ਮਾਲੀ ''ਚ ਸਰਕਾਰ ਵਿਰੋਧੀ ਪ੍ਰਦਰਸ਼ਨ ''ਚ 11 ਦੀ ਮੌਤ, 120 ਜ਼ਖਮੀ
07/13/2020 6:16:45 PM
ਬਮਾਕੋ (ਇੰਟ.): ਮਾਲੀ ਦੀ ਰਾਜਧਾਨੀ ਬਮਾਕੋ ਵਿਚ ਵੱਡੇ ਪੈਮਾਨੇ 'ਤੇ ਸਰਕਾਰ ਵਿਰੋਧੀ ਰੈਲੀਆਂ ਦੌਰਾਨ ਹੋਈਆਂ ਝੜਪਾਂ ਵਿਚ 11 ਲੋਕਾਂ ਦੀ ਮੌਤ ਹੋ ਗਈ ਤੇ 120 ਤੋਂ ਵਧੇਰੇ ਹੋਰ ਜ਼ਖਮੀ ਹੋਏ। ਨਾਡਰ ਸੂਦ ਜਨਰਲ ਅਖਬਾਰ ਨੇ ਸੋਮਵਾਰ ਨੂੰ ਸ਼ਹਿਰ ਦੇ ਹਸਪਤਾਲ ਸੂਤਰਾਂ ਦਾ ਹਵਾਲਾ ਦਿੰਦੇ ਹੋਏ ਇਹ ਜਾਣਕਾਰੀ ਦਿੱਤੀ।
ਜਿਹਾਦੀ ਤੇ ਫਿਰਕੂ ਹਿੰਸਾ ਦੇ ਨਾਲ-ਨਾਲ ਚੋਣਾਂ 'ਤੇ ਵਧਦੇ ਤਣਾਅ ਦੇ ਵਿਚਾਲੇ ਸਰਕਾਰ ਵਿਰੋਧੀ ਰੈਲੀਆਂ ਹਫਤਿਆਂ ਤੋਂ ਚੱਲ ਰਹੀਆਂ ਹਨ। ਅਸਤੀਫੇ ਲਈ ਵਧਦੇ ਵਿਰੋਧ ਪ੍ਰਦਰਸ਼ਨਾਂ ਦੇ ਜਵਾਬ ਵਿਚ ਵੀਰਵਾਰ ਨੂੰ ਰਾਸ਼ਟਰਪਤੀ ਇਬ੍ਰਾਹੀਮ ਬਾਓਬਕਰ ਨੇ ਵਾਅਦਾ ਕੀਤਾ ਕਿ ਦੇਸ਼ ਦੀ ਸੰਵਿਧਾਨਿਕ ਅਦਾਲਤ ਨੂੰ ਮੁੜਗਠਿਤ ਕੀਤਾ ਜਾਵੇਗਾ। ਸੂਤਰਾਂ ਮੁਤਾਬਕ ਬਮਾਕੋ ਦੇ ਗੈਬ੍ਰੀਅਲ ਟਾਰੇ ਹਸਪਤਾਲ ਵਿਚ 7 ਲੋਕਾਂ ਦੀ ਮੌਤ ਹੋ ਗਈ ਜਦਕਿ ਤਿੰਨ ਦੀ ਪੰਜਵੇਂ ਜ਼ਿਲੇ ਵਿਚ ਤੇ ਇਕ ਹੋਰ ਦੀ ਛੇਵੇਂ ਜ਼ਿਲੇ ਦੇ ਹਸਪਤਾਲ ਵਿਚ ਮੌਤ ਹੋ ਗਈ। ਸਾਲ 2012 ਵਿਚ ਜਦੋਂ ਤੁਆਰੇਗ ਅੱਤਵਾਦੀਆਂ ਨੇ ਦੇਸ਼ ਦੇ ਉੱਤਰੀ ਹਿੱਸੇ ਦੇ ਵਿਸ਼ਾਲ ਹਿੱਸੇ 'ਤੇ ਕਬਜ਼ਾ ਕਰ ਲਿਆ ਸੀ ਤਾਂ ਮਾਲੀ ਦੀ ਹਾਲਤ ਅਸਥਿਰ ਹੋ ਗਈ ਸੀ। ਲੀਬੀਆ ਦੇ ਸਾਬਕਾ ਨੇਤਾ ਮੁਆਂਮਰ ਗੱਦਾਵੀ ਦੇ ਨਾਲ-ਨਾਲ ਫ੍ਰਾਂਸੀਸੀ ਦਖਲ ਦੇ ਲਈ ਵਫਾਦਾਰ ਇਸਲਾਮਵਾਦੀਆਂ ਦੀਆਂ ਗਤੀਵਿਧੀਆਂ ਤੋਂ ਬਾਅਦ ਸੰਘਰਸ਼ ਹੋ ਵਧੇਰੇ ਵਧ ਗਿਆ।
