27 ਸਾਲਾ ਫਾਤਿਮਾ ਨੇ ਰਚਿਆ ਇਤਿਹਾਸ, ਆਸਟ੍ਰੇਲੀਆ 'ਚ ਹਿਜਾਬ ਪਾਉਣ ਵਾਲੀ ਬਣੀ ਪਹਿਲੀ ਸੈਨੇਟਰ
08/04/2022 12:26:03 PM
ਸਿਡਨੀ (ਬਿਊਰੋ): ਆਸਟ੍ਰੇਲੀਆ ਵਿਚ 27 ਸਾਲਾ ਔਰਤ ਨੇ ਦੇਸ਼ ਦੀ ਪਹਿਲੀ ਹਿਜਾਬ ਪਹਿਨਣ ਵਾਲੀ ਸੈਨੇਟਰ ਬਣ ਕੇ ਇਤਿਹਾਸ ਰਚ ਦਿੱਤਾ ਹੈ।ਫਾਤਿਮਾ ਪੇਮਨ ਨੇ ਉਦੋਂ ਇਤਿਹਾਸ ਰਚਿਆ ਜਦੋਂ ਉਹ ਪਿਛਲੇ ਹਫਤੇ ਆਸਟ੍ਰੇਲੀਆ ਦੀ ਸੰਸਦ ਵਿਚ ਸ਼ਾਮਲ ਹੋਣ ਵਾਲੀ ਪਹਿਲੀ ਹਿਜਾਬ ਪਹਿਨਣ ਵਾਲੀ ਔਰਤ ਬਣ ਗਈ।ਉਹ ਮੌਜੂਦਾ ਸੰਸਦ ਵਿੱਚ ਸਭ ਤੋਂ ਛੋਟੀ ਉਮਰ ਦੀ ਵਿਅਕਤੀ ਵੀ ਹੈ, ਜਿਸਨੂੰ ਹੁਣ ਤੱਕ ਦੀ ਸਭ ਤੋਂ ਵੰਨ-ਸੁਵੰਨਤਾ ਕਿਹਾ ਜਾਂਦਾ ਹੈ।ਅਫਗਾਨਿਸਤਾਨ ਤੋਂ ਆਏ ਸ਼ਰਨਾਰਥੀਆਂ ਦੀ ਧੀ ਫਾਤਿਮਾ ਪੇਮਨ ਪੱਛਮੀ ਆਸਟ੍ਰੇਲੀਆ ਦੀ ਨੁਮਾਇੰਦਗੀ ਕਰਦੀ ਹੈ। ਉਹ ਆਸਟ੍ਰੇਲੀਅਨ ਲੇਬਰ ਪਾਰਟੀ ਦੀ ਮੈਂਬਰ ਹੈ।
ਪੇਮੈਨ ਕੋਲ ਸੱਭਿਆਚਾਰਕ ਤੌਰ 'ਤੇ ਵਿਭਿੰਨ ਭਾਈਚਾਰਿਆਂ ਦੇ ਨੌਜਵਾਨਾਂ ਲਈ ਕੰਮ ਕਰਨ ਦਾ ਰਿਕਾਰਡ ਹੈ। ਉਹ ਮਜ਼ਦੂਰ-ਸ਼੍ਰੇਣੀ ਦੇ ਭਾਈਚਾਰੇ ਲਈ ਵੀ ਬੋਲਦੀ ਹੈ, ਜਿਸ ਨਾਲ ਉਹ ਸਬੰਧਤ ਹੈ। ਉਸ ਦੇ ਪਿਤਾ ਇੱਕ ਟੈਕਸੀ ਡਰਾਈਵਰ ਸੀ ਅਤੇ ਆਪਣੇ ਪਰਿਵਾਰ ਦਾ ਗੁਜ਼ਾਰਾ ਚਲਾਉਣ ਲਈ ਰਸੋਈ ਵਿੱਚ ਕੰਮ ਕਰਦੇ ਸਨ।ਬੀਬੀਸੀ ਦੀ ਰਿਪੋਰਟ ਮੁਤਾਬਕ ਇਹ ਪੇਮਨ ਦੇ ਪਿਤਾ ਹੀ ਸਨ, ਜਿਨ੍ਹਾਂ ਨੇ ਉਸਨੂੰ ਰਾਜਨੀਤੀ ਵਿੱਚ ਆਉਣ ਲਈ ਉਤਸ਼ਾਹਿਤ ਕੀਤਾ। ਪਹਿਲਾਂ ਉਹਨਾਂ ਨੇ ਵੀ ਸੋਚਿਆ ਸੀ ਕਿ ਉਸ ਕੋਲ ਆਸਟ੍ਰੇਲੀਆ ਵਿੱਚ ਮੌਕਾ ਨਹੀਂ ਹੈ ਅਤੇ ਉਹਨਾਂ ਨੇ ਅਫਗਾਨਿਸਤਾਨ ਵਾਪਸ ਜਾਣ ਦਾ ਸੁਝਾਅ ਦਿੱਤਾ ਤਾਂ ਜੋ ਉੱਥੇ ਲੋਕਾਂ ਦੀ ਜ਼ਿੰਦਗੀ ਵਿੱਚ ਸੁਧਾਰ ਕੀਤਾ ਜਾ ਸਕੇ।
ਪੜ੍ਹੋ ਇਹ ਅਹਿਮ ਖ਼ਬਰ- ਯੁੱਧ ਦੀ ਤਿਆਰੀ 'ਚ ਚੀਨ! ਤਾਈਵਾਨ ਨੇੜੇ ਛੇ ਜ਼ੋਨਾਂ 'ਚ ਫ਼ੌਜੀ ਅਭਿਆਸ ਕੀਤਾ ਤੇਜ਼
