ਇਸ ਰੱਖੜੀ ’ਤੇ ਆਪਣੇ ਯੂਜ਼ਰਸ ਕੋਲੋਂ ਇਕ ਵਾਅਦਾ ਕਰਵਾ ਰਹੀ ਹੈ ਟਵਿਟਰ, ਜਾਣੋ ਕਿਉਂ?
08/01/2020 5:47:12 PM
ਗੈਜੇਟ ਡੈਸਕ– ਮਾਈਕ੍ਰੋਬਲਾਗਿੰਗ ਵੈੱਬਸਾਈਟ ਟਵਿਟਰ ਇਸ ਰੱਖੜੀ ’ਤੇ ਤੁਹਾਡੇ ਕੋਲੋਂ ਇਕ ਵਾਅਦਾ ਚਾਹੁੰਦੀ ਹੈ। ਕੋਰੋਨਾ ਵਾਇਰਸ ਮਹਾਮਾਰੀ ਦੌਰਾਨ ਤਿਉਹਾਰ ਦਾ ਦੌਰ ਬੇਸ਼ੱਕ ਸ਼ੁਰੂ ਹੋ ਗਿਆ ਹੈ ਪਰ ਅਜੇ ਵੀ ਸਮਾਜਿਕ ਦੂਰੀ ਬਣਾਈ ਰੱਖਣ ’ਚ ਹੀ ਸਮਝਦਾਰੀ ਹੈ। ਟਵਿਟਰ ਰਾਹੀਂ ਭੈਣ-ਭਰਾ ਇਕ-ਦੂਜੇ ਤੋਂ ਦੂਰ ਮੌਜੂਦ ਹੋਣ ’ਤੇ ਵੀ ਆਪਸ ’ਚ ਜੁੜ ਸਕਣਗੇ। ਟਵਿਟਰ ਦਾ ਕਹਿਣਾ ਹੈ ਕਿ ਜੋ ਵੀ ਭੈਣ-ਭਰਾ ਆਪਸ ’ਚ ਪਲੇਟਫਾਰਮ ’ਤੇ ਗੱਲ ਕਰਨ ਜਾਂ ਇਕ-ਦੂਜੇ ਨੂੰ ਮੈਸਜ ਲਿਖਣ ਉਹ #TweetAPromise ਹੈਸ਼ਟੈਕ ਦੀ ਵਰਤੋਂ ਕਰਨ। ਇਸ ਗੱਲ ਦੀ ਜਾਣਕਾਰੀ ਟਵਿਟਰ ਨੇ ਆਪਣੇ ਅਧਿਕਾਰਤ ਟਵਿਟਰ ਇੰਡੀਆ ਅਕਾਊਂਟ ਰਾਹੀਂ ਦਿੱਤੀ ਹੈ।
This Raksha Bandhan, cover the distance, #TweetAPromise to your loved ones with Twitter India’s virtual rakhi.
— Twitter India (@TwitterIndia) July 31, 2020
ਜ਼ਰੂਰੀ ਹੈ ਇਸ ਸਮੇਂ ਵਾਇਰਸ ਤੋਂ ਬਚਣਾ
ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਮਾਮਲੇ ਲਗਾਤਾਰ ਵਧ ਰਹੇ ਹਨ। ਅਜਿਹੇ ’ਚ ਤਿਉਹਾਰਾਂ ਦੌਰਾਨ ਟ੍ਰੈਵਲ ਕਰਨਾ ਸਹੀ ਨਹੀਂ ਹੈ। ਇਹੀ ਸੋਸ਼ਲ ਮੀਡੀਆ ਪਲੇਟਫਾਰਮ ਨੇ ਆਪਣੇ ਯੂਜ਼ਰਸ ਨੂੰ ਅਪੀਲ ਕੀਤੀ ਹੈ ਅਤੇ ਕਿਹਾ ਹੈ ਕਿ ਰੱਖੜੀ ਵਾਲੇ ਦਿਨ ਲਈ #TweetAPromise ਹੈਸ਼ਟੈਗ ਦੀ ਵਰਤੋਂ ਕਰੋ। ਅਜਿਹੇ ’ਚ ਰੱਖੜੀ ਵਾਲੇ ਦਿਨ ਇਹ ਹੈਸ਼ਟੈਗ ਟ੍ਰੈਂਡ ਕਰਦਾ ਵਿਖਾਈ ਦੇ ਸਕਦਾ ਹੈ।