ਨਿਊ ਚੰਡੀਗੜ੍ਹ ਦੇ ਇਸ ਸ਼ਾਹੀ ਰਿਜ਼ੋਰਟ 'ਚ ਹੋਵੇਗਾ ਰਾਜ ਕੁਮਾਰ ਰਾਓ ਤੇ ਪਤਰਲੇਖਾ ਦਾ ਵਿਆਹ

ਚੰਡੀਗੜ੍ਹ (ਬਿਊਰੋ) : ਬਾਲੀਵੁੱਡ ਅਦਾਕਾਰ ਰਾਜ ਕੁਮਾਰ ਰਾਓ ਅਤੇ ਅਦਾਕਾਰਾ ਪਤਰਲੇਖਾ ਬਹੁਤ ਜਲਦ ਵਿਆਹ ਕਰਵਾਉਣ ਜਾ ਰਹੇ ਹਨ। ਸੂਤਰਾਂ ਅਨੁਸਾਰ, ਰਾਜ ਕੁਮਾਰ ਰਾਓ ਅਤੇ ਪਤਰਲੇਖਾ ਦਾ ਵਿਆਹ 15 ਨਵੰਬਰ ਯਾਨੀਕਿ ਅੱਜ ਨਿਊ ਚੰਡੀਗੜ੍ਹ ਸਥਿਤ ਸੁਖ ਵਿਲਾਸ 'ਚ ਹੋ ਰਿਹਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ 10 ਨਵੰਬਰ ਨੂੰ ਵਿਆਹ ਸਬੰਧੀ ਬੁਕਿੰਗ ਵੀ ਕਰਵਾ ਦਿੱਤੀ ਗਈ ਸੀ। 

ਦੱਸ ਦਈਏ ਕਿ ਸੁਖ ਵਿਲਾਸ ਰਿਜ਼ੋਰਟ ਕਾਫ਼ੀ ਲਗਜ਼ਰੀ ਹੈ। ਇਸ  ਰਿਜ਼ੋਰਟ 'ਚ ਹੁਣ ਤੱਕ ਕਾਫ਼ੀ ਸੈਲੀਬ੍ਰਿਟੀਜ਼ ਦੇ ਵਿਆਹ ਹੋ ਚੁੱਕੇ ਹਨ। ਇਹ ਰਿਜ਼ੋਰਟ ਫ਼ਿਲਮੀ ਸਿਤਾਰਿਆਂ ਦੀ ਪਹਿਲੀ ਪਸੰਦ ਬਣਿਆ ਹੋਇਆ ਹੈ ਤਾਂ ਹੀ ਸਿਤਾਰੇ ਮੁੰਬਈ ਛੱਡ ਕੇ ਚੰਡੀਗੜ੍ਹ 'ਚ ਆ ਕੇ ਵਿਆਹ ਕਰਵਾ ਰਹੇ ਹਨ। 

ਦੱਸ ਦਈਏ ਕਿ ਨਿਊ ਚੰਡੀਗੜ੍ਹ ਦੇ ਸੁਖ ਵਿਲਾਸ 'ਚ ਪੰਜਾਬੀ ਸੂਫੀ ਗਾਇਕ ਸਤਿੰਦਰ ਸਰਤਾਜ ਦਾ ਵੀ ਵਿਆਹ ਹੋਇਆ ਸੀ। ਉਨ੍ਹਾਂ ਨੇ ਵੀ ਇਸ ਸ਼ਾਹੀ ਰਿਜ਼ੋਰਟ 'ਚ ਵਿਆਹ ਕਰਵਾਇਆ ਸੀ।

ਸੂਤਰਾਂ ਅਨੁਸਾਰ ਵਿਆਹ ਸਮਾਰੋਹ 'ਚ ਚੋਣਵੇਂ ਮਹਿਮਾਨ ਹੀ ਬੁਲਾਏ ਗਏ ਹਨ। ਰਾਜ ਕੁਮਾਰ ਅਤੇ ਪਤਰਲੇਖਾ 10 ਸਾਲ ਤੋਂ ਡੇਟ ਕਰ ਰਹੇ ਹਨ ਅਤੇ ਕਈ ਵਾਰ ਦੋਵਾਂ ਨੂੰ ਇਕੱਠਿਆਂ ਦੇਖਿਆ ਵੀ ਗਿਆ ਹੈ। ਸੂਤਰਾਂ ਅਨੁਸਾਰ ਦੋਵੇਂ ਕਾਫ਼ੀ ਸਮੇਂ ਤੋਂ ਲਿਵ-ਇਨ 'ਚ ਵੀ ਰਹਿ ਰਹੇ ਹਨ।

