‘ਮੇਰੀ ਬਕੇਟ ਲਿਸਟ ’ਚ ਅਭਿਨੈ ਸਿਖਰ ’ਤੇ ਸੀ’ : ਰਫਤਾਰ

ਮੁੰਬਈ (ਬਿਊਰੋ)– ਅਦਾਕਾਰੀ ਕਰੀਅਰ ਸ਼ੁਰੂ ਕਰਨ ਲਈ ਸਹੀ ਪ੍ਰਾਜੈਕਟ ਦੀ ਚੋਣ ਕਰਨਾ ਇਕ ਕਲਾਕਾਰ ਲਈ ਮਹੱਤਵਪੂਰਨ ਪਹਿਲੂ ਹੈ। ਰਫਤਾਰ, ਸੰਗੀਤ ਉਦਯੋਗ ’ਚ ਇਕ ਜਾਣਿਆ-ਪਛਾਣਿਆ ਨਾਮ, ਜੀਓ ਸਟੂਡੀਓਜ਼ ਦੀ ਵੈੱਬ-ਸੀਰੀਜ਼ ‘ਬਜਾਓ’ ਨਾਲ ਆਪਣੀ ਅਦਾਕਾਰੀ ਦੀ ਸ਼ੁਰੂਆਤ ਕਰਨ ਲਈ ਪੂਰੀ ਤਰ੍ਹਾਂ ਤਿਆਰ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਸੰਨੀ ਦਿਓਲ ਦੇ ਬੰਗਲੇ ਦੀ ਨਹੀਂ ਹੋਵੇਗੀ ਨਿਲਾਮੀ, ਬੈਂਕ ਨੇ ਨੋਟਿਸ ਲਿਆ ਵਾਪਸ

ਉਸ ਨੇ ਮਹਿਸੂਸ ਕੀਤਾ ਕਿ ਉਸ ਦੇ ਡੈਬਿਊ ਲਈ ਇਸ ਤੋਂ ਵਧੀਆ ਮੌਕਾ ਨਹੀਂ ਹੋ ਸਕਦਾ ਸੀ। ਉਸ ਨੇ ਕਿਹਾ, ‘‘ਅਦਾਕਾਰੀ ਤੇ ਸੰਗੀਤ ਦੇ ਸੰਪੂਰਨ ਮਿਸ਼ਰਣ ਨੇ ਮੈਨੂੰ ਸ਼ੋਅ ਲਈ ਹਾਂ ਕਹਿਣ ਲਈ ਮਜਬੂਰ ਕੀਤਾ। ਇਸ ’ਚ ਦਿੱਲੀ ਦੀਆਂ ਗੱਲਾਂ ਹਨ, ਸੰਗੀਤ ਦੀਆਂ ਗੱਲਾਂ ਹਨ। ਉਹ ਜੀਵਨ ਹੈ, ਜੋ ਮੈਂ ਦੇਖਿਆ ਹੈ। ਮੈਂ ਬਹੁਤ ਸਾਰੀਆਂ ਇਹੋ-ਜਿਹੀਆਂ ਦੋਸਤੀਆਂ ਦੇਖੀਆਂ ਹਨ, ਮੈਂ ਬਹੁਤ ਸਾਰੀਆਂ ਦੁਸ਼ਮਣੀਆਂ ਦੇਖੀਆਂ ਹਨ। ਮੈਂ ਬਹੁਤ ਸਹੀ ਮਹਿਸੂਸ ਕੀਤਾ। ਮੈਨੂੰ ਵੀ ਕਹਾਣੀ ਬਹੁਤ ਪਸੰਦ ਆਈ। ਇਕ ਅਦਾਕਾਰ ਦੇ ਰੂਪ ’ਚ ਮੇਰੇ ਕੋਲ ਇਕ ਬਕੇਟ ਲਿਸਟ ਸੀ ਤੇ ਉਸ ’ਚ ਅਦਾਕਾਰੀ ਸਿਖਰ ’ਤੇ ਸੀ। ਇਸ ਲਈ ਜਦੋਂ ਕੁਝ ਅਜਿਹਾ ਆਇਆ ਜੋ ਮੇਰੇ ਖੇਤਰ ’ਚ ਸੀ, ਮੈਨੂੰ ਸਿਰਫ਼ ਹਾਂ ਕਹਿਣੀ ਪਈ।’’

‘ਬਾਜਾਓ’ ਇਕ ਪਾਗਲਪਣ ਨਾਲ ਭਰੀ ਕਾਮੇਡੀ ਸੀਰੀਜ਼ ਹੈ, ਜਿਸ ਨੂੰ ਬਣਾਉਣ ਤੇ ਪੰਜਾਬੀ ਸੰਗੀਤ ਦੀ ਦੁਨੀਆ ’ਚ ਬਣੇ ਰਹਿਣ ਦੇ ਦਬਾਅ ਵਿਚਾਲੇ ਤਿੰਨ ਲੜਕਿਆਂ ਵਲੋਂ ਸੰਚਾਲਿਤ ਇਕ ਕਾਮੇਡੀ ਮਨੋਰੰਜਨ ਨੂੰ ਦਿਖਾਇਆ ਗਿਆ ਹੈ। ‘ਬਜਾਓ’ 25 ਅਗਸਤ ਤੋਂ ਜੀਓ ਸਿਨੇਮਾ ’ਤੇ ਸਟ੍ਰੀਮਿੰਗ ਸ਼ੁਰੂ ਕਰੇਗੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।