TVC ਸ਼ੂਟ ਦੇ ਦੌਰਾਨ ਭਾਰਤ ''ਚ ਦਿੱਖੀ 2017 ਹੌਂਡਾ ਸਿਟੀ ਫੇਸਲਿਫਟ

ਜਲੰਧਰ : 2017 ਹੌਂਡਾ ਸਿਟੀ ਫੇਸਲਿਫਟ ਨੂੰ ਬਹੁਤ ਛੇਤੀ ਭਾਰਤ ''ਚ ਲਾਂਚ ਕੀਤਾ ਜਾਵੇਗਾ। 2017 ਹੌਂਡਾ ਸਿਟੀ ਫੇਸਲਿਫਟ ਦੀ ਝਲਕ ਪਹਿਲੀ ਵਾਰ ਭਾਰਤ ''ਚ ਦੇਖਣ ਨੂੰ ਮਿਲੀ। ਗੁਜ਼ਰੇ ਦਿੰਨੀਂ ਇਸ ਕਾਰ ਦੀਆਂ ਕੁੱਝ ਤਸਵੀਰਾਂ ਥਾਈਲੈਂਡ ''ਚ ਲੀਕ ਹੋਈਆਂ ਸਨ ਅਤੇ ਹੁਣ ਇਸ ਕਾਰ ਦੀ ਝਲਕ ਭਾਰਤ ''ਚ ਵੀ ਦਿੱਖੀ ਹੈ। ਕਾਰ ਦੀ ਤਸਵੀਰ ਟੀ. ਵੀ ਕਮਰਸ਼ਿਅਲ ਸ਼ੂਟ ਕਰਨ ਦੇ ਦੌਰਾਨ ਲਈ ਗਈ ਹੈ।

ਅਜਿਹੀ ਹੋਵੇਗੀ ਨਵੀਂ ਲੁੱਕ

ਹੌਂਡਾ ਸਿਟੀ ਦੇ 2017 ਐਡਿਸ਼ਨ ''ਚ ਕਾਫ਼ੀ ਬਦਲਾਵ ਦੇਖਣ ਨੂੰ ਮਿਲਣਗੇ। ਕਾਰ ਦੀ ਨਵੀਂ ਲੁੱਕ ਨਵੀਂ ਸਿਵਿਕ ਤੋਂ ਕਾਫ਼ੀ ਪ੍ਰੇਰਿਤ ਹੈ। ਕਾਰ ਦੇ ਫ੍ਰੰਟ ਗਰਿਲ ''ਚ ਲੱਗੇ ਕ੍ਰੋਮ ਵਾਰ ਨੂੰ ਮੌਜਦਾ ਮਾਡਲ ਦੀ ਤੁਲਨਾ ''ਚ ਥੋੜ੍ਹਾ ਸਲਿਮ ਕੀਤਾ ਗਿਆ ਹੈ ਅਤੇ ਇਸ ਨੂੰ ਵਧਾ ਕੇ ਹੈੱਡ ਲਾਈਟ ਤੱਕ ਕੀਤਾ ਗਿਆ ਹੈ। ਹੈੱਡਲੈਂਪ ਕਲਸਟਰ ''ਚ ਵੀ ਥੋੜ੍ਹੇ ਬਦਲਾਵ ਕੀਤੇ ਗਏ ਹਨ ਅਤੇ ਹੁਣ ਇਸ ਕਾਰ ''ਚ ਐੱਲ. ਈ. ਡੀ ਡੀ. ਆਰ. ਐੱਲ ਵੀ ਲਗਾ ਹੋਵੇਗਾ। ਕਾਰ ਦੇ ਫ੍ਰੰਟ ਲੁੱਕ ਨੂੰ ਪਹਿਲਾਂ ਦੀ ਤੁਲਣਾ ''ਚ ਜ਼ਿਆਦਾ ਸ਼ਾਰਪ ਬਣਾਇਆ ਗਿਆ ਹੈ।

16-ਇੰਚ ਅਲੌਏ ਵ੍ਹੀਲ ਲਗਾਏ ਗਏ
ਕਾਰ ਦੀ ਰਿਅਰ ਨੂੰ ਵੇਖੋ ਤਾਂ ਇੱਥੇ ਵੀ ਤੁਹਾਨੂੰ ਬਦਲਾਵ ਨਜ਼ਰ  ਆਉਣਗੇ। ਹੌਂਡਾ ਸਿਟੀ ਫੇਸਲਿਫਟ ''ਚ ਐੱਲ. ਈ. ਡੀ ਇੰਸਰਟ ਦੇ ਨਾਲ ਟੇਲਲੈਂਪ ਲਗਾਇਆ ਗਿਆ ਹੈ। ਕਾਰ  ਦੇ ਰਿਅਰ ਬੰਪਰ ''ਚ ਵੀ ਬਦਲਾਵ ਕੀਤਾ ਗਿਆ ਹੈ। ਕਾਰ ਦੀ ਸਾਇਡ ਪ੍ਰੋਫਾਇਲ ''ਚ ਕੋਈ ਬਦਲਾਵ ਨਜ਼ਰ ਨਹੀਂ ਆ ਰਿਹਾ ਅਤੇ ਇਹ ਮੌਜੂਦਾ ਮਾਡਲ ਦੀ ਤਰ੍ਹਾਂ ਹੀ ਵਿੱਖ ਰਿਹਾ ਹੈ। ਇਸ ਵਾਰ ਕਾਰ ''ਚ 15ਇੰਚ ਦੇ ਅਲੌਏ ਵ੍ਹੀਲ ਦੀ ਜਗ੍ਹਾ 16-ਇੰਚ ਅਲੌਏ ਵ੍ਹੀਲ ਲਗਾਇਆ ਗਿਆ ਹੈ।

