ਰਾਤ ਦੇ ਸਮੇਂ ਭੁੱਲ ਕੇ ਵੀ ਨਾ ਕਰੋ ਦਹੀਂ ਦਾ ਸੇਵਨ, ਜੋੜਾਂ ਦੇ ਦਰਦ ਸਣੇ ਹੋ ਸਕਦੀਆਂ ਨੇ ਇਹ ਸਮੱਸਿਆਵਾਂ

ਨਵੀਂ ਦਿੱਲੀ : ਗਰਮੀ 'ਚ ਖਾਣੇ ਦੀ ਥਾਲੀ ਦੇ ਨਾਲ ਦਹੀਂ ਨਾ ਹੋਵੇ ਤਾਂ ਥਾਲੀ ਅਧੂਰੀ ਲੱਗਦੀ ਹੈ। ਦਹੀਂ ਸਿਹਤ ਲਈ ਉਪਯੋਗੀ ਹੈ ਇਸ ਵਿਚ ਹੈਲਦੀ ਬੈਕਟੀਰੀਆ ਮੌਜੂਦ ਹੁੰਦੇ ਹਨ ਜੋ ਸਾਡੇ ਮੈਟਾਬੋਲੀਜ਼ਮ ਨੂੰ ਹੈਲਦੀ ਬਣਾਈ ਰੱਖਣ ਵਿਚ ਮਦਦ ਕਰਦੇ ਹਨ। ਦਹੀਂ ਪਾਚਣ ਨੂੰ ਦਰੁਸਤ ਰੱਖਦਾ ਹੈ, ਨਾਲ ਹੀ ਢਿੱਡ ਦੀਆਂ ਕਈ ਸਮੱਸਿਆਵਾਂ ਦਾ ਇਲਾਜ ਵੀ ਕਰਦਾ ਹੈ। ਕੁਝ ਲੋਕਾਂ ਨੂੰ ਦਹੀਂ ਖਾਣਾ ਬੇਹੱਦ ਪਸੰਦ ਹੁੰਦਾ ਹੈ ਜਿਸ ਦੀ ਉਹ ਪੂਰਾ ਸਾਲ ਵਰਤੋਂ ਕਰਦੇ ਹਨ।
ਠੰਢੀ ਤਸੀਰ ਦਾ ਦਹੀਂ ਸਿਹਤ ਲਈ ਬੇਹੱਦ ਫ਼ਾਇਦੇਮੰਦ ਹੈ ਪਰ ਜੇਕਰ ਸਹੀਂ ਸਮੇਂ ਸਿਰ ਇਸ ਦੀ ਵਰਤੋਂ ਨਾ ਕੀਤੀ ਜਾਵੇ ਤਾਂ ਇਹ ਤੁਹਾਨੂੰ ਬਿਮਾਰ ਵੀ ਬਣਾ ਸਕਦਾ ਹੈ। ਬੇਵਕਤ ਦਹੀਂ ਖਾਣਾ ਤੁਹਾਡੀ ਸਿਹਤ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ, ਖ਼ਾਸ ਤੌਰ 'ਤੇ ਦੇਰ ਰਾਤ ਇਸ ਦੀ ਵਰਤੋਂ ਕਰਨ ਨਾਲ ਕਈ ਤਰ੍ਹਾਂ ਦੀਆਂ ਬਿਮਾਰੀਆਂ ਜਕੜ ਸਕਦੀਆਂ ਹਨ। ਆਓ ਜਾਣਦੇ ਹਾਂ ਕਿ ਰਾਤ ਨੂੰ ਦਹੀਂ ਖਾਣ ਤੋਂ ਕਿਉਂ ਬਚਣਾ ਚਾਹੀਦਾ ਹੈ।
ਰਾਤ ਵੇਲੇ ਤੁਹਾਡਾ ਪਾਚਣ ਵਿਗਾੜ ਸਕਦਾ ਹੈ ਦਹੀਂ
ਦਿਨ ਵੇਲੇ ਦਹੀਂ ਦੀ ਵਰਤੋਂ ਕਰਾਂਗੇ ਤਾਂ ਪਾਚਣ ਤੰਤਰ ਦਰੁਸਤ ਰਹੇਗਾ ਪਰ ਰਾਤ ਨੂੰ ਖਾਵਾਂਗੇ ਤਾਂ ਤੁਹਾਡਾ ਪਾਚਣ ਵਿਗੜ ਸਕਦਾ ਹੈ। ਦਹੀਂ ਪਚਾਉਣ ਲਈ ਸਰੀਰ ਨੂੰ ਐਨਰਜੀ ਦੀ ਜ਼ਰੂਰਤ ਪੈਂਦੀ ਹੈ। ਰਾਤ ਨੂੰ ਅਕਸਰ ਲੋਕ ਖਾਣ ਤੋਂ ਬਾਅਦ ਸਿੱਧੇ ਬਿਸਤਰੇ 'ਤੇ ਚਲੇ ਜਾਂਦੇ ਹਨ ਜਿਸ ਨਾਲ ਪਾਚਣ ਤੰਤਰ ਕਮਜ਼ੋਰ ਹੁੰਦਾ ਹੈ। ਏਨਾ ਹੀ ਨਹੀਂ ਦਹੀਂ ਖਾਣ ਨਾਲ ਸਰੀਰ 'ਚ ਸੋਜ਼ਿਸ਼ ਵੀ ਆ ਜਾਂਦੀ ਹੈ।

