ਕੀ ਗਰਭਵਤੀ ਹੈ ਯੁਵਿਕਾ ਚੌਧਰੀ? ਮਾਂ ਬਣਨ ਦੀਆਂ ਖ਼ਬਰਾਂ ਦਾ ਦੱਸਿਆ ਸੱਚ

ਮੁੰਬਈ (ਬਿਊਰੋ) : ਮਸ਼ਹੂਰ ਅਦਾਕਾਰਾ ਯੁਵਿਕਾ ਚੌਧਰੀ ਅਤੇ ਪ੍ਰਿੰਸ ਨਰੂਲਾ ਟੀ. ਵੀ. ਦੇ ਮਨਪਸੰਦ ਜੋੜਿਆਂ 'ਚੋਂ ਇਕ ਹਨ। ਦੋਵਾਂ ਨੂੰ ਪ੍ਰਸ਼ੰਸਕਾਂ ਵੱਲੋਂ ਕਾਫ਼ੀ ਪਿਆਰ ਮਿਲ ਰਿਹਾ ਹੈ। ਇਕ ਵਾਰ ਫ਼ਿਰ ਦੋਵੇਂ ਸੁਰਖੀਆਂ 'ਚ ਆ ਗਏ ਹਨ। ਯੁਵਿਕਾ ਨੇ ਹਾਲ ਹੀ 'ਚ ਸੋਸ਼ਲ ਮੀਡੀਆ 'ਤੇ ਇਕ ਵੀਡੀਓ ਸ਼ੇਅਰ ਕੀਤਾ ਹੈ, ਜਿਸ 'ਚ ਉਸ ਨੇ ਗੁਲਾਬੀ ਰੰਗ ਦਾ ਅਨਾਰਕਲੀ ਸੂਟ ਪਾਇਆ ਹੋਇਆ ਹੈ।

ਇਹ ਵੇਖ ਕੇ ਬਹੁਤ ਸਾਰੇ ਲੋਕਾਂ ਨੇ ਅੰਦਾਜ਼ਾ ਲਗਾਇਆ ਕਿ ਯੁਵਿਕਾ ਗਰਭਵਤੀ ਹੈ। ਲੋਕਾਂ ਨੇ ਵੀਡੀਓ ਨੂੰ ਵੇਖ ਕੇ ਆਪਣਾ ਰਿਐਕਸ਼ਨ ਦੇਣਾ ਸ਼ੁਰੂ ਕਰ ਦਿੱਤਾ ਹੈ ਅਤੇ ਕਿਹਾ ਕਿ ਯੁਵਿਕਾ ਆਪਣਾ ਬੇਬੀ ਬੰਪ ਫਲਾਂਟ ਕਰ ਰਹੀ ਹੈ।

ਇਸ ਕਾਰਨ ਸੋਸ਼ਲ ਮੀਡੀਆ 'ਤੇ ਯੂਜਰਜ਼ ਨੇ ਆਉਣ ਵਾਲੇ ਛੋਟੇ ਮਹਿਮਾਨਾਂ ਲਈ ਉਨ੍ਹਾਂ ਨੂੰ ਵਧਾਈਆਂ ਦੇਣੀਆਂ ਵੀ ਸ਼ੁਰੂ ਕਰ ਦਿੱਤੀਆਂ ਪਰ ਤੁਹਾਨੂੰ ਦੱਸ ਦੇਈਏ ਕਿ ਯੁਵਿਕਾ ਚੌਧਰੀ ਗਰਭਵਤੀ ਨਹੀਂ ਹੈ। ਉਸ ਨੇ ਇਹ ਵੀ ਸਪੱਸ਼ਟ ਕਰ ਦਿੱਤਾ ਹੈ ਕਿ ਉਹ ਗਰਭਵਤੀ ਨਹੀਂ ਹੈ।

ਯੁਵਿਕਾ ਨੇ ਇਹ ਵੀ ਦੱਸਿਆ ਕਿ ਉਹ ਹੁਣੇ ਹੀ ਇਕ ਬੀਮਾਰੀ ਤੋਂ ਠੀਕ ਹੋਈ ਹੈ। ਯੁਵਿਕਾ ਨੇ ਦੱਸਿਆ ਕਿ ਉਸ ਨੂੰ ਕੋਰੋਨਾ ਹੋਇਆ ਸੀ ਅਤੇ ਜਿਸ ਤੋਂ ਉਹ ਅਜੇ ਵੀ ਰਿਕਵਰ ਕਰ ਰਹੀ ਹੈ।