ਮਿਲਣਗੇ 6 ਏਅਰਬੈਗ
2017 ਹੌਂਡਾ ਫੇਸਲਿਫਟ ਦੇ ਇੰਟੀਰਿਅਰ ਦੇ ਬਾਰੇ ''ਚ ਅਜੇ ਤੱਕ ਕੋਈ ਖੁਲਾਸਾ ਨਹੀਂ ਹੋ ਪਾਇਆ ਹੈ। ਪਰ, ਦੱਸਿਆ ਜਾ ਰਿਹਾ ਹੈ ਕਿ ਕਾਰ ''ਚ ਅਪਡੇਟਡ ਇੰਫੋਟੇਨਮੇਂਟ ਸਿਸਟਮ (ਐਂਡ੍ਰਾਇਡ ਆਟੋ ਅਤੇ ਮੋਬਾਇਲ ਮਿਰਰਿੰਗ ਐਪ ਦੇ ਨਾਲ) ਲਗਾ ਹੋ ਸਕਦਾ ਹੈ। ਇਸ ਤੋਂ ਇਲਾਵਾ, ਕਾਰ ਦੇ ਟਾਪ ਵੇਰਿਅੰਟ ''ਚ 6 ਏਅਰਬੈਗ (ਸਟੈਂਡਰਡ ਫੀਚਰ) ਅਤੇ ਪਹਿਲਾਂ ਤੋਂ ਬਿਹਤਰ ਕੁਆਲਿਟੀ ਦਾ ਮਟੀਰਿਅਲ ਲਗਾਇਆ ਗਿਆ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਕਾਰ ਦੇ ਗਰਾਊਂਡ ਕਲਿਅਰੈਂਸ ਨੂੰ ਕਰੀਬ 10mm ਵਧਾਇਆ ਗਿਆ ਹੈ ਤਾਂ ਜੋ ਇਸ ਦੇ ਸਸਪੇਂਸ਼ਨ ਸੈੱਟਅਪ ਅਤੇ ਰਾਇਡ ਕਵਾਲਿਟੀ ਨੂੰ ਬਿਹਤਰ ਬਣਾਇਆ ਜਾ ਸਕੇ ।

ਇੰਜਣ ''ਚ ਕੋਈ ਬਦਲਾਵ ਨਹੀਂ
2017 ਹੌਂਡਾ ਸਿਟੀ ਫੇਸਲਿਫਟ ਦੇ ਇੰਜਣ ''ਚ ਕੋਈ ਬਦਲਾਵ ਨਹੀਂ ਹੈ। ਇਹ ਕਾਰ 1.5-ਲਿਟਰ i-DTEC ਪੈਟਰੋਲ ਇੰਜਣ ਅਤੇ 1.5-ਲਿਟਰ i -VTEC ਡੀਜ਼ਲ ਇੰਜਣ ਆਪਸ਼ਨ ਦੇ ਨਾਲ ਆਵੇਗੀ। ਕਾਰ ਦੇ ਪੈਟਰੋਲ ਇੰਜਣ ਨੂੰ 5-ਸਪੀਡ ਮੈਨੂਅਲ ਅਤੇ ਸੀ. ਵੀ. ਟੀ ਨਾਲ ਲੈਸ ਕੀਤਾ ਜਾਵੇਗਾ ਉਥੇ ਹੀ, ਡੀਜ਼ਲ ਇੰਜਣ ਨੂੰ 6-ਸਪੀਡ ਮੈਨੂਅਲ ਗਿਅਰਬਾਕਸ ਨਾਲ ਲੈਸ ਕੀਤਾ ਜਾਵੇਗਾ। ਦੱਸਿਆ ਜਾ ਰਿਹਾ ਕਿ ਕੰਪਨੀ ਕਾਰ ਦੇ ਪੈਟਰੋਲ ਵਰਜਨ ''ਚ ਵੀ 6-ਸਪੀਡ ਮੈਨੂਅਲ ਗਿਅਰਬਾਕਸ ਲਗਾ ਸਕਦੀ ਹੈ, ਹਾਲਾਂਕਿ ਇਸ ਦੇ ਵਾਰ ''ਚ ਅਜੇ ਤੱਕ ਕੋਈ ਪੁਸ਼ਟੀ ਨਹੀਂ ਹੋਈ ਹੈ।