Health Tips: ਥਾਇਰਾਇਡ ''ਚ ਹਾਰਮੋਨਸ ਨੂੰ ਸੰਤੁਲਿਤ ਕਰੇਗਾ ਸੇਬ ਦਾ ਸਿਰਕਾ, ਖੁਰਾਕ ''ਚ ਕਰੋ ਸ਼ਾਮਲ
08/02/2022 5:28:06 PM
ਨਵੀਂ ਦਿੱਲੀ- ਅੱਜ ਕੱਲ੍ਹ ਦੇ ਖਰਾਬ ਲਾਈਫਸਟਾਈਲ ਦੇ ਕਾਰਨ ਸ਼ੂਗਰ, ਥਾਇਰਾਇਡ ਅਤੇ ਮੋਟਾਪਾ ਇਕ ਆਮ ਸਮੱਸਿਆ ਬਣ ਗਈ ਹੈ। ਬਹੁਤ ਸਾਰੇ ਲੋਕ ਇਨ੍ਹਾਂ ਸਮੱਸਿਆਵਾਂ ਦਾ ਸਾਹਮਣਾ ਕਰ ਰਹੇ ਹਨ। ਖ਼ਾਸ ਕਰਕੇ ਥਾਇਰਾਇਡ ਇਨ੍ਹੀਂ ਦਿਨੀਂ ਕਈ ਲੋਕਾਂ ਦੀ ਪਰੇਸ਼ਾਨੀ ਦਾ ਕਾਰਨ ਬਣਿਆ ਹੋਇਆ ਹੈ। ਥਾਇਰਾਇਡ ਦੇ ਕਾਰਨ ਅਚਾਨਕ ਭਾਰ ਘੱਟਣਾ, ਹਾਰਟ ਰੇਟ ਦਾ ਤੇਜ਼ ਹੋਣਾ, ਪਸੀਨਾ ਆਉਂਦੇ ਰਹਿਣਾ, ਚਿੜਚਿੜਾਪਨ ਹੋਣ ਵਰਗੀਆਂ ਸਮੱਸਿਆਵਾਂ ਹੋਣ ਲੱਗਦੀਆਂ ਹਨ। ਇਹ ਤਿਤਲੀ ਦੇ ਆਕਾਰ ਦੀ ਇਕ ਗ੍ਰੰਥੀ ਹੁੰਦੀ ਹੈ। ਇਹ ਗ੍ਰੰਥੀ ਬਿਲਕੁੱਲ ਗਲੇ ਦੇ ਹੇਠਾਂ ਸਥਿਤ ਹੁੰਦੀ ਹੈ। ਇਹ ਗ੍ਰੰਥੀ ਸਰੀਰ ਲਈ ਦੋ ਮਹੱਤਵਪੂਰਨ ਹਾਰਮੋਨਸ ਦਾ ਉਤਪਾਦਨ ਕਰਨ ਲਈ ਜ਼ਿੰਮੇਵਾਰ ਹੁੰਦੀ ਹੈ। ਟ੍ਰੇਟਾਓਡੋਥਾਈਰੋਨਿਨ ਅਤੇ ਟ੍ਰਾਈਆਓਡੋਥਾਯਰੋਨਿਨ। ਇਹ ਦੋਵੇਂ ਹਾਰਮੋਨਸ ਸਰੀਰ ਦੇ ਮੈਟਾਬੋਲੀਜ਼ਮ ਦੀ ਕਿਰਿਆ ਨੂੰ ਕੰਟਰੋਲ ਕਰਨ 'ਚ ਮਹੱਤਵਪੂਰਨ ਭੂਮਿਕਾ ਨਿਭਾਉਂਦੇ ਹਨ। ਇਨ੍ਹਾਂ ਦੋਵਾਂ ਹਾਰਮੋਨਸ ਦੇ ਵਿਗੜਣ ਦੇ ਕਾਰਨ ਹੀ ਥਾਇਰਾਇਡ ਵਰਗੀ ਸਮੱਸਿਆ ਹੁੰਦੀ ਹੈ।
