Twitter Down : ਭਾਰਤ ''ਚ ਇਕ ਘੰਟਾ ਬੰਦ ਰਹੀ ਟਵਿੱਟਰ ਸੇਵਾ
08/22/2019 12:04:12 AM
ਨਵੀਂ ਦਿੱਲੀ— ਸੋਸ਼ਲ ਮੀਡੀਆ ਪਲੇਟਫਾਰਮ ਟਵਿੱਟਰ ਦੀਆਂ ਸੇਵਾਵਾਂ ਭਾਰਤ 'ਚ ਬੁੱਧਵਾਰ ਸ਼ਾਮ ਨੂੰ ਕਰੀਬ ਇਕ ਘੰਟੇ ਲਈ ਬੰਦ ਰਹੀ। ਟਵਿੱਟਰ ਦਾ ਇਸਤੇਮਾਲ ਕਰਨ ਵਾਲਿਆਂ 'ਚ ਬੁੱਧਵਾਰ ਸ਼ਾਮ 8 ਵਜੇ ਦੇ ਕਰੀਬ ਪਲੇਟਫਾਰਮ ਦੇ ਕੰਮ ਨਾ ਕਰਨ ਦੀ ਸ਼ਿਕਾਇਤ ਮਿਲੀ।
ਵੱਖ ਵੱਖ ਪਲੇਟਫਾਰਮਾਂ 'ਤੇ ਸੇਵਾਵਾਂ ਦੇ ਬੰਦ ਹੋਣ ਨੂੰ ਲੈ ਕੇ ਸ਼ਿਕਾਇਤਾਂ ਨੂੰ ਰਿਕਾਰਡ ਕਰਨ ਵਾਲੇ ਵੈੱਬਸਾਈਟ ਡਾਊਨ ਡਿਟੇਕਟਰ ਨੇ ਭਾਰਤ 'ਚ ਟਵਿੱਟਰ ਦੇ ਬੰਦ ਹੋਣ ਬਾਰੇ 2,764 ਸ਼ਿਕਾਇਤਾਂ ਰਿਕਾਰਡ ਕੀਤੀਆਂ। ਇਸ ਦੌਰਾਨ ਟਵਿੱਟਰ ਦੇ ਨੁਮਾਇੰਦਿਆਂ ਨੂੰ ਭੇਜੇ ਗਏ ਈ-ਮੇਲ ਫੋਨ ਕਾਲ 'ਤੇ ਕੋਈ ਜਵਾਬ ਨਹੀਂ ਮਿਲਿਆ। ਭਾਰਤ 'ਚ ਟਵਿੱਟਰ ਦੇ ਕਰੀਬ ਸਾਢੇ ਤਿੰਨ ਕਰੋੜ ਯੂਜ਼ਰਸ ਹਨ।