ਟੀ. ਵੀ. ਅਦਾਕਾਰਾ ’ਤੇ ਚਾਕੂ ਨਾਲ ਜਾਨਲੇਵਾ ਹਮਲਾ, ਇਕ ਤਰਫਾ ਪਿਆਰ ਦਾ ਮਾਮਲਾ ਆਇਆ ਸਾਹਮਣੇ
10/27/2020 2:43:13 PM
ਜਲੰਧਰ (ਬਿਊਰੋ)– ਅਦਾਕਾਰਾ ਮਾਲਵੀ ਮਲਹੋਤਰਾ ’ਤੇ ਚਾਕੂ ਨਾਲ ਜਾਨਲੇਵਾ ਹਮਲਾ ਹੋਇਆ ਹੈ, ਜਿਸ ਕਾਰਨ ਉਹ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਈ ਹੈ। ਮਾਲਵੀ ਦਾ ਇਲਾਜ ਮੁੰਬਈ ਦੇ ਕੋਕੀਲਾਬੇਨ ਹਸਪਤਾਲ ’ਚ ਜਾਰੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਅਦਾਕਾਰਾ ਇਕ ਤਰਫਾ ਪਿਆਰ ਦਾ ਸ਼ਿਕਾਰ ਹੋਈ ਹੈ, ਜਿਸ ਦੇ ਚਲਦਿਆਂ ਦੋਸ਼ੀ ਨੇ ਮਾਲਵੀ ’ਤੇ ਚਾਕੂ ਨਾਲ ਕਈ ਵਾਰ ਕੀਤੇ ਤੇ ਫਰਾਰ ਹੋ ਗਿਆ। ਉਥੇ ਪੁਲਸ ਨੇ ਵੀ ਕੇਸ ਦਰਜ ਕਰਕੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ।
View this post on InstagramRed desert and this red outfit ... ❤️❤️ @sanaakhanfashion @sanaa_fashionzone07 #desert #dubai #uae #fashion #instagood #arabic #arabfashion #beyou #malvimalhotra #lovedesigner #instylemagazine #fashionista #fashionaddict ❤️
A post shared by Malvi Malhotra (@malvimalhotra) on Oct 24, 2020 at 6:52am PDT
ਖਬਰਾਂ ਮੁਤਾਬਕ ਕਥਿਤ ਪ੍ਰੋਡਿਊਸਰ ਯੋਗੇਸ਼ ਮਹੀਪਾਲ ਸਿੰਘ ਨੇ ਮਾਲਵੀ ’ਤੇ ਚਾਕੂ ਨਾਲ ਹਮਲਾ ਕੀਤਾ ਹੈ ਤੇ ਇਸ ਦੀ ਵਜ੍ਹਾ ਇਕ ਤਰਫਾ ਪਿਆਰ ਦੱਸੀ ਜਾ ਰਹੀ ਹੈ। ਵਰਸੋਵਾ ਪੁਲਸ ਮੁਤਾਬਕ ਯੋਗੇਸ਼ ਨੇ ਅਦਾਕਾਰਾ ’ਤੇ ਚਾਰ ਵਾਰ ਚਾਕੂ ਨਾਲ ਹਮਲਾ ਕੀਤਾ ਹੈ। ਚਾਕੂ ਦੇ ਹਮਲੇ ਨਾਲ ਮਾਲਵੀ ਗੰਭੀਰ ਰੂਪ ਨਾਲ ਜ਼ਖਮੀ ਹੋ ਗਈ ਹੈ ਤੇ ਉਸ ਦਾ ਇਲਾਜ ਜਾਰੀ ਹੈ। ਹਾਲਾਂਕਿ ਹਸਪਤਾਲ ਦੇ ਸੂਤਰਾਂ ਮੁਤਾਬਕ ਮਾਲਵੀ ਫਿਲਹਾਲ ਖਤਰੇ ਤੋਂ ਬਾਹਰ ਹੈ।
