ਬਰਫ਼ੀਲੇ ਤੂਫਾਨ ਦੀ ਚਪੇਟ 'ਚ ਅਮਰੀਕਾ, 1 ਵਿਅਕਤੀ ਦੀ ਮੌਤ ਤੇ 12 ਜ਼ਖ਼ਮੀ (ਤਸਵੀਰਾਂ)
02/28/2023 10:17:47 AM
ਹਿਊਸਟਨ (ਆਈ.ਏ.ਐੱਨ.ਐੱਸ.): ਅਮਰੀਕਾ ਵਿਚ ਬਰਫ਼ੀਲੇ ਤੂਫਾਨ ਦਾ ਕਹਿਰ ਜਾਰੀ ਹੈ। ਅਧਿਕਾਰੀਆਂ ਨੇ ਪੁਸ਼ਟੀ ਕੀਤੀ ਕਿ ਅਮਰੀਕੀ ਸੂਬੇ ਓਕਲਾਹੋਮਾ ਵਿਚ ਤੂਫਾਨ ਕਾਰਨ ਇੱਕ ਵਿਅਕਤੀ ਦੀ ਮੌਤ ਹੋ ਗਈ ਅਤੇ 12 ਹੋਰ ਜ਼ਖ਼ਮੀ ਹੋ ਗਏ। ਲੋਕਲ ਮੀਡੀਆ ਆਉਟਲੈਟ ਕੋਕੋ ਨੇ ਦੱਸਿਆ ਕਿ ਪੱਛਮੀ ਓਕਲਾਹੋਮਾ ਸੂਬੇ ਵਿਚ ਕਈ ਘਰ ਅਤੇ ਇਕ ਕਬਰਸਤਾਨ ਬੀਤੇ ਦਿਨੀਂ ਆਏ ਬਵੰਡਰਾਂ ਕਾਰਨ ਨੁਕਸਾਨੇ ਗਏ। ਸਮਾਚਾਰ ਏਜੰਸੀ ਸ਼ਿਨਹੂਆ ਮੁਤਾਬਕ ਸੋਸ਼ਲ ਮੀਡੀਆ 'ਤੇ ਵਾਇਰਲ ਵੀਡੀਓ ਤੋਂ ਪਤਾ ਚੱਲਿਆ ਕਿ ਬਵੰਡਰਾਂ ਅਤੇ ਤੇਜ਼ ਹਵਾਵਾਂ ਕਾਰਨ ਘਰਾਂ ਦੀਆਂ ਛੱਤਾਂ ਨੁਕਸਾਨੀਆਂ ਗਈਆਂ, ਇੱਟ ਦੀਆਂ ਕੰਧਾਂ ਡਿੱਗ ਗਈਆਂ।
ਤੇਜ਼ ਤੂਫਾਨਾਂ ਨੇ ਬਿਜਲੀ ਸਪਲਾਈ ਨੂੰ ਪ੍ਰਭਾਵਿਤ ਕੀਤਾ। ਸੋਮਵਾਰ ਨੂੰ ਰਾਜ ਭਰ ਦੇ ਬਿਜਲੀ ਦੇ ਕਈ ਖੰਭੇ ਟੁੱਟ ਗਏ ਅਤੇ ਹਜ਼ਾਰਾਂ ਆਊਟੇਜ ਹੋ ਗਏ। ਮਿਸ਼ੀਗਨ ਵਿਚ ਪਿਛਲੇ ਹਫਤੇ ਦੇ ਬਰਫ਼ੀਲੇ ਤੂਫਾਨ ਅਤੇ ਤੇਜ਼ ਹਵਾਵਾਂ ਤੋਂ ਕਾਰਨ ਪਾਵਰਆਉਟੇਜ ਹੋ ਗਿਆ। ਇੱਥੇ 1800,000 ਤੋਂ ਵੱਧ ਲੋਕ ਬਿਨਾਂਂ ਬਿਜਲੀ ਦੇ ਰਹਿਣ ਲਈ ਮਜਬੂਰ ਹਨ। ਸਾਰੇ ਅਮਲੇ ਬਿਜਲੀ ਬਹਾਲ ਕਰਨ ਲਈ ਕੰਮ ਕਰ ਰਹੇ ਹਨ। ਨੌਰਮਨ ਪਬਲਿਕ ਸਕੂਲਜ਼ ਅਧਿਕਾਰੀਆਂ ਨੇ ਦੱਸਿਆ ਕਿ ਘੱਟੋ ਘੱਟ ਦੋ ਐਲੀਮੈਂਟਰੀ ਸਕੂਲ ਬੰਦ ਕਰ ਦਿੱਤੇ ਗਏ।
ਪੜ੍ਹੋ ਇਹ ਅਹਿਮ ਖ਼ਬਰ- ਨਿਊਜ਼ੀਲੈਂਡ 'ਚ ਗੈਬਰੀਏਲ ਤੂਫ਼ਾਨ ਦਾ ਕਹਿਰ ਜਾਰੀ, ਸਿੱਖ ਭਾਈਚਾਰੇ ਨੇ ਸ਼ੁਰੂ ਕੀਤੀ ਲੰਗਰ ਸੇਵਾ
ਨੈਸ਼ਨਲ ਮੌਸਮ ਸੇਵਾ (ਐਨਡਬਲਯੂਐਸ) ਨੇ ਸੋਮਵਾਰ ਨੂੰ ਪੁਸ਼ਟੀ ਕੀਤੀ ਕਿ ਘੱਟੋ-ਘੱਟ ਸੱਤ ਬਵੰਡਰ ਓਕਲਾਹੋਮਾ ਵਿਚ ਫੈਲੇ ਹੋਏ ਹਨ, ਜਿਸ ਦੇ ਨਤੀਜੇ ਵਜੋਂ ਕੁਝ ਥਾਵਾਂ 'ਤੇ EF-2 ਨੁਕਸਾਨ ਹੋਇਆ ਅਤੇ ਇਹ ਰੇਟਿੰਗ ਵਧ ਸਕਦੀ ਹੈ। ਓਕਲਾਹੋਮਾ ਦੇ ਗਵਰਨਰ ਕੇਵਿਨ ਸਟਿਟ ਨੇ ਟਵੀਟ ਕੀਤਾ ਕਿ "ਮੇਰੀ ਹਮਦਰਦੀ ਪੀੜਤਾਂ ਦੇ ਨਾਲ ਹੈ। ਐਨਡਬਲਯੂਐਸ ਨੇ ਕਿਹਾ ਕਿ ਸੰਭਾਵਤ ਬਵੰਡਰ ਨੇ ਗੁਆਂਢੀ ਰਾਜਾਂ ਕੰਸਾਸ ਅਤੇ ਟੈਕਸਾਸ ਦੇ ਕੁਝ ਹਿੱਸਿਆਂ ਨੂੰ ਵੀ ਪ੍ਰਭਾਵਿਤ ਕੀਤਾ।
ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।