ਬਾਲੀਵੁੱਡ ’ਚ ਡੈਬਿਊ ਕਰੇਗੀ ‘ਬਿੱਗ ਬੌਸ ਓ. ਟੀ. ਟੀ. 2’ ਦੀ ਮਨੀਸ਼ਾ ਰਾਣੀ, ਮਿਲੇ 5 ਫ਼ਿਲਮਾਂ ਦੇ ਆਫਰ

ਮੁੰਬਈ (ਬਿਊਰੋ)– ‘ਬਿੱਗ ਬੌਸ ਓ. ਟੀ. ਟੀ. 2’ ’ਚ ਧਮਾਲ ਮਚਾਉਣ ਵਾਲੀ ਮਨੀਸ਼ਾ ਰਾਣੀ ਅੱਜ ਲੱਖਾਂ ਲੋਕਾਂ ਦੇ ਦਿਲਾਂ ਦੀ ਧੜਕਨ ਬਣ ਚੁੱਕੀ ਹੈ। ਲੋਕ ਉਸ ਨੂੰ ਪਸੰਦ ਕਰਦੇ ਹਨ ਤੇ ਉਸ ਦੇ ਬੋਲਣ ਦੇ ਤਰੀਕੇ ਨੂੰ ਵੀ। ਮਨੀਸ਼ਾ ਕਾਮੇਡੀ ਕਰਦੀ ਹੈ, ਜਿਸ ਨਾਲ ਘਰ ’ਚ ਸਕਾਰਾਤਮਕ ਮਾਹੌਲ ਬਣਿਆ ਰਹਿੰਦਾ ਹੈ। ਇਸ ਲਈ ਉਨ੍ਹਾਂ ਨੂੰ ਕਾਫੀ ਪਸੰਦ ਕੀਤਾ ਜਾਂਦਾ ਹੈ।

ਆਮ ਲੋਕ ਹੀ ਨਹੀਂ, ਮਸ਼ਹੂਰ ਹਸਤੀਆਂ ਵੀ ਉਸ ਦੇ ਪ੍ਰਸ਼ੰਸਕ ਹਨ। ਮਨੀਸ਼ਾ ਨੇ ਟਿਕਟਾਕ ਤੋਂ ‘ਬਿੱਗ ਬੌਸ’ ਤੱਕ ਦਾ ਸਫਰ ਤੈਅ ਕੀਤਾ ਹੈ। ਹਾਲਾਂਕਿ, ਇਹ ਉਸ ਲਈ ਆਸਾਨ ਨਹੀਂ ਸੀ। ਹੁਣ ਜਦੋਂ ਉਹ ਸਫਲ ਹੋ ਰਹੀ ਹੈ ਤਾਂ ਉਸ ਨੂੰ ਕਈ ਫ਼ਿਲਮਾਂ ਦੇ ਆਫਰ ਮਿਲਣ ਲੱਗੇ ਹਨ।

ਇਹ ਖ਼ਬਰ ਵੀ ਪੜ੍ਹੋ : ਪ੍ਰਸਿੱਧ ਗਾਇਕ ਮੀਕਾ ਸਿੰਘ ਨੂੰ ਲੈ ਕੇ ਆਈ ਵੱਡੀ ਖ਼ਬਰ, ਆਸਟ੍ਰੇਲੀਆ ਦੇ ਸਾਰੇ ਸ਼ੋਅ ਰੱਦ, ਹੋਇਆ ਕਰੋੜਾਂ ਦਾ ਨੁਕਸਾਨ

ਮਨੀਸ਼ਾ ਰਾਣੀ ਨੂੰ ਇਕ ਵਾਰ ਟੁੱਟੇ-ਭੱਜੇ ਘਰ ’ਚ ਰਹਿਣ ਲਈ ਮਜਬੂਰ ਕੀਤਾ ਗਿਆ ਸੀ। ਉਸ ਦੇ ਪਿਤਾ ਮਨੋਜ ਕੁਮਾਰ ਨੇ ਪਰਿਵਾਰ ਦੀ ਆਰਥਿਕ ਹਾਲਾਤ ਨੂੰ ਸੰਭਾਲਣ ਲਈ ਸਖ਼ਤ ਮਿਹਨਤ ਕੀਤੀ। ਉਸ ਨੇ ਧੀ ਨੂੰ ਪੜ੍ਹਾਇਆ ਤੇ ਉਸ ਦੇ ਸੁਪਨਿਆਂ ਨੂੰ ਪੂਰਾ ਕਰਨ ’ਚ ਹਮੇਸ਼ਾ ਉਸ ਦਾ ਸਾਥ ਦਿੱਤਾ। ਅੱਜ ਮਨੀਸ਼ਾ ਆਪਣੀ ਮਿਹਨਤ ਤੇ ਪ੍ਰਤਿਭਾ ਦੇ ਜ਼ੋਰ ’ਤੇ ਸਫਲਤਾ ਦੀਆਂ ਪੌੜੀਆਂ ਚੜ੍ਹ ਰਹੀ ਹੈ। ‘ਬਿੱਗ ਬੌਸ ਓ. ਟੀ. ਟੀ. 2’ ’ਚ ਕਦਮ ਰੱਖਣ ਤੋਂ ਬਾਅਦ ਉਸ ਦੀ ਕਿਸਮਤ ਇੰਨੀ ਤੇਜ਼ੀ ਨਾਲ ਅੱਗੇ ਵਧੀ ਹੈ ਕਿ ਉਸ ਨੂੰ ਇਕ-ਦੋ ਨਹੀਂ, ਸਗੋਂ ਪੰਜ ਫ਼ਿਲਮਾਂ ਦੇ ਆਫਰ ਮਿਲੇ ਹਨ।