ਸਰਦੀ-ਜ਼ੁਕਾਮ ਕਰ ਸਕਦਾ ਹੈ ਦਹੀਂ
ਕੋਰੋਨਾ ਕਾਲ 'ਚ ਦਹੀਂ ਸਰਦੀ ਜ਼ੁਕਾਮ ਦਾ ਸਬੱਬ ਬਣ ਸਕਦਾ ਹੈ। ਠੰਢ ਹੋਵੇ ਜਾਂ ਗਰਮੀ ਰਾਤ ਨੂੰ ਦਹੀਂ ਦੀ ਵਰਤੋਂ ਕਰਨ ਨਾਲ ਖਾਂਸੀ-ਜ਼ੁਕਾਮ ਵਰਗੀਆਂ ਸਮੱਸਿਆਵਾਂ ਹੋ ਸਕਦੀਆਂ ਹਨ, ਇਸ ਲਈ ਰਾਤ ਨੂੰ ਦਹੀਂ ਖਾਣ ਤੋਂ ਪਰਹੇਜ਼ ਕਰੋ।
ਰਾਤ ਨੂੰ ਦਹੀਂ ਖਾਣ ਨਾਲ ਹੋ ਸਕਦੀਆਂ ਹਨ ਉਲਟੀਆਂ
ਰਾਤ ਨੂੰ ਦਹੀਂ ਦੀ ਵਰਤੋਂ ਕਰਨ ਨਾਲ ਡਾਈਜੈਸ਼ਨ ਸਿਸਟਮ 'ਤੇ ਉਲਟ ਅਸਰ ਪੈਂਦਾ ਹੈ। ਇੱਥੋਂ ਤਕ ਕਿ ਉਲਟੀ ਵੀ ਹੋ ਸਕਦੀ ਹੈ।

ਚਿਹਰੇ 'ਤੇ ਆ ਸਕਦੇ ਹਨ ਮੁਹਾਸੇ
ਰਾਤ ਨੂੰ ਦਹੀਂ ਦੀ ਵਰਤੋਂ ਤੁਹਾਡੇ ਚਿਹਰੇ ਦੀ ਰੌਣਕ ਵੀ ਖੋ ਸਕਦੀ ਹੈ। ਦਹੀਂ ਦੀ ਵਰਤੋਂ ਨਾਲ ਚਿਹਰੇ 'ਤੇ ਮੁਹਾਸੇ ਨਿਕਲ ਸਕਦੇ ਹਨ।
ਜੋੜਾਂ 'ਚ ਦਰਦ ਦਾ ਕਾਰਨ ਬਣਦਾ ਹੈ ਦਹੀਂ
ਜਿਨ੍ਹਾਂ ਲੋਕਾਂ ਨੂੰ ਜੋੜਾਂ ਦੇ ਦਰਦ ਦੀ ਸਮੱਸਿਆ ਹੈ, ਉਨ੍ਹਾਂ ਨੂੰ ਰਾਤ ਨੂੰ ਦਹੀਂ ਦੀ ਵਰਤੋਂ ਕਰਨ ਤੋਂ ਬਚਣਾ ਚਾਹੀਦਾ ਹੈ। ਇਸ ਦੀ ਵਰਤੋਂ ਨਾਲ ਉਨ੍ਹਾਂ ਦੀ ਸਮੱਸਿਆ ਹੋਰ ਜ਼ਿਆਦਾ ਵਧ ਸਕਦੀ ਹੈ।