ਅਭਿਸ਼ੇਕ ਨੂੰ ਮੁੜ ਘਰ ’ਚ ਲਿਆਏ ਸਲਮਾਨ ਖ਼ਾਨ, ਅੰਕਿਤਾ ਤੇ ਸਮਰਥ ਦੀ ਲਾਈ ਰੱਜ ਕੇ ਕਲਾਸ
01/07/2024 3:58:29 PM
ਮੁੰਬਈ (ਬਿਊਰੋ)– ‘ਬਿੱਗ ਬੌਸ 17’ ਦੇ ਅੱਜ ਦੇ ਐਪੀਸੋਡ ’ਚ ਬਹੁਤ ਵਧੀਆ ਸਮੱਗਰੀ ਦੇਖਣ ਨੂੰ ਮਿਲੀ। ਪਹਿਲਾਂ ‘ਬਿੱਗ ਬੌਸ’ ਨੇ ਅੰਕਿਤਾ ਨੂੰ ਪੁੱਛਿਆ ਕਿ ਕੀ ਉਹ ਅਭਿਸ਼ੇਕ ਨੂੰ ਰੱਖਣਾ ਚਾਹੁੰਦੀ ਹੈ ਜਾਂ ਨਹੀਂ ਤਾਂ ਉਸ ਨੇ ਇਸ ’ਤੇ ਉਸ ਨੂੰ ਬਾਹਰ ਕਰ ਦਿੱਤਾ। ਇਸ ਤੋਂ ਬਾਅਦ ਸਲਮਾਨ ਖ਼ਾਨ ‘ਵੀਕੈਂਡ ਕਾ ਵਾਰ’ ’ਤੇ ਆਏ ਤੇ ਈਸ਼ਾ, ਸਮਰਥ ਤੇ ਅੰਕਿਤਾ ਨੂੰ ਕਾਫੀ ਝਿੜਕਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਅਭਿਸ਼ੇਕ ਦੇ ਘਰ ਵਾਪਸ ਆਉਣ ਦਾ ਇਸ਼ਾਰਾ ਵੀ ਕੀਤਾ।
ਇਹ ਖ਼ਬਰ ਵੀ ਪੜ੍ਹੋ : ਬੀ ਪਰਾਕ ਦੇ ਸ਼ੋਅ ’ਚ ਬੇਕਾਬੂ ਹੋਈ ਭੀੜ, ਲੋਕਾਂ ਨੇ ਤੋੜੀਆਂ ਕੁਰਸੀਆਂ ਤੇ ਪ੍ਰਾਪਰਟੀ ਨੂੰ ਪਹੁੰਚਾਇਆ ਨੁਕਸਾਨ
ਜਿਵੇਂ ਹੀ ਐਪੀਸੋਡ ਸ਼ੁਰੂ ਹੁੰਦਾ ਹੈ, ਅਭਿਸ਼ੇਕ ਤੇ ਈਸ਼ਾ ਫਿਰ ਤੋਂ ਲੜਦੇ ਹਨ। ਜਦੋਂ ਈਸ਼ਾ ਤੇ ਅਭਿਸ਼ੇਕ ਲੜ ਰਹੇ ਸਨ ਤਾਂ ਘਰ ਦੇ ਬਾਕੀ ਮੈਂਬਰ ਵੀ ਵਿਚਕਾਰ ਬੋਲਣ ਲੱਗੇ। ਦੂਜੇ ਪਾਸੇ ਸਮਰਥ ਵਾਰ-ਵਾਰ ਕਹਿ ਰਿਹਾ ਸੀ ਕਿ ਉਹ ਘਰ ’ਚ ਅਭਿਸ਼ੇਕ ਤੋਂ ਡਰਦਾ ਹੈ। ਘਰ ਦੀ ਲੜਾਈ ਰੁਕਣ ਦਾ ਨਾਂ ਨਹੀਂ ਲੈ ਰਹੀ ਸੀ। ਈਸ਼ਾ ਤੇ ਅਭਿਸ਼ੇਕ ਲਗਾਤਾਰ ਵਾਰ-ਵਾਰ ਲੜ ਰਹੇ ਸਨ।
View this post on InstagramA post shared by ColorsTV (@colorstv)
ਅਭਿਸ਼ੇਕ ਹੋਇਆ ਬੇਘਰ
