ਐਪਲ ਦੇ ਇਸ ਆਈਫੋਨ ''ਚ ਹੋਵੇਗੀ ਵਾਇਰਲੈੱਸ ਚਾਰਜਿੰਗ ਅਤੇ ਬਿਹਤਰ ਵਾਟਰ ਪਰੂਫਿੰਗ

ਜਲੰਧਰ- ਐਪਲ ਵੱਲੋਂ ਇਸ ਸਾਲ ਲਾਂਚ ਹੋਣ ਵਾਲੇ ਆਈਫੋਨ ਨੂੰ ਲੈ ਕੇ ਹੁਣ ਤੱਕ ਕਈ ਜਾਣਕਾਰੀਆਂ ਅਤੇ ਲੀਕ ਖਬਰਾਂ ਸਾਹਮਣੇ ਆਈਆਂ ਹਨ। ਇਸ ਸਾਲ ਇਕੱਠੇ ਤਿੰਨ ਨਵੇਂ ਆਈਫੋਨਜ਼ ਮਾਡਲ ਨੂੰ ਬਾਜ਼ਾਰ 'ਚ ਉਤਾਰਨ ਦੀ ਤਿਆਰੀ 'ਚ ਹੈ। ਇਨ੍ਹਾਂ 'ਚ ਦੋ ਆਈਫੋਨ7 ਅਤੇ ਆਈਫੋਨ7 ਪਲੱਸ ਦੇ ਅਪਡੇਟ ਵਰਜਨ ਹੋਣਗੇ, ਜਦਕਿ ਇਕ ਨਵਾਂ ਮਾਡਲ ਆਈਫੋਨ 8 ਹੋਵੇਗਾ। ਤਿੰਨੋਂ ਹੀ ਡਿਵਾਈਸਿਸ ਦੇ ਬਾਰੇ 'ਚ ਕਈ ਜਾਣਕਾਰੀਆਂ ਸਾਹਮਣੇ ਆ ਚੁੱਕੀਆਂ ਹਨ। ਆਈਫੋਨ 7ਐੱਸ ਪਲੱਸ 'ਚ ਕੰਪਨੀ ਕਈ ਨਵੇਂ ਫੀਚਰਸ ਦਾ ਇਸਤੇਮਾਲ ਕਰ ਸਕਦੀ ਹੈ। ਹੁਣ ਸਾਹਮਣੇ ਆਈ ਇਕ ਨਵੀਂ ਰਿਪੋਰਟ 'ਚ ਇਹ ਸਪੱਸ਼ਟ ਕੀਤਾ ਗਿਆ ਹੈ ਕਿ ਆਈਫੋਨ 7ਐੱਸ ਪਲੱਸ 'ਚ ਨਵੇਂ ਫੀਚਰਸ ਦੇ ਤੌਰ 'ਤੇ ਵਾਇਰਲੈੱਸ ਚਾਰਜਿੰਗ ਸਪੋਰਟ ਅਤੇ ਵਾਟਰਪਰੂਫ ਸਮਰੱਥਾ ਹੋਵੇਗੀ। 
ਇਕ ਰਿਪੋਰਟ ਦੇ ਮੁਤਾਬਕ ਐਪਲ ਦੇ ਪਾਰਟਨਰ ਕੰਪਨੀ Wistron ਦੇ ਸੀ. ਈ. ਓ. Robert Hwang ਨੇ ਕੰਪਨੀ ਦਾ ਸਾਲਾਨਾ ਸ਼ੇਅਰਹੋਲਡਰ ਮੀਟਿੰਗ ਤੋਂ ਬਾਅਦ ਕੁਝ ਜਾਣਕਾਰੀ ਜਾਰੀ ਕੀਤੀ। ਜਿਸ 'ਚ ਕਿਹਾ ਗਿਆ ਹੈ ਕਿ ਇਸ ਬਦਲਾਅ 'ਚ ਡਿਵਾਈਸ ਲਈ ਨਵੀਂ ਟੈਸਟਿੰਗ ਵਿਧੀ ਦੀ ਜ਼ਰੂਰਤ ਹੋਵੇਗੀ ਅਤੇ ਨਵੇਂ ਵਾਟਰਪਰੂਫ ਫੀਚਰ ਉਪਯੋਗ ਆਈਫੋਨ 7ਐੱਸ ਪਲੱਸ 'ਚ ਹੋਵੇਗਾ। ਐਪਲ ਦੇ 5.5 ਇੰਚ ਦੇ ਆਈਫੋਨ ਪਲੱਸ ਮਾਡਲ ਦੇ ਨਿਰਮਾਣ 'ਚ ਵਰਤਮਾਨ ਫਲੈਗਸ਼ਿਪ ਆਈਫੋਨ 7 ਪਲੱਸ ਵੀ ਸ਼ਆਮਿਲ ਹੈ।