2010 ਤੋਂ ਰਿਲੇਸ਼ਨਸ਼ਿਪ 'ਚ ਹਨ ਰਾਜਕੁਮਾਰ-ਪਤਰਲੇਖਾ 
ਰਾਜ ਕੁਮਾਰ ਰਾਓ ਅਤੇ ਪਤਰਲੇਖਾ 2010 ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ। ਉਹ ਪਿਛਲੇ ਕੁਝ ਸਮੇਂ ਤੋਂ ਇਕੱਠੇ ਰਹਿ ਰਹੇ ਹਨ। ਹਿਊਮਨਜ਼ ਆਫ ਬਾਂਬੇ ਨਾਲ ਗੱਲਬਾਤ 'ਚ ਪਤਰਾਲੇਖਾ ਨੇ ਦੱਸਿਆ ਸੀ ਕਿ ਉਸ ਨੇ ਰਾਜ ਕੁਮਾਰ ਰਾਓ ਨੂੰ ਫ਼ਿਲਮ 'ਲਵ ਸੈਕਸ ਔਰ ਧੋਖਾ' 'ਚ ਪਹਿਲੀ ਵਾਰ ਸਕ੍ਰੀਨ 'ਤੇ ਦੇਖਿਆ ਸੀ।

ਇਹ ਫ਼ਿਲਮ ਸਾਲ 2010 'ਚ ਰਿਲੀਜ਼ ਹੋਈ ਸੀ। ਫ਼ਿਲਮ 'ਚ ਰਾਜ ਕੁਮਾਰ ਰਾਓ ਨੂੰ ਦੇਖ ਕੇ ਪਤਰਲੇਖਾ ਨੂੰ ਲੱਗਾ ਕਿ ਉਹ ਅਸਲ ਜ਼ਿੰਦਗੀ 'ਚ ਵੀ ਬਹੁਤ ਅਜੀਬ ਹੋਵੇਗੀ ਪਰ ਜਲਦੀ ਹੀ ਰਾਜ ਕੁਮਾਰ ਬਾਰੇ ਪਤਰਲੇਖਾ ਦੀਆਂ ਸਾਰੀਆਂ ਧਾਰਨਾਵਾਂ ਗਲਤ ਸਾਬਤ ਹੋ ਗਈਆਂ।

ਇੰਝ ਆਇਆ ਰਾਜ ਕੁਮਾਰ ਰਾਓ ਨੂੰ ਪਤਰਲੇਖਾ ਨਾਲ ਵਿਆਹ ਕਰਵਾਉਣ ਦਾ ਵਿਚਾਰ
ਪਤਰਲੇਖਾ ਨੂੰ ਪਹਿਲੀ ਵਾਰ ਟੀ. ਵੀ. ਐਡ 'ਚ ਦੇਖ ਕੇ ਰਾਜ ਕੁਮਾਰ ਰਾਓ ਦਾ ਦਿਲ ਟੁੱਟ ਗਿਆ। ਉਦੋਂ ਹੀ ਉਨ੍ਹਾਂ ਦੇ ਦਿਲ 'ਚ ਪਤਰਲੇਖਾ ਨਾਲ ਵਿਆਹ ਕਰਨ ਦਾ ਵਿਚਾਰ ਆਇਆ। ਹੌਲੀ-ਹੌਲੀ ਦੋਵੇਂ ਦੋਸਤ ਬਣ ਗਏ, ਫਿਰ ਉਨ੍ਹਾਂ ਦਾ ਪਿਆਰ ਵਧਿਆ। ਉਹ ਇਕੱਠੇ 'ਹੈਂਗਆਉਟ', 'ਲੌਂਗ ਡਰਾਈਵ' ਫ਼ਿਲਮਾਂ ਦੇਖਣ ਜਾਣ ਲੱਗੇ।

ਉਹ ਇਕੱਠੇ ਇੱਕ ਦੂਜੇ ਦੇ ਆਡੀਸ਼ਨ 'ਚ ਜਾਂਦੇ ਹਨ ਅਤੇ ਦੂਜੇ ਵਿਅਕਤੀ ਦਾ ਸਮਰਥਨ ਕਰਦੇ ਹਨ। ਰਾਜ ਕੁਮਾਰ ਅਤੇ ਪਤਰਲੇਖਾ ਹੰਸਲ ਮਹਿਤਾ ਦੀ ਫ਼ਿਲਮ ਸਿਟੀਲਾਈਟਸ 'ਚ ਇਕੱਠੇ ਕੰਮ ਕਰ ਚੁੱਕੇ ਹਨ।

ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ, ਕੁਮੈਂਟ ਕਰਕੇ ਜ਼ਰੂਰ ਦੱਸੋ।