ਮਾਲਵੀ ਦੀ ਸ਼ਿਕਾਇਤ ਮੁਤਾਬਕ ਦੋਸ਼ੀ ਯੋਗੇਸ਼ ਨਾਲ ਉਸ ਦੀ ਮੁਲਾਕਾਤ ਫੇਸਬੁੱਕ ਰਾਹੀਂ ਹੋਈ। ਫੇਸਬੁੱਕ ’ਤੇ ਜਾਣ-ਪਛਾਣ ਤੋਂ ਬਾਅਦ ਮਾਲਵੀ ਯੋਗੇਸ਼ ਨਾਲ ਕੰਮ ਨੂੰ ਲੈ ਕੇ ਇਕ ਵਾਰ ਕੈਫੇ ਹਾਊਸ ’ਚ ਵੀ ਮਿਲੀ ਸੀ। ਉਥੇ ਜਦੋਂ ਸੋਮਵਾਰ ਨੂੰ ਮਾਲਵੀ ਆਪਣੇ ਘਰੋਂ ਨਿਕਲੀ ਤਾਂ ਯੋਗੇਸ਼ ਉਸ ਦੇ ਘਰ ਦੇ ਬਾਹਰ ਗੱਡੀ ਕੋਲ ਖੜ੍ਹਾ ਹੋ ਗਿਆ ਤੇ ਅਦਾਕਾਰਾ ਨੂੰ ਰੋਕਣ ਲੱਗਾ। ਜਦੋਂ ਮਾਲਵੀ ਨੇ ਉਸ ਦਾ ਵਿਰੋਧ ਕੀਤਾ ਤਾਂ ਯੋਗੇਸ਼ ਨੇ ਚਾਕੂ ਨਾਲ ਅਦਾਕਾਰਾ ’ਤੇ ਕਈ ਵਾਰ ਕੀਤੇ ਤੇ ਮੌਕੇ ਤੋਂ ਫਰਾਰ ਹੋ ਗਿਆ।
View this post on InstagramArabic magical zone .. feeling awesome shooting in Arabian deserts ... Designer kaftan and look created by fabulous designer @sanaakhanfashion @sanaa_fashionzone07 #desertlife #dubai #uae #instagood #arabfashionweek #abayafashion #abayafashiontrends #funshooting #kaftan #malvimalhotra #beyou ❤️❤️
A post shared by Malvi Malhotra (@malvimalhotra) on Oct 22, 2020 at 2:08am PDT
ਮਾਲਵੀ ਦੀ ਸ਼ਿਕਾਇਤ ’ਤੇ ਪੁਲਸ ਨੇ ਯੋਗੇਸ਼ ਖਿਲਾਫ ਕਤਲ ਦੀ ਕੋਸ਼ਿਸ਼ ਦਾ ਮਾਮਲਾ ਦਰਜ ਕਰ ਲਿਆ ਹੈ ਤੇ ਜਾਂਚ ਸ਼ੁਰੂ ਕਰ ਦਿੱਤੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ ਪੁਲਸ ਨੂੰ ਘਟਨਾ ਸਥਾਨ ’ਤੇ ਲੱਗੇ ਸੀ. ਸੀ. ਟੀ. ਵੀ. ਕੈਮਰਿਆਂ ’ਚੋਂ ਕੁਝ ਅਹਿਮ ਸੁਰਾਗ ਵੀ ਮਿਲੇ ਹਨ ਤੇ ਛੇਤੀ ਹੀ ਇਸ ਕੇਸ ’ਚ ਵੱਡਾ ਐਕਸ਼ਨ ਲਿਆ ਜਾਵੇਗਾ ਤੇ ਕਾਰਵਾਈ ਅੱਗੇ ਵਧਾਈ ਜਾਵੇਗੀ।
ਦੱਸਣਯੋਗ ਹੈ ਕਿ ਅਦਾਕਾਰਾ ਮਾਲਵੀ ਮਲਹੋਤਰਾ ਹਿਮਾਚਲ ਪ੍ਰਦੇਸ਼ ਦੀ ਰਹਿਣ ਵਾਲੀ ਹੈ। ਮਾਲਵੀ ਨੇ ਛੋਟੇ ਪਰਦੇ ਨਾਲ ਹੀ ਤਾਮਿਲ ਤੇ ਤੇਲਗੂ ਫਿਲਮਾਂ ’ਚ ਵੀ ਕੰਮ ਕੀਤਾ ਹੈ। ਮਾਲਵੀ ਤੇਲਗੂ ਫਿਲਮ ‘ਕੁਮਾਰੀ 21 ਐੱਫ’, ਤਾਮਿਲ ਫਿਲਮ ‘ਨਦਿੱਕੂ ਏਂਡੀ’ ਤੇ ਟੀ. ਵੀ. ਸ਼ੋਅ ‘ਉਡਾਨ’ ’ਚ ਕੰਮ ਕਰ ਚੁੱਕੀ ਹੈ। ਇਸ ਦੇ ਨਾਲ ਹੀ ਮਾਲਵੀ ਨੇ ਬਾਲੀਵੁੱਡ ਫਿਲਮ ‘ਹੋਟਲ ਮਿਲਨ’ ’ਚ ਵੀ ਅਭਿਨੈ ਕੀਤਾ ਹੈ। ਫਿਲਮਾਂ ਤੇ ਟੀ. ਵੀ. ਸ਼ੋਅਜ਼ ਤੋਂ ਇਲਾਵਾ ਮਾਲਵੀ ਕਈ ਇਸ਼ਤਿਹਾਰਾਂ ’ਚ ਵੀ ਨਜ਼ਰ ਆ ਚੁੱਕੀ ਹੈ।