ਪਤੀ ਰੋਹਨ ਨੂੰ ਜਨਮਦਿਨ ਮੌਕੇ ਕਿੱਸ ਕਰਦੀ ਨਜ਼ਰ ਆਈ ਨੇਹਾ ਕੱਕੜ, ਦੇਖੋ ਦਿਲਕਸ਼ ਤਸਵੀਰਾਂ
12/03/2020 2:01:49 PM
ਜਲੰਧਰ (ਬਿਊਰੋ)– ਪੰਜਾਬੀ ਗਾਇਕ ਰੋਹਨਪ੍ਰੀਤ ਸਿੰਘ ਦਾ 1 ਦਸੰਬਰ ਨੂੰ ਜਨਮਦਿਨ ਸੀ। ਰੋਹਨਪ੍ਰੀਤ ਨੇ ਆਪਣਾ ਜਨਮਦਿਨ ਪਤਨੀ ਨੇਹਾ ਕੱਕੜ ਤੇ ਪਰਿਵਾਰ ਵਾਲਿਆਂ ਨਾਲ ਮਨਾਇਆ। ਰੋਹਨ ਦੀ ਪਤਨੀ ਨੇਹਾ ਕੱਕੜ ਵਲੋਂ ਉਸ ਦੇ ਜਨਮਦਿਨ ਮੌਕੇ ਖੂਬਸੂਰਤ ਤਸਵੀਰਾਂ ਸਾਂਝੀਆਂ ਕੀਤੀਆਂ ਗਈਆਂ ਸਨ ਪਰ ਜਨਮਦਿਨ ਮਨਾਉਣ ਮੌਕੇ ਦੀਆਂ ਤਸਵੀਰਾਂ ਰੋਹਨਪ੍ਰੀਤ ਨੇ ਅੱਜ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਸਾਂਝੀਆਂ ਕੀਤੀਆਂ ਹਨ।
ਇਨ੍ਹਾਂ ਤਸਵੀਰਾਂ ’ਚ ਜਿਥੇ ਰੋਹਨ ਆਪਣੇ ਤੇ ਨੇਹਾ ਕੱਕੜ ਦੇ ਪਰਿਵਾਰ ਵਾਲਿਆਂ ਨਾਲ ਨਜ਼ਰ ਆ ਰਹੇ ਹਨ, ਉਥੇ ਰੋਹਨ ਨੇ ਨੇਹਾ ਕੱਕੜ ਨਾਲ ਵੀ ਇਕ ਤਸਵੀਰ ਸਾਂਝੀ ਕੀਤੀ ਹੈ, ਜਿਸ ’ਚ ਨੇਹਾ ਰੋਹਨ ਨੂੰ ਕਿੱਸ ਕਰਦੀ ਨਜ਼ਰ ਆ ਰਹੀ ਹੈ।
ਪਰਿਵਾਰ ਨਾਲ ਤਸਵੀਰਾਂ ਸਾਂਝੀਆਂ ਕਰਦਿਆਂ ਰੋਹਨ ਨੇ ਲਿਖਿਆ, ‘ਕੀ ਸ਼ਾਨਦਾਰ ਦਿਨ ਸੀ। ਧੰਨਵਾਦ ਦੋਵਾਂ ਪਰਿਵਾਰਾਂ ਦਾ ਤੇ ਨੇਹਾ ਤੁਹਾਡਾ। ਇਹ ਸਭ ਤੁਹਾਡੇ ਕਰਕੇ ਹੋਇਆ ਹੈ। ਤੁਹਾਡੇ ਕਰਕੇ ਸਾਡੇ ਪਰਿਵਾਰ ਇਕ ਹੋਏ ਹਨ। ਇੰਨੇ ਵਧੀਆ ਅਰੇਂਜਮੈਂਟ ਲਈ ਮੰਮੀ ਕੱਕੜ ਤੇ ਪਾਪਾ ਕੱਕੜ ਦਾ ਬਹੁਤ ਧੰਨਵਾਦ। ਮੈਨੂੰ ਰਿਸ਼ੀਕੇਸ਼ ਹਾਊਸ ਨਾਲ ਪਿਆਰ ਹੋ ਗਿਆ ਹੈ ਤੇ ਤੁਸੀਂ ਸਾਰੇ ਮੈਨੂੰ ਇੰਨਾ ਪਿਆਰ ਕਰਦੇ ਹੋ ਟੋਨੀ ਕੱਕੜ, ਸੋਨੂੰ ਕੱਕੜ, ਜੀਜੂ, ਭਾਬੀ, ਉਦੈ, ਗੁੱਡੂ, ਰਘੂ। ਖੁਸ਼ਕਿਸਮਤ ਹਾਂ ਕਿ ਤੁਸੀਂ ਮੇਰੇ ਨਾਲ ਹੋ। ਮੇਰੀ ਸਾਰੀ ਖੁਸ਼ੀ ਤੁਹਾਡੇ ਕਰਕੇ ਹੀ ਹੈ ਨੇਹਾ ਤੇ ਤੁਹਾਡੇ ਵਲੋਂ ਦਿੱਤੇ ਸ਼ਾਨਦਾਰ ਤੋਹਫੇ ਮੈਂ ਕਿਵੇਂ ਭੁੱਲ ਸਕਦਾ ਹਾਂ। ਬਹੁਤ ਧੰਨਵਾਦ ਮੇਰੇ ਸਿੰਘ ਪਰਿਵਾਰ ਦਾ, ਜੋ ਹਮੇਸ਼ਾ ਮੇਰੇ ਨਾਲ ਖੜ੍ਹੇ ਹਨ। ਮੇਰੇ ਪ੍ਰਸ਼ੰਸਕਾਂ ਤੇ ਦੋਸਤਾਂ ਦਾ ਵਧਾਈਆਂ ਦੇਣ ਲਈ ਬਹੁਤ ਧੰਨਵਾਦ।’
View this post on InstagramA post shared by Rohanpreet Singh (@rohanpreetsingh)
ਉਥੇ ਜੋ ਤਸਵੀਰ ਰੋਹਨ ਨੇ ਨੇਹਾ ਨਾਲ ਸਾਂਝੀ ਕੀਤੀ ਹੈ, ਉਸ ਨਾਲ ਵੀ ਰੋਹਨ ਨੇ ਇਹੀ ਸੁਨੇਹਾ ਲਿਖਿਆ ਹੈ।
View this post on InstagramA post shared by Rohanpreet Singh (@rohanpreetsingh)
ਦੱਸਣਯੋਗ ਹੈ ਕਿ ਰੋਹਨ ਤੇ ਨੇਹਾ ਨੇ 24 ਅਕਤੂਬਰ ਨੂੰ ਵਿਆਹ ਕਰਵਾਇਆ ਹੈ। ਦੋਵਾਂ ਦਾ ਵਿਆਹ ਦਿੱਲੀ ਵਿਖੇ ਹੋਇਆ, ਜਿਥੇ ਦਿਨ ਵੇਲੇ ਆਨੰਦ ਕਾਰਜ ਹੋਏ, ਉਥੇ ਰਾਤ ਵੇਲੇ ਹਿੰਦੂ ਰੀਤੀ-ਰਿਵਾਜਾਂ ਨਾਲ ਦੋਵੇਂ ਵਿਆਹ ਦੇ ਬੰਧਨ ’ਚ ਬੱਝੇ। ਦੋਵਾਂ ਦੀ ਰਿਸੈਪਸ਼ਨ ਪਾਰਟੀ 26 ਅਕਤੂਬਰ ਨੂੰ ਰੱਖੀ ਗਈ ਸੀ, ਜਿਸ ’ਚ ਕਈ ਪੰਜਾਬੀ ਤੇ ਹਿੰਦੀ ਕਲਾਕਾਰਾਂ ਨੇ ਰੌਣਕਾਂ ਲਗਾਈਆਂ ਸਨ। ਉਥੇ ਆਪਣੇ ਹਨੀਮੂਨ ਕਰਕੇ ਵੀ ਦੋਵੇਂ ਕਾਫੀ ਚਰਚਾ ’ਚ ਰਹੇ ਸਨ।
ਨੋਟ– ਰੋਹਨ ਤੇ ਨੇਹਾ ਦੀਆਂ ਇਹ ਤਸਵੀਰਾਂ ਤੁਹਾਨੂੰ ਕਿਵੇਂ ਦੀਆਂ ਲੱਗੀਆਂ? ਕੁਮੈਂਟ ਕਰਕੇ ਆਪਣੀ ਰਾਏ ਦਿਓ।