ਪਰਮੀਸ਼ ਵਰਮਾ ਨੇ ਖਰੀਦੀ ਮਹਿੰਗੀ ਰੋਲਸ ਰੋਇਸ ਕਾਰ, 1-2 ਨਹੀਂ ਇੰਨੇ ਕਰੋੜ ਹੈ ਕੀਮਤ
06/01/2021 2:02:44 PM
ਚੰਡੀਗੜ੍ਹ (ਬਿਊਰੋ)– ਪੰਜਾਬੀ ਗਾਇਕ ਤੇ ਅਦਾਕਾਰ ਪਰਮੀਸ਼ ਵਰਮਾ ਨੂੰ ਗੱਡੀਆਂ ਦਾ ਬਹੁਤ ਸ਼ੌਕ ਹੈ। ਗੱਡੀਆਂ ਦੀ ਕਲੈਕਸ਼ਨ ’ਚ ਹੁਣ ਪਰਮੀਸ਼ ਵਰਮਾ ਨੇ ਆਪਣੀ ਸਭ ਤੋਂ ਮਹਿੰਗੀ ਕਾਰ ਖਰੀਦੀ ਹੈ।
ਜੋ ਕਾਰ ਪਰਮੀਸ਼ ਵਰਮਾ ਨੇ ਖਰੀਦੀ ਹੈ, ਉਸ ਦਾ ਨਾਂ ਹੈ ‘ਰੋਲਸ ਰਾਇਸ ਰੇਥ’। ਪਰਮੀਸ਼ ਵਰਮਾ ਦੀ ਇਸ ਸ਼ਾਨਦਾਰ ਗੱਡੀ ਦੀ ਕੀਮਤ ਵੀ ਬੇਹੱਦ ਸ਼ਾਨਦਾਰ ਹੈ। ‘ਰੋਲਸ ਰਾਇਸ ਰੇਥ’ ਦੀ ਭਾਰਤ ’ਚ ਕੀਮਤ ਲਗਭਗ 5 ਕਰੋੜ ਰੁਪਏ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਪਰਮੀਸ਼ ਵਰਮਾ ਨੇ ਆਪਣੀ ਰੋਲਸ ਰਾਇਸ ਰੇਥ ਨੂੰ ਕਸਟਮ ਬਿਲਡ ਕਰਵਾਇਆ ਹੈ। ਇਸ ਦੀ ਇਕ ਤਸਵੀਰ ਵੀ ਪਰਮੀਸ਼ ਨੇ ਸਾਂਝੀ ਕੀਤੀ ਹੈ, ਜਿਸ ’ਚ ਲਿਖਿਆ ਹੈ, ‘Hand Built in Goodwood, England for Parmish.’
ਉਥੇ ਇਸ ਕਸਟਮ ਬਿਲਡ ਲਈ ਪਰਮੀਸ਼ ਵਰਮਾ ਨੇ ਰੋਲਸ ਰਾਇਸ ਦਾ ਧੰਨਵਾਦ ਵੀ ਕੀਤਾ ਹੈ। ਪਰਮੀਸ਼ ਨੇ ਗੱਡੀ ਨਾਲ ਤਸਵੀਰਾਂ ਸਾਂਝੀਆਂ ਕਰਦਿਆਂ ਲਿਖਿਆ, ‘ਮੇਰੀ ਕਸਟਮ ਬਿਲਡ ਰੇਥ ਲਈ ਰੋਲਸ ਰਾਇਸ ਦਾ ਧੰਨਵਾਦ। ਨਵੀਂ ਗੱਡੀ ਦੀਆਂ ਮੁਬਾਰਕਾਂ ਜੀ।’
ਪਰਮੀਸ਼ ਵਰਮਾ ਦੀ ਇਸ ਪੋਸਟ ’ਤੇ ਪੰਜਾਬੀ ਗਾਇਕ ਜੋਰਡਨ ਸੰਧੂ ਤੇ ਗੀਤਕਾਰ ਨਿਰਮਾਨ ਨੇ ਵੀ ਕੁਮੈਂਟ ਕੀਤਾ ਹੈ। ਦੋਵਾਂ ਨੇ ਪਰਮੀਸ਼ ਵਰਮਾ ਨੂੰ ਨਵੀਂ ਗੱਡੀ ਲਈ ਵਧਾਈਆਂ ਦਿੱਤੀਆਂ ਹਨ।
ਨੋਟ– ਪਰਮੀਸ਼ ਵਰਮਾ ਦੀ ਨਵੀਂ ਗੱਡੀ ਬਾਰੇ ਤੁਸੀਂ ਕੀ ਕਹੋਗੇ? ਕੁਮੈਂਟ ਕਰਕੇ ਦੱਸੋ।