ਸੇਬ ਦਾ ਸਿਰਕਾ ਹੁੰਦਾ ਹੈ ਲਾਹੇਵੰਦ
ਮਾਰਹਾਂ ਮੁਤਾਬਕ ਥਾਇਰਾਇਡ 'ਚ ਸੇਬ ਦੇ ਸਿਰਕੇ ਦਾ ਸੇਵਨ ਬਹੁਤ ਹੀ ਫਾਇਦੇਮੰਦ ਹੁੰਦਾ ਹੈ। ਇਹ ਥਾਇਰਾਇਡ ਦੇ ਲਈ ਬਹੁਤ ਹੀ ਸੁਰੱਖਿਅਤ, ਚੰਗਾ ਅਤੇ ਕੁਦਰਤੀ ਉਪਾਅ ਹੈ। ਤੁਸੀਂ ਸੇਬ ਦੇ ਸਿਰਕੇ ਨੂੰ ਆਪਣੀ ਖੁਰਾਕ 'ਚ ਸ਼ਾਮਲ ਕਰਕੇ ਥਾਇਰਾਇਡ ਵਰਗੀ ਸਮੱਸਿਆ ਤੋਂ ਰਾਹਤ ਪਾ ਸਕਦੇ ਹੋ। ਸੇਬ ਦਾ ਸਿਰਕਾ ਹਾਰਮੋਨਸ ਦਾ ਉਤਪਾਦਨ ਕਰਨ 'ਚ ਸਹਾਇਆ ਕਰਦਾ ਹੈ। ਇਸ 'ਚ ਵਿਟਾਮਿਨਸ, ਮਿਨਰਲਸ, ਐਂਟੀ-ਆਕਸੀਡੈਂਟ ਅਤੇ ਐਂਜਾਈਮਸ ਭਰਪੂਰ ਮਾਤਰਾ 'ਚ ਪਾਏ ਜਾਂਦੇ ਹਨ। ਇਹ ਸਰੀਰ 'ਚ ਜਮ੍ਹਾ ਵਾਧੂ ਮੋਟਾਪੇ ਨੂੰ ਕੰਟਰੋਲ ਕਰਨ 'ਚ ਸਹਾਇਤਾ ਕਰਦਾ ਹੈ। ਭਾਰ ਘੱਟ ਕਰਨ ਲਈ ਇਸ ਨੂੰ ਬਹੁਤ ਹੀ ਅਸਰਦਾਰ ਮੰਨਿਆ ਜਾਂਦਾ ਹੈ। ਇਹ ਸਰੀਰ ਨੂੰ ਡਿਟਾਕਸੀਫਾਈ ਕਰਨ 'ਚ ਵੀ ਸਹਾਇਤਾ ਕਰਦਾ ਹੈ।
ਡਰਿੰਕ ਦੀ ਤਰ੍ਹਾਂ
ਤੁਸੀਂ ਸੇਬ ਦੇ ਸਿਰਕੇ ਨੂੰ ਡਰਿੰਕ ਦੇ ਰੂਪ 'ਚ ਪੀ ਸਕਦੇ ਹੋ। ਸਵੇਰੇ ਖਾਲੀ ਢਿੱਡ ਇਸ ਦਾ ਸੇਵਨ ਥਾਇਰਾਇਡ ਦੇ ਰੋਗੀਆਂ ਲਈ ਬਹੁਤ ਹੀ ਫਾਇਦੇਮੰਦ ਹੁੰਦਾ ਹੈ। ਤੁਸੀਂ ਇਸ 'ਚ ਥੋੜ੍ਹਾ ਜਿਹਾ ਨਿੰਬੂ ਅਤੇ ਸ਼ਹਿਦ ਮਿਲਾ ਕੇ ਇਸ ਦਾ ਸੇਵਨ ਕਰ ਸਕਦੇ ਹੋ।