ਐਪੀਸੋਡ ’ਚ ਸਭ ਤੋਂ ਵੱਡੀ ਗੱਲ ਉਦੋਂ ਦੇਖਣ ਨੂੰ ਮਿਲੀ, ਜਦੋਂ ਅੰਕਿਤਾ ਨੇ ਅਭਿਸ਼ੇਕ ਨੂੰ ਘਰੋਂ ਕੱਢ ਦਿੱਤਾ। ਅਸਲ ’ਚ ‘ਬਿੱਗ ਬੌਸ’ ਨੇ ਅੰਕਿਤਾ ਨੂੰ ਪੁੱਛਿਆ ਕਿ ਕੀ ਅਭਿਸ਼ੇਕ ਨੂੰ ਉਸ ਦੀਆਂ ਹਰਕਤਾਂ ਲਈ ਘਰੋਂ ਕੱਢ ਦੇਣਾ ਚਾਹੀਦਾ ਹੈ। ਇਸ ਤੋਂ ਬਾਅਦ ਅੰਕਿਤਾ ਨੇ ਫ਼ੈਸਲਾ ਕੀਤਾ ਕਿ ਹਾਂ ਉਸ ਨੂੰ ਘਰੋਂ ਬਾਹਰ ਜਾਣਾ ਚਾਹੀਦਾ ਹੈ ਤੇ ਅਭਿਸ਼ੇਕ ਨੂੰ ਬਾਹਰ ਕਰ ਦਿੱਤਾ ਗਿਆ।
ਪਰਿਵਾਰਕ ਮੈਂਬਰ ਫੁੱਟ-ਫੁੱਟ ਕੇ ਰੋਏ
ਅਭਿਸ਼ੇਕ ਨੂੰ ਘਰੋਂ ਕੱਢੇ ਜਾਣ ਤੋਂ ਬਾਅਦ ਪਰਿਵਾਰ ਵਾਲੇ ਬਹੁਤ ਰੋ ਰਹੇ ਸਨ, ਖ਼ਾਸ ਕਰਕੇ ਅੰਕਿਤਾ ਤੇ ਮੁਨੱਵਰ ਬਹੁਤ ਰੋਏ ਸਨ। ‘ਬਿੱਗ ਬੌਸ’ ਦੇ ਘਰ ਤੋਂ ਅਭਿਸ਼ੇਕ ਦੇ ਜਾਣ ਤੋਂ ਬਾਅਦ ਹਰ ਕੋਈ ਕਾਫੀ ਪ੍ਰੇਸ਼ਾਨ ਨਜ਼ਰ ਆਇਆ।
View this post on InstagramA post shared by ColorsTV (@colorstv)
ਸਲਮਾਨ ਨੇ ਈਸ਼ਾ-ਸਮਰਥ ਨੂੰ ਝਿੜਕਿਆ
ਸਲਮਾਨ ਖ਼ਾਨ ਨੇ ‘ਵੀਕੈਂਡ ਕਾ ਵਾਰ’ ’ਤੇ ਘਰਵਾਲਿਆਂ ਨੂੰ ਸਖ਼ਤ ਸਬਕ ਦਿੱਤਾ ਹੈ। ਪਹਿਲਾਂ ਉਨ੍ਹਾਂ ਨੇ ਸਟੇਜ ਤੋਂ ਹੀ ਈਸ਼ਾ ਤੇ ਸਮਰਥ ਨੂੰ ਝਿੜਕਿਆ ਤੇ ਪੁੱਛਿਆ ਕਿ ਜੇਕਰ ਉਹ ਅਭਿਸ਼ੇਕ ਦੀ ਜਗ੍ਹਾ ਹੁੰਦੀ ਤਾਂ ਈਸ਼ਾ ਕੀ ਕਰਦੀ, ਜਿਸ ਤੋਂ ਬਾਅਦ ਈਸ਼ਾ ਨੇ ਕਿਹਾ ਕਿ ਉਹ ਵੀ ਉਨ੍ਹਾਂ ਨੂੰ ਮਾਰ ਦਿੰਦੀ। ਸਲਮਾਨ ਨੇ ਵੱਖਰੇ ਤੌਰ ’ਤੇ ਸਮਰਥ ਨੂੰ ਪੁੱਛਿਆ ਕਿ ਉਹ ਅਭਿਸ਼ੇਕ ਨੂੰ ਇਸ ਹੱਦ ਤੱਕ ਕਿਉਂ ਧੱਕਾ ਦੇ ਰਿਹਾ ਹੈ।
ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।