ਨਾਲ ਹੀ ਉਨ੍ਹਾਂ ਨੇ ਕਿਹਾ ਕਿ ਪਹਿਲਾਂ ਮੈਨੂੰ ਡੇਂਗੂ ਦੇ ਚਲਦੇ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਸੀ। ਯੁਵਿਕਾ ਦੇ ਮੁਤਾਬਿਕ ਉਸ ਦੀ ਪ੍ਰੈਗਨੈਂਸੀ ਦੀਆਂ ਅਫਵਾਹਾਂ ਝੂਠੀਆਂ ਹਨ ਅਤੇ ਉਸ ਨੂੰ ਇਸ 'ਤੇ ਹਾਸਾ ਆ ਰਿਹਾ ਹੈ।

ਹਾਲਾਂਕਿ ਨਾਲ ਹੀ ਯੁਵਿਕਾ ਚੌਧਰੀ ਨੇ ਇਹ ਵੀ ਦੱਸਿਆ ਹੈ ਕਿ ਉਹ ਆਪਣੀ ਜਿੰਦਗੀ ਦੇ ਕਿਸੇ ਮੋੜ 'ਤੇ ਬੱਚਾ ਜ਼ਰੂਰ ਚਾਹੁੰਦੀ ਹੈ ਪਰ ਅਜੇ ਉਹ ਸਮਾਂ ਨਹੀਂ ਆਇਆ ਹੈ। ਯੁਵਿਕਾ ਨੇ ਕਿਹਾ ਕਿ ਉਹ ਉਦੋਂ ਹੋਵੇਗਾ ਜਦੋਂ ਉਸ ਦੇ ਹੋਣ ਦਾ ਸਹੀ ਸਮਾਂ ਹੋਵੇਗਾ।

ਆਪਣੇ ਪਹਿਰਾਵੇ ਬਾਰੇ ਯੁਵਿਕਾ ਨੇ ਕਿਹਾ ਕਿ ਉਸ ਸਮੇਂ ਉਸ ਦਾ ਬੇਬੀ ਬੰਪ ਸ਼ਾਇਦ ਕਿਸੇ ਐਂਗਲ ਤੋਂ ਲੱਗ ਰਿਹਾ ਸੀ ਪਰ ਅਸਲ 'ਚ ਅਜਿਹਾ ਕੁਝ ਨਹੀਂ ਹੈ। ਪਤੀ ਪ੍ਰਿੰਸ ਨਰੂਲਾ ਬਾਰੇ ਗੱਲ ਕਰਦਿਆਂ ਯੁਵਿਕਾ ਨੇ ਕਿਹਾ ਕਿ ਉਹ ਉਸ ਦੇ ਲਈ ਪੰਜਾਬ ਤੋਂ ਮੁੰਬਈ ਆਇਆ ਹੈ।

ਦੋਵਾਂ ਨੇ ਮਿਲ ਕੇ ਕਰਵਾ ਚੌਥ ਮਨਾਇਆ। ਯੁਵਿਕਾ ਇਹ ਵੀ ਕਹਿੰਦੀ ਹੈ ਕਿ ਪ੍ਰਿੰਸ ਕੁਝ ਸਮੇਂ ਲਈ ਫਿਰ ਤੋਂ ਪੰਜਾਬ ਜਾ ਸਕਦਾ ਹੈ। ਉਸ ਨੇ ਕਿਹਾ ਕਿ ਉਸ ਨੂੰ ਅਤੇ ਪ੍ਰਿੰਸ ਨੂੰ ਬੀਮਾਰੀ ਤੋਂ ਪੂਰੀ ਤਰ੍ਹਾਂ ਉਭਰਨ ਲਈ ਥੋੜਾ ਹੋਰ ਸਮਾਂ ਲੱਗੇਗਾ।

 

 

 

 

 

View this post on Instagram

 

 

 

 

 

 

 

 

 

Karwa Chauth par ek reel toh Banti hai 🤣😁🙈 @princenarula @ornaz_com

A post shared by Yuvikachaudhary (@yuvikachaudhary) on Nov 5, 2020 at 5:45am PST