ਹੁਣ ਉਸ ਦੇ ਪਿਤਾ ਨਹੀਂ ਰਹੇ। ਉਸਦੀ ਸੈਨੇਟ ਚੋਣ ਤੋਂ ਬਾਅਦ, ਪੇਮਨ ਦੀ ਮਾਂ ਨੇ ਹੰਝੂਆਂ ਵਿੱਚ ਕਿਹਾ ਕਿ ਉਹਨਾਂ ਨੂੰ ਉਸ 'ਤੇ ਬਹੁਤ ਮਾਣ ਹੋਵੇਗਾ।ਪੇਮੈਨ ਆਪਣੇ ਆਪ ਨੂੰ ਆਧੁਨਿਕ ਆਸਟ੍ਰੇਲੀਆ ਦੇ ਪ੍ਰਗਤੀਸ਼ੀਲ ਪ੍ਰਤੀਨਿਧੀ ਵਜੋਂ ਦਰਸਾਉਂਦੀ ਹੈ। ਉਸਨੇ ਬੀਬੀਸੀ ਨੂੰ ਦੱਸਿਆ, "ਮੈਂ ਇਸ ਸਬੰਧੀ ਜੱਜ ਨਹੀਂ ਬਣਨਾ ਚਾਹੁੰਦੀ ਕਿਉਂਕਿ ਮੈਂ ਆਪਣੇ ਸਿਰ 'ਤੇ ਸਕਾਰਫ਼ ਪਹਿਨਦੀ ਹਾਂ। ਮੈਂ ਓਨੀ ਹੀ ਆਸਟ੍ਰੇਲੀਅਨ ਹਾਂ ਜਿੰਨਾ ਦੂਜੇ ਸੈਨੇਟਰ ਹਨ। ਨੌਜਵਾਨ ਸੈਨੇਟਰ ਨੇ ਕਿਹਾ ਕਿ ਉਹ ਜਾਣਦੀ ਹੈ ਕਿ ਲੋਕਾਂ ਨੂੰ ਉਸ ਤੋਂ ਬਹੁਤ ਉਮੀਦਾਂ ਹਨ।ਉਹ ਇੱਕ ਅਜਿਹਾ ਦਿਨ ਦੇਖਣ ਦੀ ਇੱਛਾ ਰੱਖਦੀ ਹੈ ਜਦੋਂ ਹਿਜਾਬ ਪਹਿਨਣ ਵਾਲੇ ਸੰਸਦ ਮੈਂਬਰ ਅਤੇ ਸੈਨੇਟਰ ਸੁਰਖੀਆਂ ਵਿੱਚ ਨਹੀਂ ਆਉਣਗੇ।
ਗਾਰਡੀਅਨ ਅਨੁਸਾਰ ਉਸਨੇ ਪਿਛਲੇ ਹਫ਼ਤੇ ਆਪਣੇ ਪਹਿਲੇ ਸੰਸਦੀ ਭਾਸ਼ਣ ਵਿੱਚ ਕਿਹਾ ਕਿ ਮੈਂ ਸੜਕ 'ਤੇ ਬੋਰਡੀ ਅਤੇ ਫਲਿੱਪ-ਫਲਾਪ ਪਹਿਨਣ ਵਾਲੇ ਕਿਸੇ ਬਾਰੇ ਨਿਰਣਾ ਨਹੀਂ ਕਰਾਂਗੀ। ਮੈਨੂੰ ਉਮੀਦ ਨਹੀਂ ਹੈ ਕਿ ਲੋਕ ਸਕਾਰਫ ਪਹਿਨਣ ਲਈ ਮੇਰੇ ਬਾਰੇ ਕੋਈ ਟਿੱਪਣੀ ਕਰਨਗੇ। ਪੇਮਨ ਨੇ ਅੱਗੇ ਕਿਹਾ ਕਿ ਹਿਜਾਬ ਪਹਿਨਣਾ ਉਸਦੀ ਪਸੰਦ ਸੀ। ਉਹਨਾਂ ਨੇ ਕਿਹਾ ਕਿ ਮੈਂ ਚਾਹੁੰਦੀ ਹਾਂ ਕਿ ਜੋ ਨੌਜਵਾਨ ਕੁੜੀਆਂ ਹਿਜਾਬ ਪਹਿਨਣ ਦਾ ਫ਼ੈਸਲਾ ਕਰਦੀਆਂ ਹਨ, ਉਹ ਇਸ ਨੂੰ ਮਾਣ ਨਾਲ ਪਾਉਣ ਅਤੇ ਅਜਿਹਾ ਇਸ ਗਿਆਨ ਨਾਲ ਕਰਨ ਕਿ ਉਹਨਾਂ ਨੂੰ ਇਸ ਨੂੰ ਪਹਿਨਣ ਦਾ ਅਧਿਕਾਰ ਹੈ। ਉਸਨੇ ਪੰਜ ਸਾਲ ਪਹਿਲਾਂ ਵਾਪਰੀ ਇੱਕ ਘਟਨਾ ਦਾ ਵੀ ਹਵਾਲਾ ਦਿੱਤਾ, ਜਦੋਂ ਸੈਨੇਟਰ ਪੌਲੀਨ ਹੈਨਸਨ ਨੇ ਬੁਰਕਾ ਪਹਿਨਿਆ ਸੀ ਅਤੇ ਉਸ 'ਤੇ ਸੈਨੇਟ ਵਿੱਚ ਪਾਬੰਦੀ ਦੀ ਮੰਗ ਕੀਤੀ ਗਈ ਸੀ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।