ਸਬਜ਼ੀਆਂ ਦੇ ਨਾਲ
ਤੁਸੀਂ ਸਬਜ਼ੀਆਂ ਜਾਂ ਫਿਰ ਸਲਾਦ ਦੇ ਨਾਲ ਵੀ ਇਸ ਦਾ ਸੇਵਨ ਕਰ ਸਕਦੇ ਹੋ। ਸਬਜ਼ੀਆਂ ਦੇ ਉਪਰ ਤੁਸੀਂ ਸੇਬ ਦਾ ਸਿਰਕਾ ਛਿੜਕ ਕੇ ਉਸ ਨੂੰ ਖਾ ਸਕਦੇ ਹੋ।
ਹਰਬਲ ਟੀ ਦੀ ਤਰ੍ਹਾਂ
ਤੁਸੀਂ ਸੇਬ ਦੇ ਸਿਰਕੇ ਨਾਲ ਬਣੀ ਹਰਬਲ ਟੀ ਦਾ ਸੇਵਨ ਕਰ ਸਕਦੇ ਹੋ। ਇਕ ਗਲਾਸ ਗਰਮ ਪਾਣੀ 'ਚ 2 ਚਮਚੇ ਸੇਬ ਦਾ ਸਿਰਕਾ, ਨਿੰਬੂ ਦਾ ਰਸ, ਦਾਲਚੀਨੀ ਪਾਊਡਰ ਅਤੇ ਲਾਲ ਮਿਰਚ ਮਿਲਾਓ। ਇਸ ਤੋਂ ਬਾਅਦ ਤੁਸੀਂ ਇਸ ਟੀ ਦਾ ਸੇਵਨ ਕਰ ਲਓ। ਤੁਸੀਂ ਸਿੰਪਲ ਚਾਹ ਦੇ ਇਲਾਵਾ ਇਸ ਹਰਬਲ ਟੀ ਦਾ ਸੇਵਨ ਕਰ ਸਕਦੇ ਹੋ।
ਖਾਣੇ ਦੇ ਨਾਲ
ਤੁਸੀਂ ਸੇਬ ਦਾ ਸਿਰਕਾ ਖਾਣੇ ਦੇ ਨਾਲ ਵੀ ਲੈ ਸਕਦੇ ਹੋ। ਸਵੇਰੇ ਪਾਣੀ ਪੀਂਦੇ ਸਮੇਂ ਜਾਂ ਫਿਰ ਨਾਸ਼ਤੇ ਦੇ ਦੌਰਾਨ 2 ਚਮਚੇ ਸੇਬ ਦਾ ਸਿਰਕਾ ਮਿਲਾ ਕੇ ਤੁਸੀਂ ਨਾਸ਼ਤਾ ਕਰ ਸਕਦੇ ਹੋ।
ਭੋਜਨ ਦੀ ਡ੍ਰੇਸਿੰਗ 'ਚ
ਤੁਸੀਂ ਖਾਣੇ ਦੀ ਡ੍ਰੇਸਿੰਗ ਕਰਦੇ ਸਮੇਂ ਉਪਰ ਤੋਂ ਸੇਬ ਦਾ ਸਿਰਕਾ ਪਾ ਕੇ ਖਾ ਸਕਦੇ ਹੋ। ਇਸ ਤੋਂ ਇਲਾਵਾ ਤੁਸੀਂ ਸਲਾਦ ਦੇ ਨਾਲ ਵੀ ਇਸ ਦਾ ਸੇਵਨ ਕਰ ਸਕਦੇ ਹੋ।
ਥਾਇਰਾਇਡ ਦੇ ਰੋਗੀ ਇਸ ਤਰ੍ਹਾਂ ਨਾਲ ਸੇਬ ਦੇ ਸਿਰਕੇ ਨੂੰ ਆਪਣੀ ਖੁਰਾਕ 'ਚ ਸ਼ਾਮਲ ਕਰਕੇ ਹਾਰਮੋਨਸ ਨੂੰ ਸੰਤੁਲਿਤ ਕਰ ਸਕਦੇ ਹਨ।
