OnePlus 6 ਦੇ ਯੂਜਰਸ ਨੇ ਕੀਤੀ ਸ਼ਿਕਾਇਤ, ਅਪਡੇਟ ਤੋਂ ਬਾਅਦ ਅਚਾਨਕ ਫੋਨ ਹੋ ਰਿਹਾ ਹੈ ਸ਼ੱਟਡਾਊਨ

ਜਲੰਧਰ- ਵਨਪਲਸ ਨੇ ਆਪਣੇ ਯੂਜ਼ਰਸ ਨੂੰ ਓ. ਟੀ. ਏ. ਅਪਡੇਟ ਦੇਣੀ ਸ਼ੁਰੂ ਕਰ ਦਿੱਤੀ ਹੈ ਜਿਸ 'ਚ ਵਨਪਲਸ 6, ਵਨਪਲਸ 5, 5T, 3,3T ਅਤੇ ਵਨਪਲਸ 6 ਸ਼ਾਮਿਲ ਹਨ | ਅਪਡੇਟ ਤੋਂ ਬਾਅਦ ਜਿੱਥੇ ਇਹ ਕਿਹਾ ਜਾ ਰਿਹਾ ਸੀ ਕਿ ਫੋਨ 'ਚ ਕਾਫ਼ੀ ਬਗਸ ਨੂੰ ਫਿਕਸ ਕੀਤੇ ਜਾਣਗੇ ਤਾਂ ਉਥੇ ਹੀ ਕਈ ਫੀਚਰਸ 'ਚ ਵੀ ਸੁਧਾਰ ਕੀਤਾ ਜਾਵੇਗਾ |

ਹਾਲਾਂਕਿ ਅਪਡੇਟ ਤੋਂ ਬਾਅਦ ਕਈ ਯੂਜ਼ਰਸ ਨੇ ਵਨਪਲਸ ਫ਼ਾਰਮ ਨੂੰ ਇਸ ਗੱਲ ਨੂੰ ਲੈ ਕੇ ਸ਼ਿਕਾਇਤ ਕੀਤੀ ਹੈ ਕਿ ਅਪਡੇਟ ਤੋਂ ਬਾਅਦ ਵਨਪਲਸ 6 ਦੀ ਬੈਟਰੀ ਜਲਦੀ ਖਤਮ ਹੋ ਰਹੀ ਹੈ | ਇਸ ਪਰੇਸ਼ਾਨੀ ਦਾ ਖੁਲਾਸਾ ਤੱਦ ਹੋਇਆ ਜਦ ਆਕਸੀਜਨ ਓ.ਐੈੱਸ 5.1.6 ਅਤੇ 5.1.8 'ਤੇ ਫੋਨ ਨੂੰ ਅਪਡੇਟ ਕੀਤਾ ਗਿਆ |

ਇਕ ਹੋਰ ਖਰਾਬੀ ਜੋ ਵਨਪਲਸ 6 'ਚ ਵੇਖੀ ਜਾ ਰਹੀ ਹੈ ਉਹ ਇਹ ਹੈ ਕਿ ਫੋਨ 'ਚ 50 ਫ਼ੀਸਦੀ ਬੈਟਰੀ ਹੋਣ ਦੇ ਬਾਵਜੂਦ ਫੋਨ ਬੰਦ ਹੋ ਰਿਹਾ ਹੈ | ਡਿਵਾਇਸ ਨੂੰ ਚਾਰਜ 'ਚ ਲਗਾਉਣ ਤੋਂ ਬਾਅਦ ਡਿਵਾਇਸ ਕੰਮ ਤਾਂ ਕਰ ਰਹੀ ਹੈ ਪਰ ਯੂਜ਼ਰ ਨੂੰ ਇਸ ਤੋਂ ਕਾਫ਼ੀ ਪਰੇਸ਼ਾਨੀ ਹੋ ਰਹੀ ਹੈ | ਉਥੇ ਹੀ ਕੈਮਰਾ ਫਰੀਜਿੰਗ ਵੀ ਦੇਖਣ ਨੂੰ ਮਿਲ ਰਿਹਾ ਹੈ | 

ਵਨਪਲਸ 6 ਤੋਂ ਇਲਾਵਾ ਵਨਪਲਸ 3 ਅਤੇ ਵਨਪਲਸ 3 ਟੀ 'ਚ ਵੀ ਬੈਟਰੀ ਨੂੰ ਲੈ ਕੇ ਸਮੱਸਿਆ ਵੇਖੀ ਗਈ | ਜਿੱਥੇ ਫੋਨ 15 ਫੀਸਦੀ ਦੀ ਬੈਟਰੀ ਹੋਣ ਤੋਂ ਬਾਵਜੂਦ ਹੀ ਆਪਣੇ ਆਪ ਬੰਦ ਹੋ ਜਾ ਰਿਹਾ ਹੈ | ਦੱਸ ਦਈਏ ਵਨਪਲਸ ਨੇ ਅਜੇ ਤੱਕ ਇਸ ਮਾਮਲੇ 'ਤੇ ਕੋਈ ਕੱਦਮ ਨਹੀਂ ਚੁੱਕਿਆ ਹੈ | ਪਰ ਆਉਣ ਵਾਲੇ ਸਮੇਂ 'ਚ ਇਹ ਕਿਹਾ ਜਾ ਰਿਹਾ ਹੈ ਕਿ ਕੰਪਨੀ ਬੈਟਰੀ ਨੂੰ ਲੈ ਕੇ ਕੋਈ ਐਕਸ਼ਨ ਲੈ ਸਕਦੀ ਹੈ |