Instagram ਯੂਜ਼ਰਸ ਦੀ ਗਿਣਤੀ ਹੋਈ 70 ਕਰੋੜ, ਚਾਰ ਮਹੀਨਿਆਂ ''ਚ ਵਧੇ 10 ਕਰੋੜ ਯੂਜ਼ਰਸ

ਜਲੰਧਰ- ਫੇਸਬੁੱਕ ਦੀ ਮਲਕੀਅਤ ਵਾਲੀ ਫੋਟੋ ਸ਼ੇਅਰਿੰਗ ਐਪ ਇੰਸਟਾਗ੍ਰਾਮ ਨੇ ਬੁੱਧਵਾਰ ਨੂੰ ਇਹ ਜਾਣਕਾਰੀ ਦਿੱਤੀ ਕਿ ਹੁਣ ਉਨ੍ਹਾਂ ਦੇ ਯੂਜ਼ਰਸ ਦੀ ਗਿਣਤੀ 70 ਕਰੋੜ ਹੋ ਗਈ ਹੈ। ਕੰਪਨੀ ਨੇ ਦੱਸਿਆ ਕਿ ਉਨ੍ਹਾਂ ਦੇ 10 ਕਰੋੜ ਯੂਜ਼ਰਸ ਸਿਰਫ 4 ਮਹੀਨੇ ''ਚ ਹੀ ਵਧ ਗਏ ਹਨ। ਕੰਪਨੀ ਨੇ ਇਕ ਬਲਾਗ ਪੋਸਟ ''ਚ ਲਿਖਿਆ ਹੈ ਕਿ ਅਸੀਂ ਇਹ ਦੱਸਦੇ ਹੋਏ ਕਾਫੀ ਉਤਸ਼ਾਹਿਤ ਹਾਂ ਕਿ ਅਸੀਂ 70 ਕਰੋੜ ਤੱਕ ਇੰਸਟਾਗ੍ਰਾਮ ਯੂਜ਼ਰਸ ਨੂੰ ਆਪਣੇ ਨਾਲ ਜੋੜਿਆ ਹੈ ਅਤੇ 10 ਕਰੋੜ ਯੂਜ਼ਰਸ ਹੁਣ ਤੱਕ ਸਭ ਤੋਂ ਤੇਜ਼ੀ ਨਾਲ ਜੁੜੇ ਹਨ। 

ਫੋਟੋ ਸ਼ੇਅਰਿੰਗ ਸੇਵਾ ਦੇਣ ਵਾਲੀ ਇੰਸਟਾਗ੍ਰਾਮ ''ਚ ਪਿਛਲੇ ਸਾਲ ਦਸੰਬਰ ''ਚ 60 ਕਰੋੜ ਯੂਜ਼ਰਸ ਸਨ ਅਤੇ ਸਿਰਫ 4 ਮਹੀਨਿਆਂ ''ਚ ਹੀ ਕੰਪਨੀ ਨੇ 10 ਕਰੋੜ ਨਵੇਂ ਯੂਜ਼ਰਸ ਜੋੜ ਲਏ। ਟੈੱਕਕਰੰਚ ਦੀ ਰਿਪੋਰਟ ਮੁਤਾਬਕ ਕੰਪਨੀ ਦੇ ਪਿਛਲੇ ਜੂਨ ''ਚ 50 ਕਰੋੜ ਯੂਜ਼ਰਸ ਸਨ ਅਤੇ ਕੰਪਨੀ ਨੇ ਕਰੀਬ 6 ਮਹੀਨਿਆਂ ''ਚ ਹੀ 10 ਕਰੋੜ ਯੂਜ਼ਰਸ ਵਧਾ ਲਏ ਸਨ। ਕੰਪਨੀ ਦਾ ਮੰਨਣਾ ਹੈ ਕਿ ਇੰਨੇ ਘੱਟ ਸਮੇਂ ''ਚ ਇਸ ਮਾਈਲ ਸਟੋਨ ਦਾ ਪਾਉਣ ''ਚ ਲਾਈਵ ਵੀਡੀਓ, ਇੰਸਟਾਗ੍ਰਾਮ ਕਮਿਊਨਿਟੀ ''ਚ ਸ਼ਾਲ ਹੋਣਾ ਕਾਫੀ ਆਸਾਨ ਕਰ ਦਿੱਤਾ ਹੈ, ਨਾਲ ਹੀ ਲੋਕ ਹੁਣ ਇੰਸਟਾਗ੍ਰਾਮ ਦੇ ਨਵੇਂ ਫੀਚਰਜ਼ ਰਾਹੀਂ ਆਪਣੇ ਆਪ ਨੂੰ ਜ਼ਿਆਦਾ ਬਿਹਤਰ ਤਰੀਕੇ ਨਾਲ ਐਕਸਪ੍ਰੈੱਸ ਕਰ ਸਕਦੇ ਹਨ। ਜ਼ਿਕਰਯੋਗ ਹੈ ਕਿ ਇੰਸਟਾਗ੍ਰਾਮ ਨੇ 2013 ''ਚ ਹੀ 10 ਕਰੋੜ ਗਾਹਕਾਂ ਦਾ ਪਤਾ ਲਗਾ ਲਿਆ ਸੀ। ਉਸ ਤੋਂ ਬਾਅਦ ਕੰਪਨੀ ਦੇ 20 ਕਰੋੜ ਯੂਜ਼ਰ 2014 ''ਚ ਪਹੁੰਚ ਗਏ ਸਨ, ਨਾਲ ਹੀ 2015 ਤੱਕ ਕੰਪਨੀ ਦੇ 40 ਕਰੋੜ ਯੂਜ਼ਰਸ ਹੋ ਗਏ ਸਨ।