ਪਾਚਨ ਕਿਰਿਆ ਨੂੰ ਠੀਕ ਰੱਖਣ ਦੇ ਨਾਲ-ਨਾਲ ਮੋਟਾਪੇ ਨੂੰ ਕੰਟਰੋਲ ਕਰਦੇ ਨੇ ਭੁੰਨੇ ਆਲੂ, ਜਾਣੋ ਹੋਰ ਵੀ ਲਾਭ
09/09/2021 10:48:34 AM
ਨਵੀਂ ਦਿੱਲੀ : ਆਲੂ ਇਕ ਅਜਿਹੀ ਸਬਜ਼ੀ ਹੈ ਜੋ ਲਗਭਗ ਹਰ ਘਰ 'ਚ ਵਰਤੀ ਜਾਂਦੀ ਹੈ। ਆਲੂਆਂ 'ਚ ਫਾਈਬਰ, ਜ਼ਿੰਕ, ਆਇਰਨ, ਕੈਲਸ਼ੀਅਮ, ਪੋਟਾਸ਼ੀਅਮ, ਫਾਸਫੋਰਸ, ਬੀ-ਕੰਪਲੈਕਸ, ਵਿਟਾਮਿਨ ਸੀ ਭਰਪੂਰ ਮਾਤਰਾ 'ਚ ਹੁੰਦਾ ਹੈ, ਜੋ ਸਿਹਤ ਲਈ ਬਹੁਤ ਫਾਇਦੇਮੰਦ ਹੁੰਦੇ ਹਨ ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਭੁੰਨੇ ਹੋਏ ਆਲੂ ਖਾਣ ਨਾਲ ਪਾਚਨ ਕਿਰਿਆ 'ਚ ਸੁਧਾਰ ਹੁੰਦਾ ਹੈ। ਇੰਨਾ ਹੀ ਨਹੀਂ ਭੁੰਨੇ ਹੋਏ ਆਲੂ ਖਾਣ ਨਾਲ ਮੋਟਾਪਾ ਵੀ ਘੱਟ ਹੁੰਦਾ ਹੈ ਅਤੇ ਭਾਰ ਵੀ ਨਹੀਂ ਵਧਦਾ।
ਜੇ ਤੁਸੀਂ ਆਪਣੇ ਵਧੇ ਹੋਏ ਭਾਰ ਤੋਂ ਪਰੇਸ਼ਾਨ ਹੋ ਤਾਂ ਨਿਸ਼ਚਤ ਤੌਰ 'ਤੇ ਆਪਣੀ ਖੁਰਾਕ 'ਚ ਭੁੰਨੇ ਹੋਏ ਆਲੂਆਂ ਨੂੰ ਸ਼ਾਮਲ ਕਰੋ। ਆਓ ਜਾਣਦੇ ਹਾਂ ਭੁੰਨੇ ਹੋਏ ਆਲੂ ਖਾਣ ਦੇ ਫਾਇਦਿਆਂ ਬਾਰੇ...
ਭੁੰਨੇ ਹੋਏ ਆਲੂ ਖਾਣ ਦੇ ਲਾਭ
ਪਾਚਨ ਕਿਰਿਆ ਨੂੰ ਰੱਖਦਾ ਹੈ ਬਿਹਤਰ
ਭੁੰਨੇ ਹੋਏ ਆਲੂਆਂ 'ਚ ਫਾਈਬਰ ਬਹੁਤ ਜ਼ਿਆਦਾ ਹੁੰਦਾ ਹੈ ਜੋ ਪਾਚਨ ਕਿਰਿਆ ਨੂੰ ਬਿਹਤਰ ਰੱਖਣ 'ਚ ਮਦਦ ਕਰਦਾ ਹੈ। ਭੁੰਨੇ ਹੋਏ ਆਲੂਆਂ ਦੀ ਖਪਤ ਲੂਜ਼ ਮੋਸ਼ਨ ਅਤੇ ਕਬਜ਼ ਦੀ ਸਮੱਸਿਆ ਤੋਂ ਰਾਹਤ ਦੇ ਸਕਦੀ ਹੈ।
ਸੋਜਸ਼ ਤੋਂ ਰਾਹਤ
ਭੁੰਨੇ ਹੋਏ ਆਲੂਆਂ ਦਾ ਸੇਵਨ ਉਨ੍ਹਾਂ ਲੋਕਾਂ ਲਈ ਬਹੁਤ ਲਾਭਦਾਇਕ ਹੋ ਸਕਦਾ ਹੈ ਜਿੰਨ੍ਹਾਂ ਨੂੰ ਸੋਜਸ਼ ਹੁੰਦੀ ਹੈ। ਭੁੰਨੇ ਹੋਏ ਆਲੂਆਂ 'ਚ ਕੋਲੀਨ ਪਾਇਆ ਜਾਂਦਾ ਹੈ ਜੋ ਸਰੀਰ ਲਈ ਇਕ ਪੋਸ਼ਕ ਤੱਤ ਹੁੰਦਾ ਹੈ ਜੋ ਸਰੀਰ ਦੀ ਸੋਜਸ਼ ਨੂੰ ਘੱਟ ਕਰ ਸਕਦਾ ਹੈ।
ਦਿਲ ਨੂੰ ਰੱਖਦਾ ਹੈ ਸਿਹਤਮੰਦ
ਆਲੂਆਂ ਨੂੰ ਪੋਟਾਸ਼ੀਅਮ ਦਾ ਇਕ ਵਧੀਆ ਸਰੋਤ ਮੰਨਿਆ ਜਾਂਦਾ ਹੈ। ਭੁੰਨੇ ਹੋਏ ਆਲੂਆਂ ਦੀ ਖਪਤ ਦਿਲ ਨੂੰ ਸਿਹਤਮੰਦ ਰੱਖ ਸਕਦੀ ਹੈ। ਭੁੰਨੇ ਹੋਏ ਆਲੂਆਂ ਦੀ ਖਪਤ ਕੋਲੈਸਟਰੋਲ, ਦਿਲ ਦੇ ਦੌਰੇ ਅਤੇ ਦਿਮਾਗੀ ਦੌਰੇ ਦੇ ਖਤਰੇ ਨੂੰ ਘੱਟ ਕਰ ਸਕਦੀ ਹੈ।
ਭਾਰ ਘੱਟ ਹੁੰਦਾ ਹੈ
ਭੁੰਨੇ ਹੋਏ ਆਲੂਆਂ 'ਚ ਮੌਜੂਦ ਰੇਸ਼ੇ ਅਤੇ ਵਿਟਾਮਿਨ ਬੀ 6 ਪਾਚਕ ਕਿਰਿਆ 'ਚ ਸੁਧਾਰ ਕਰਦੇ ਹਨ। ਖੁਰਾਕ 'ਚ ਭੁੰਨੇ ਹੋਏ ਆਲੂਆਂ ਨੂੰ ਸ਼ਾਮਲ ਕਰਕੇ ਵਧੇ ਹੋਏ ਭਾਰ ਨੂੰ ਆਸਾਨੀ ਨਾਲ ਘਟਾਇਆ ਜਾ ਸਕਦਾ ਹੈ।