ਸਖ਼ਤ ਸੁਰੱਖਿਆ ਵਿਚਾਲੇ ਮੁੰਬਈ ਪਰਤੇ ਸਲਮਾਨ ਖ਼ਾਨ, ਪ੍ਰਸ਼ੰਸਕਾਂ ਨੇ ਕੀਤੀਆਂ ਦੁਆਵਾਂ
08/07/2022 3:02:14 PM
ਮੁੰਬਈ (ਬਿਊਰੋ)– ਸਲਮਾਨ ਖ਼ਾਨ ਨੂੰ ਜਦੋਂ ਤੋਂ ਜਾਨੋਂ ਮਾਰਨ ਦੀ ਧਮਕੀ ਮਿਲੀ ਹੈ, ਉਦੋਂ ਤੋਂ ਉਨ੍ਹਾਂ ਦੀ ਸੁਰੱਖਿਆ ਵਧਾ ਦਿੱਤੀ ਗਈ ਹੈ। ਧਮਕੀਆਂ ਵਿਚਾਲੇ ਸਲਮਾਨ ਖ਼ਾਨ ਸ਼ਨੀਵਾਰ ਨੂੰ ਦੁਬਈ ਤੋਂ ਮੁੰਬਈ ਪਰਤੇ ਹਨ। ਸਲਮਾਨ ਨੂੰ ਏਅਰਪੋਰਟ ’ਤੇ ਦੇਖ ਕੇ ਪੈਪਰਾਜ਼ੀ ਨੇ ਉਨ੍ਹਾਂ ਨੂੰ ਕੈਮਰਿਆਂ ’ਚ ਕੈਦ ਕਰ ਲਿਆ। ਸਲਮਾਨ ਏਅਰਪੋਰਟ ’ਤੇ ਸਖ਼ਤ ਸੁਰੱਖਿਆ ਵਿਚਾਲੇ ਬਾਹਰ ਆਉਂਦੇ ਦਿਖੇ। ਸਲਮਾਨ ਦੀ ਏਅਰਪੋਰਟ ਵੀਡੀਓ ਸੋਸ਼ਲ ਮੀਡੀਆ ’ਤੇ ਵਾਇਰਲ ਹੋ ਰਹੀ ਹੈ।
ਵਾਇਰਲ ਵੀਡੀਓ ’ਚ ਤੁਸੀਂ ਦੇਖ ਸਕਦੇ ਹੋ ਕਿ ਸਲਮਾਨ ਖ਼ਾਨ ਗ੍ਰੇ ਸ਼ਰਟ ਤੇ ਬਲੈਕ ਪੈਂਟ ’ਚ ਕੈਜ਼ੂਅਲ ਲੁੱਕ ’ਚ ਨਜ਼ਰ ਆ ਰਹੇ ਹਨ। ਸਲਮਾਨ ਨਾਲ ਉਨ੍ਹਾਂ ਦੇ ਬਾਡੀਗਾਰਡ ਸ਼ੇਰਾ ਸਮੇਤ ਕਈ ਪੁਲਸ ਵਾਲੇ ਵੀ ਹਨ। ਬੇਹੱਦ ਸਖ਼ਤ ਸੁਰੱਖਿਆ ਵਿਚਾਲੇ ਸਲਮਾਨ ਖ਼ਾਨ ਏਅਰਪੋਰਟ ਤੋਂ ਬਾਹਰ ਆਉਂਦੇ ਦਿਖ ਰਹੇ ਹਨ।
ਵੀਡੀਓ ਦੇਖ ਕੇ ਇੰਨਾ ਤਾਂ ਸਾਫ ਹੈ ਕਿ ਸਲਮਾਨ ਖ਼ਾਨ ਨੂੰ ਜਾਨੋਂ ਮਾਰਨ ਦੀ ਧਮਕੀ ਮਿਲਣ ਤੋਂ ਬਾਅਦ ਪੁਲਸ ਵੀ ਕਾਫੀ ਅਲਰਟ ਹੋ ਗਈ ਹੈ ਤੇ ਅਦਾਕਾਰ ਦੀ ਸੁਰੱਖਿਆ ’ਚ ਕੋਈ ਲਾਪਰਵਾਹੀ ਨਹੀਂ ਕਰਨਾ ਚਾਹੁੰਦੀ ਹੈ।
View this post on InstagramA post shared by Viral Bhayani (@viralbhayani)
ਸਲਮਾਨ ਖ਼ਾਨ ਦੀ ਇਸ ਵਾਇਰਲ ਵੀਡੀਓ ’ਤੇ ਪ੍ਰਸ਼ੰਸਕ ਵੀ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ। ਇਕ ਫੈਨ ਨੇ ਲਿਖਿਆ, ‘‘ਫੇਅਰਲੈੱਸ ਟਾਈਗਰ।’’ ਦੂਜੇ ਫੈਨ ਨੇ ਲਿਖਿਆ, ‘‘ਭਾਈ ਦਾ ਅਲੱਗ ਹੀ ਸਵੈਗ ਹੈ।’’ ਉਥੇ ਕਈ ਯੂਜ਼ਰਸ ਅਦਾਕਾਰ ਦੀ ਲੰਮੀ ਉਮਰ ਲਈ ਦੁਆਵਾਂ ਕਰ ਰਹੇ ਹਨ। ਫੈਨ ਨੇ ਲਿਖਿਆ, ‘‘ਅੱਲ੍ਹਾ ਤੁਹਾਨੂੰ ਲੰਮੀ ਉਮਰ ਦੇਵੇ ਤੇ ਆਪਣੀ ਹਿਫਾਜ਼ਤ ’ਚ ਰੱਖੇ।’’
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।