ 2015 ਨੂੰ ਇਕ ਹਾਦਸਾ ਹੋਇਆ । ਉਹ ਇਕ ਡਾਂਸ ਵਿਦਿਆਰਥਣ ਸੀ। ਤੂਫਾਨ ਦੌਰਾਨ ਹਵਾਈਅੱਡੇ ਉੱਤੇ ਇਕ ਬੱਸ ਸ਼ੈਲਟਰ ਦਾ ਹਿੱਸਾ ਉਸ ਉੱਤੇ ਡਿੱਗ ਗਿਆ ਸੀ, ਜਿਸ ਕਾਰਨ ਉਹ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਈ ਸੀ । ਇਸ ਹਾਦਸੇ ਵਿਚ ਡਾਰਡੇਨ ਦਾ ਹੇਠਲਾ ਹਿੱਸਾ ਲਕਵਾਗਰਸਤ ਹੋ ਗਿਆ । ਹਾਦਸੇ ਵਿਚ ਜ਼ਖਮੀ ਹੋਣ ਤੋਂ ਬਾਅਦ ਡਾਰਡੇਨ ਨੇ ਸ਼ਿਕਾਗੋ ਅਦਾਲਤ ਦਾ ਦਰਵਾਜ਼ਾ ਖੜਕਾਇਆ ਤੇ 7 ਦਿਨ ਤੱਕ ਚੱਲੀ ਸੁਣਵਾਈ ਤੋਂ ਬਾਅਦ ਅਦਾਲਤ ਦੀ ਖੰਡਪੀਠ ਨੇ ਉਨ੍ਹਾਂ ਨੂੰ 14.8 ਕਰੋੜ ਡਾਲਰ ਮੁਆਵਜ਼ਾ ਰਾਸ਼ੀ ਦਿੱਤੇ ਜਾਣ ਦਾ ਐਲਾਨ ਕੀਤਾ । ਇਸ ਫੈਸਲੇ ਤੋਂ ਬਾਅਦ ਡਾਰਡੇਨ ਨੇ ਕਿਹਾ, ਮੈਨੂੰ ਆਖਿਰਕਾਰ ਉਮੀਦ ਮਿਲ ਗਈ ਹੈ । ਮੈਨੂੰ ਇਨਸਾਫ ਮਿਲ ਗਿਆ । ਧਿਆਨਦੇਣ ਯੋਗ ਹੈ ਕਿ ਇਹ ਫੈਸਲਾ ਨਿੱਜੀ ਹਾਦਸੇ ਦੇ ਕਿਸੇ ਮਾਮਲੇ ਵਿਚ ਦਿੱਤਾ ਗਿਆ। ਇਹ ਹੁਣ ਤੱਕ ਦਾ ਸਭ ਤੋਂ ਵੱਡਾ ਫੈਸਲਾ ਹੈ ।