ਵਨਪਲਸ 6 ਦੀ ਲਾਂਚਿੰਗ ਡੇਟ ਨੂੰ ਲੈ ਕੇ ਹੋਇਆ ਵੱਡਾ ਖੁਲਾਸਾ

ਜਲੰਧਰ- ਜਿਵੇਂ ਕਿ‌ ਅਸੀਂ ਸਭ ਪਿਛਲੇ ਕਾਫੀ ਸਮੇਂ ਤੋਂ ਜਾਣਦੇ ਹਾਂ ਕਿ ਵਨਪਲਸ ਆਪਣੇ ਅਗਲੇ ਫਲੈਗਸ਼ਿਪ ਸਮਾਰਟਫੋਨ ਵਨਪਲਸ 6 ਨੂੰ ਲਾਂਚ ਕਰਣ ਦੀਆਂ ਤਿਆਰੀਆਂ 'ਚ ਜੁਟੀ ਹੈ ਅਤੇ ਹਰ ਇਕ ਨੂੰ ਇਸ ਸਮਾਰਟਫੋਨ ਦੇ ਲਾਂਚ ਹੋਣ ਦਾ ਇੰਤਜ਼ਾਰ ਹੈ। ਮਗਰ ਹੁਣ ਤੱਕ ਇਸ ਦੀ ਲਾਂਚ ਡੇਟ ਨੂੰ ਲੈ ਕੇ ਕਈ ਅਟਕਲਾਂ ਲਗਾਈਆਂ ਜਾ ਰਹੀਆਂ ਹਨ ਕਿ ਇਹ ਸਮਾਰਟਫੋਨ ਮਈ ਜਾਂ ਜੂਨ ਦੇ ਸਮੇਂ ਪੇਸ਼ ਕੀਤਾ ਜਾ ਸਕਦੈ ਹੈ। ਮਗਰ ਹਾਲ ਹੀ 'ਚ ਇਕ ਰਿਪੋਰਟ ਮੁਤਾਬਕ ਕਿਹਾ ਜਾ ਰਿਹਾ ਹੈ ਕਿ ਵਨਪਲਸ ਆਪਣੇ ਅਗਲੇ ਸਮਾਰਟਫੋਨ ਨੂੰ ਭਾਰਤ 'ਚ ਅਗਲੇ ਮਹੀਨੇ ਲਾਂਚ ਕਰਣ ਵਾਲੀ ਹੈ।

ਮਨੀਕੰਟਰੋਲ ਦੀ ਰਿਪੋਰਟ ਮੁਤਾਬਕ ਵਨਪਲਸ 6 ਭਾਰਤ 'ਚ ਅਗਲੇ ਮਹੀਨੇ 18 ਮਈ ਨੂੰ ਪੇਸ਼ ਕੀਤਾ ਜਾਵੇਗਾ। ਜਿਸ ਦੇ ਨਾਲ ਹੀ ਰਿਪੋਰਟ 'ਚ ਇਹ ਵੀ ਜਾਣਕਾਰੀ ਦਿੱਤੀ ਗਈ ਹੈ ਕਿ ਵਨਪਲਸ 6 ਭਾਰਤ 'ਚ 39,999 ਰੁਪਏ ਦੀ ਸ਼ੁਰੂਆਤੀ ਕੀਮਤ ਦੇ ਨਾਲ ਹੋਵੇਗਾ। ਜਿਸ ਦਾ ਸਿੱਧਾ ਮਤਲਬ ਹੈ ਕਿ ਵਨਪਲਸ ਦਾ ਟਾਪ-ਐਂਡ ਵੇਰੀਐਂਟ 40,000 ਰੁਪਏ ਤੋਂ ਜ਼ਿਆਦਾ ਦੀ ਕੀਮਤ ਦੇ ਨਾਲ ਹੋਵੇਗਾ।

ਮਗਰ ਇਕ ਵੈੱਬਸਾਈਟ ਦੀ ਰਿਪੋਰਟ ਮੁਤਾਬਕ ਵਨਪਲਸ ਭਾਰਤ 'ਚ 18 ਮਈ ਨੂੰ ਲਾਂਚ ਨਹੀਂ ਕਰਣ ਵਾਲੀ ਹੈ। ਜਾਣਕਾਰੀ ਮੁਤਾਬਕ ਚੀਨ ਅਤੇ ਭਾਰਤ ਦੇ ਲਾਂਚ 'ਚ ਫਰਕ ਹੋਵੇਗਾ, ਮਤਲਬ ਇਹ ਇਕ ਦਿਨ ਲਾਂਚ ਨਹੀਂ ਕੀਤੇ ਜਾਣਗੇ। ਇਨ੍ਹਾਂ ਦੋਨਾਂ ਥਾਵਾਂ ਦੇ ਲਾਂਚ 'ਚ ਘੱਟ ਤੋਂ ਘੱਟ ਇਕ ਦਿਨ ਦਾ ਫਰਕ ਤਾਂ ਹੋਵੇਗਾ ਹੀ।