Honda ਨੇ BS-IV ਇੰਜਣ ਦੇ ਨਾਲ ਪੇਸ਼ ਕੀਤੀ ਨਵੀਂ Activa 4G

ਜਲੰਧਰ : ਜਾਪਾਨ ਦੀ ਵਾਹਨ ਨਿਰਮਾਤਾ ਕੰਪਨੀ ਹੌਂਡਾ ਨੇ BS - IV ਇੰਜਣ ਦੇ ਨਾਲ ਨਵੀਂ Activa 4G ਨੂੰ ਭਾਰਤ ''ਚ ਲਾਂਚ ਕਰ ਦਿੱਤਾ ਹੈ। ਇਸ ਆਟੋਮੈਟਿਕ ਸਕੂਟਰ ਨੂੰ ਕੰਪਨੀ ਨੇ ਭਾਰਤ ਸਟੇਜ 4 ਐਮਿਸ਼ਨ ਕੰੰਪਲਾਇੰਟ ਦੇ ਤਹਿਤ ਪੇਸ਼ ਕੀਤਾ ਹੈ ਇਸ ਤੋਂ ਇਲਾਵਾ ਇਸ ''ਚ ਨਵਾਂ ਆਟੋਮੈਟਿਕ ਹੈੱਡਲੈਂਪ ਆਨ (AHO) ਫੀਚਰ ਵੀ ਦਿੱਤਾ ਗਿਆ ਹੈ। ਕੰਪਨੀ ਨੇ ਇਸ ਸਕੂਟਰ ਦੀ ਕੀਮਤ 50,730 ਰੁਪਏ (ਐਕਸ ਸ਼ੋਰੂਮ ਦਿੱਲੀ) ਰੱਖੀ ਹੈ। ਇਸ ਨੂੰ ਦੋ ਕਲਰ ਆਪਸ਼ਨਸ ਮੈਟ ਸੀਲੀਨ ਸਿਲਵਰ ਮਟੈਲਿਕ ਅਤੇ ਮੈਟ ਐਕਸਿਸ ਗਰੇ ਮਟੈਲਿਕ ''ਚ ਵਿਕਰੀ ਲਈ ਉਪਲੱਬਧ ਕੀਤਾ ਜਾਵੇਗਾ।

ਇਹ ਨਵੇਂ ਖਾਸ ਫੀਚਰਸ-

ਨਵੀਂ Activa 4G ''ਚ ਨਵਾਂ ਰੀ-ਡਿਜ਼ਾਇਨ ਫ੍ਰੰਟ ਸੈਂਟਰ ਕਵਰ ਅਤੇ ਮੋਬਾਇਲ ਚਾਰਜਿੰਗ ਪੋਰਟ ਦਿੱਤਾ ਗਿਆ ਹੈ। ਇਸ ਸਕੂਟਰ ''ਚ ਹੌਂਡਾ ਕਾਂਬੀ ਬ੍ਰੇਕ ਸਿਸਟਮ (ABS) ਮੌਜੂਦ ਹੈ ਜੋ ਰਿਅਰ ਬਰੇਕ ਲਗਾਉਣ ''ਤੇ ਦੋਨ੍ਹੋਂ ਟਾਇਰਾਂ ''ਤੇ ਬਰਾਬਰ ਦਾ ਦਬਾਅ ਬਣਾਵੇਗਾ ਜਿਸਦੇ ਨਾਲ ਜ਼ਿਆਦਾ ਸਪੀਡ ''ਤੇ ਵੀ ਸੇਫਲੀ ਸਕੂਟਰ ਨੂੰ ਰੋਕਿਆ ਜਾ ਸਕੇਗਾ। ਇਸ ਤੋਂ ਇਲਾਵਾ ਇਸ ''ਚ ਮੌਜੂਦਾ ਮਾਡਲ ਵਾਲੇ ਫੀਚਰਸ ਜਿਹੇ ਟਿਊਬਲੈੱਸ ਟਾਈਰਸ ਅਤੇ ਸੀਟ ਸਟੋਰੇਜ਼ ਸਪੇਸ ਆਦਿ ਵੀ ਮੌਜੂਦ ਹਨ।

ਇੰਜਣ-
Activa 4G ''ਚ 109 ਸੀ.ਸੀ ਦਾ ਈ. ਨੂੰ ਟੈਕਨਾਲੋਜੀ ਨਾਲ ਲੈਸ BS-IV ਇੰਜਣ ਲਗਾ ਹੈ ਜੋ 8 ਬੀ. ਐੱਚ. ਪੀ ਦੀ ਪਾਵਰ ਅਤੇ 9 ਐੱਨ. ਏਮ ਦਾ ਟਾਰਕ ਪੈਦਾ ਕਰਦਾ ਹੈ।

ਲਾਂਚ ਈਵੈਂਟ-
ਹੌਂਡਾ ਇੰਡੀਆ ਦੇ ਸੀਨੀਅਰ ਵਾਇਸ ਪ੍ਰੈਜ਼ੀਡੈਂਟ ਯੂਧ ਵਿੰਦਰ ਸਿੰਘ  ਗੁਲੇਰਿਆ ਨੇ ਕਿਹਾ ਹੈ ਕਿ 1.5 ਕਰੋੜ ਪਰਿਵਾਰਾਂ ਨੇ ਸਾਡੇ ਤੇ ਭਰੋਸਾ ਕੀਤਾ ਹੈ। ਨਾਲ ਹੀ ਕਿਹਾ ਗਿਆ ਕਿ ਐਕਟਿਵਾ ਪਹਿਲਾ ਆਟੋਮੈਟਿਕ ਸਕੂਟਰ ਹੈ ਜਿਸ ਨੂੰ ਵਰਲਡ ਨੰਬਰ 1 ਟੂ-ਵ੍ਹੀਲਰ 2016 ਦਾ ਦਰਜਾ ਪ੍ਰਾਪਤ ਹੈ।  ਉਂਮੀਦ ਕੀਤੀ ਜਾ ਰਹੀ ਹੈ ਕਿ ਬਿਹਤਰੀਨ ਇੰਜਣ ਅਤੇ ਨਵੇਂ ਫੀਚਰਸ ਦੇ ਨਾਲ ਲੋਕਾਂ ਨੂੰ ਇਹ ਪਸੰਦ ਆਵੇਗਾ।