ਇਕ ਪੋਰਟਲ ਨੂੰ ਦਿੱਤੇ ਇੰਟਰਵਿਊ ’ਚ ਦੱਸਿਆ ਗਿਆ ਕਿ ਮਨੀਸ਼ਾ ਨੂੰ ਬਚਪਨ ਤੋਂ ਹੀ ਡਾਂਸ ’ਚ ਦਿਲਚਸਪੀ ਹੈ। ਇਹ ਗੱਲ ਖ਼ੁਦ ਮਨੀਸ਼ਾ ਨੇ ਵੀ ਕਈ ਇੰਟਰਵਿਊਜ਼ ’ਚ ਦੱਸੀ ਹੈ। ਉਸ ਨੂੰ ਸ਼ੁਰੂ ਤੋਂ ਹੀ ਅਦਾਕਾਰੀ ਤੇ ਡਾਂਸ ਦਾ ਸ਼ੌਕ ਹੈ। ਜਦੋਂ ਟਿਕਟਾਕ ਰੁਕਿਆ ਤਾਂ ਉਹ ਬਹੁਤ ਰੋਈ। ਉਸ ਨੇ ਪੰਜ ਦਿਨ ਬਿਨਾਂ ਕੁਝ ਖਾਧੇ-ਪੀਤੇ ਬਿਤਾਏ। ਉਸ ਨੂੰ MOJ ਐਪ ਦੀ ਤਰਫੋਂ ਬਾਂਡ ’ਤੇ ਦਸਤਖ਼ਤ ਕਰਨ ਲਈ ਕਿਹਾ ਗਿਆ ਸੀ। ਇਸ ’ਚ ਉਸ ਨੂੰ 3-5 ਲੱਖ ਦੇਣ ਲਈ ਕਿਹਾ ਗਿਆ ਕਿ ਉਹ ਉਸ ਲਈ ਵੀਡੀਓ ਬਣਾਵੇਗੀ ਪਰ ਬਾਅਦ ’ਚ ਉਸ ਤੋਂ ਇਹ ਮੌਕਾ ਵੀ ਖੋਹ ਲਿਆ ਗਿਆ। ਮਨੀਸ਼ਾ ਕਈ ਵਾਰ ਡਿੱਗਣ ਤੋਂ ਬਾਅਦ ਉੱਠੀ ਹੈ, ਉਦੋਂ ਹੀ ਉਹ ਇਸ ਮੁਕਾਮ ’ਤੇ ਪਹੁੰਚ ਸਕੀ ਹੈ।

ਮਨੀਸ਼ਾ ਰਾਣੀ ਨੂੰ ਹੁਣ ਤੱਕ ਪੰਜ ਫ਼ਿਲਮਾਂ ਦੇ ਆਫਰ ਮਿਲ ਚੁੱਕੇ ਹਨ। ਜਿਵੇਂ ਹੀ ਉਹ ਸ਼ੋਅ ਛੱਡਦੀ ਹੈ, ਉਸ ਦੇ ਸਾਹਮਣੇ ਫ਼ਿਲਮਾਂ ਦੀ ਇਕ ਲਾਈਨ ਦਿਖਾਈ ਦਿੰਦੀ ਹੈ। ਇਸ ਤੋਂ ਇਲਾਵਾ ਉਹ ਇਕ NGO ਨਾਲ ਵੀ ਜੁੜੀ ਹੋਈ ਹੈ। ਉਸ ਦੇ ਪੈਸਿਆਂ ਤੋਂ ਲੈ ਕੇ NGO ’ਚ ਹਰ ਚੀਜ਼ ਦਾ ਅਹਿਮ ਯੋਗਦਾਨ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।