ਨੇਹਾ ਕੱਕੜ ਨੇ ਪਤੀ ਰੋਹਨ ਅਤੇ ਪਰਿਵਾਰ ਨਾਲ ਮਨਾਇਆ ਆਪਣਾ ਜਨਮਦਿਨ (ਤਸਵੀਰਾਂ)

ਮੁੰਬਈ- ਬਾਲੀਵੁੱਡ ਗਾਇਕਾ ਨੇਹਾ ਕੱਕੜ 6 ਜੂਨ ਨੂੰ 34 ਸਾਲ ਦੀ ਹੋ ਗਈ ਹੈ। ਗਾਇਕਾ ਨੂੰ ਇਸ ਦਿਨ ਸੋਸ਼ਲ ਮੀਡੀਆ 'ਤੇ ਢੇਰ ਸਾਰੀਆਂ ਸ਼ੁੱਭਕਾਮਨਾਵਾਂ ਮਿਲੀਆਂ। ਨੇਹਾ ਨੇ ਪਤੀ ਰੋਹਨਪ੍ਰੀਤ ਸਿੰਘ ਅਤੇ ਪਰਿਵਾਰ ਦੇ ਨਾਲ ਆਪਣਾ ਜਨਮਦਿਨ ਧੂਮਧਾਮ ਨਾਲ ਮਨਾਇਆ। ਨੇਹਾ ਨੇ ਜਨਮਦਿਨ ਮਨਾਉਣ ਦੀਆਂ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ ਜੋ ਪ੍ਰਸ਼ੰਸਕਾਂ ਵਲੋਂ ਖੂਬ ਪਸੰਦ ਕੀਤੀਆਂ ਜਾ ਰਹੀਆਂ ਹਨ। 

ਤਸਵੀਰਾਂ 'ਚ ਨੇਹਾ ਲਾਈਟ ਅਤੇ ਡਾਰਕ ਗ੍ਰੀਨ ਡਰੈੱਸ 'ਚ ਨਜ਼ਰ ਆ ਰਹੀ ਹੈ। ਲਾਈਟ ਮੇਕਅਪ ਅਤੇ ਖੁੱਲ੍ਹੇ ਵਾਲਾਂ ਨਾਲ ਗਾਇਕਾ ਨੇ ਆਪਣੀ ਲੁਕ ਨੂੰ ਪੂਰਾ ਕੀਤਾ ਹੋਇਆ ਹੈ। ਇਸ ਲੁਕ 'ਚ ਨੇਹਾ ਗਾਰਜੀਅਸ ਲੱਗ ਰਹੀ ਹੈ। ਨੇਹਾ ਪਤੀ ਰੋਹਨ ਅਤੇ ਪਰਿਵਾਰ ਦੇ ਨਾਲ ਕੇਕ ਕੱਟਦੀ ਹੋਈ ਦਿਖਾਈ ਦੇ ਰਹੀ ਹੈ। ਤਸਵੀਰਾਂ ਸਾਂਝੀਆਂ ਕਰਦੇ ਹੋਏ ਨੇਹਾ ਨੇ ਲਿਖਿਆ-6 ਜੂਨ 2022 ਮੇਰਾ ਹੁਣ ਤਕ ਦਾ ਸਭ ਤੋਂ ਚੰਗਾ ਜਨਮਦਿਨ। ਅਸੀਂ ਲੋਨਾਵਾਲਾ ਗਏ ਅਤੇ ਪੂਰੇ ਦਿਨ ਅਡਵੈਂਚਰ ਕੀਤਾ ਅਤੇ ਰਾਤ ਨੂੰ ਅਸੀਂ ਕੇਕ ਕੱਟਿਆ। ਅਸੀਂ ਨੱਚੇ, ਖਾਧਾ ਅਤੇ ਬਹੁਤ ਸਾਰਾ ਖੇਡੇ। ਬਹੁਤ ਬਹੁਤ ਜ਼ਿਆਦਾ ਮਜ਼ਾ ਆਇਆ। ਕੀ ਸ਼ਾਨਦਾਰ ਜਨਮਦਿਨ ਰਿਹਾ। ਇਹ ਸਭ ਤੁਹਾਡੇ ਆਸ਼ੀਰਵਾਦ ਅਤੇ ਸ਼ੁੱਭਕਾਮਨਾਵਾਂ ਦੇ ਕਾਰਨ ਹੋਇਆ ਹੈ। ਤੁਹਾਡਾ ਸਭ ਦਾ ਬਹੁਤ-ਬਹੁਤ ਧੰਨਵਾਦ, ਤੁਹਾਡਾ ਪਿਆਰ ਮੇਰੇ ਲਈ ਦੁਨੀਆ ਅਤੇ ਵਿਸ਼ੇਸ਼ ਰੂਪ ਨਾਲ ਮੇਰੇ NeHearts ਲਈ ਮਾਇਨੇ ਰੱਖਦਾ ਹੈ। 🤗🙏🏼 ਪ੍ਰਸ਼ੰਸਕ ਇਨ੍ਹਾਂ ਤਸਵੀਰਾਂ ਨੂੰ ਖੂਬ ਪਸੰਦ ਕਰ ਰਹੇ ਹਨ।

ਕੰਮਕਾਰ ਦੀ ਗੱਲ ਕਰੀਏ ਤਾਂ ਨੇਹਾ ਦਾ ਗਾਣਾ 'ਲਾ ਲਾ ਲਾ' ਹਾਲ ਹੀ 'ਚ ਰਿਲੀਜ਼ ਹੋਇਆ ਹੈ। ਇਸ ਮਿਊਜ਼ਿਕ ਵੀਡੀਓ 'ਚ ਰੋਹਨਪ੍ਰੀਤ ਉਨ੍ਹਾਂ ਦੇ ਨਾਲ ਹਨ। ਲੋਕ ਇਸ ਗਾਣੇ ਨੂੰ ਖੂਬ ਪਿਆਰ ਦੇ ਰਹੇ ਹਨ।