ਇਸ ਸਾਲ ਐਪਲ ਤਿੰਨ ਨਵੇਂ ਆਈਫੋਨ ਮਾਡਲ ਬਾਜ਼ਾਰ 'ਚ ਉਤਾਰਨ ਦੀ ਤਿਆਰੀ 'ਚ ਹੈ। ਜਿਨ੍ਹਾਂ 'ਚ ਆਈਫੋਨ 8 ਨਾਲ ਆਈਫੋਨ 7 ਦੇ ਸੀਰੀਜ਼ ਦੇ ਦੋ ਨਵੇਂ ਮਾਡਲ ਆਈਫੋਨ 7ਐੱਸ ਅਤੇ 7ਐੱਸ ਪਲੱਸ ਸ਼ਾਮਿਲ ਹੈ। ਨਵੇਂ ਆਈਫੋਨ 8 ਦਾ ਡਿਜ਼ਾਈਨ ਪਿਛਲੇ ਸਾਰੇ ਮਾਡਲ ਤੋਂ ਵੱਖ ਹੋਵੇਗਾ। ਇਸ ਨਾਲ ਹੀ ਇਹ ਨਵੇਂ ਫੀਚਰਸ ਨਾਲ ਲੈਸ ਹੈ ਹੋਵੇਗਾ। ਇਸ 'ਚ ਕਵਰਡ OLED ਦਾ ਉਪਯੋਗ ਕੀਤਾ ਜਾਵੇਗਾ। ਇਸ 'ਚ ਵੀ ਵਾਟਰ ਪਰੂਫਿੰਗ ਸਮਰੱਥਾ ਹੋਵੇਗੀ। ਐਪਲ ਆਈਫੋਨ8, ਆਈਫੋਨ7 ਐੱਸ ਪਲੱਸ ਤਿੰਨ੍ਹੋਂ ਹੀ ਡਿਵਾਈਸ 'ਚ ਵਾਇਰਲੈੱਸ ਚਾਰਜਿੰਗ ਫੀਚਰ ਹੋਵੇਗਾ। ਸਾਲ 2017 'ਚ ਲਾਂਚ ਹੋਣ ਵਾਲੇ ਤਿੰਨੋਂ ਆਈਫੋਨ 'ਚ ਲਾਈਟਨਿੰਗ ਪੋਰਟ ਤੋਂ ਪ੍ਰਭਾਵਿਤ ਕਵਿੱਕ ਯੂ. ਐੱਸ. ਬੀ. 3.0 ਚਾਰਜਿੰਗ ਫੀਚਰ ਹੋਵੇਗਾ।
ਆਈਫੋਨ 7 ਲਾਈਨਅੱਪ 'ਚ ਪਹਿਲਾਂ ਤੋਂ ਹੀ IP67 ਰੈਟਿੰਗ ਨਾਲ ਪਾਣੀ ਪ੍ਰਤੀਰੋਧੀ ਹੈ। ਇਸ ਦਾ ਅਰਥ ਹੈ ਕਿ ਇਸ ਨੂੰ 30 ਮਿੰਟ ਲਈ ਇਕ ਮੀਟਰ (3.3 ਫੁੱਟ ਤੋਂ ਘੱਟ) 'ਚ ਪਾਣੀ 'ਚ ਡੋਬਿਆ ਜਾ ਸਕਦਾ ਹੈ। ਖਬਰਾਂ ਦੇ ਮੁਤਾਬਕ ਆਈਫੋਨ8 'ਚ IP68 ਫੀਚਰ ਹੋਵੇਗਾ, ਜੋ ਕਿ ਇਸ ਨੂੰ ਪਾਣੀ ਅਤੇ ਧੂਲ ਮਿੱਟੀ ਅਵਰੋਧਕ ਬਣਾਉਂਦਾ ਹੈ। ਇਸ ਫੀਚਰ ਦੇ ਹੋਣ ਨਾਲ ਡਿਵਾਈਸ ਨੂੰ 30 ਮਿੰਟ ਲਈ 1.5 ਮੀਟਰ ਜਾਂ 4.9 ਫੁੱਟ ਤੋਂ ਜ਼ਿਆਦਾ ਡੋਬਿਆ ਜਾ ਸਕਦਾ ਹੈ।